Tito 2:12 - Bible in Tzeltal Bachajón

¹² soc ya snohptesotic te yacuc xhil cu'untic spisil bintic chopol soc bintic mulantic sba ta pasel ta bahlumilal, te tsahtaybiluc co'tantic ya x'ayinotic ta ora ini, te tojuc ya x'ayinotic soc te ayuc ta co'tantic spisil ora te Diose,

Nuevo Testamento Tzeltal de Amatenango

¹² Te slekil yoꞌtane, Dios ya snojpesotik ta sjilesel te tut ma lekuke y sok te tutik Kꞌupinbil ta skuenta balmilale. Y jaꞌ ya yaꞌbotik kichꞌtik ta balmilal te jun kuxlejal te ya jnaꞌbetik sluwar sok te ben toj aye. Sok jich ya xchiknaj te jaꞌ ay ta koꞌtantik te Diose.

Bible in Tzeltal de Oxchuc y Tenejapa

¹² Ayotic ta p'ijubtesel yu'un te bit'il ya sc'an ya xjil cu'untic spisil te bila amene soc spisil te bila mulanbil sba ta pasel ta balumilale. Soc ya sc'an te ma xjelawotique, ya sc'an toj ya cac' jbatic, ya sc'an te spisil ora ay ta co'tantic Dios te jayeb c'aal ayotic ta q'uinale.

Tito 2:12 Referans Kwoze

Ezequiel 36:27

Ya ca'beyex ta awo'tanic te espíritu cu'un, ya cac' te yac at'unic te chahpambil mandariletic cu'un, soc te yac ach'uhunic spasel te mandariletic cu'une.

San Mateo 16:24

Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

Romanos 6:19

Hich ya xc'opojon te bin ut'il winic ta scaj te ch'ich'-baq'uetex te mayuc awipic. Hich te bin ut'il la awac' ta a'batinel abaq'uetalic yu'un spasel te bintic ihlobtic sba soc te bintic chopol, ha nix hich yo'tic ac'a ta a'batinel abaq'uetalic yu'un spasel te bintic toj scuenta ach'ulteselic.

Salmos 4:3

Na'ahic me te parte ac'bil yu'un Jehová te mach'a jun yo'tan ta stojol; te Jehová ya ya'iybon jc'op te c'alal ya jc'opon.

2 Pedro 2:9

Te Cajwaltic ya sna' scoltayel loq'uel ta sujel te mach'atic jun yo'tanic ta stojol Dios, soc ya sna' sq'uejel te mach'atic ma tojuc bin ya spasic yu'un ya yich'ic castigo c'alal ya sta yorahil ich'el ta c'op;

1 Juan 2:6

Te mach'a ya yal sba te spisil ora ay ta stojol te Diose, ya sc'an ya xbehen hich te bin ut'il behen te Jesuse.

2 Timoteo 3:12

Ha nix hich ya me xc'ax swocolic ta uts'inel spisil te mach'atic ya sc'an ya yo'tantayic sch'uhunel te Cristo Jesús.

Apocalipsis 14:12

Ha ya sc'an te ay yip yo'tanic te mach'atic ch'uhltesbilic, ha te mach'atic ya sch'uhunic spasel te smandar Dios soc te jun yo'tanic ta stojol te Jesús.

San Lucas 1:75

ta scuenta ch'ultesel soc toj-o'tanil ta stojol Dios te jayeb c'ahc'al cuxulotique.

1 Tesalonicenses 4:7

Ma ba la yic'otic Dios yu'un te ya jpastic chijil-o'tanil, ha la yic'otic yu'un te ya quich'tic ch'ultesel.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

1 Tesalonicenses 4:9

Ma fuersahuc ya jts'ihbabeyex sc'oblal bin ut'il c'ux yac awa'iy abahic soc awermanotaquic, como ha'ex nix a'botex anopic yu'un Dios te talel c'axel c'ux yac awa'iy abahique;

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Romanos 6:12

Ha yu'un ma me xawac' scuentahimbeyex abaq'uetalic te mulil, yu'un yac ach'uhunic spasel te bintic chopol ya smulan spasele;

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

1 Juan 2:27

Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

2 Pedro 3:11

Te bin ut'il hich ya xjihn spisil, ¡ya sc'an te ch'ultesbiluc acuxlejalic soc junuc awo'tanic ta stojol Dios

Hebreos 8:11

Mayuc mach'a ya snohptes te spat-xuhc, soc mayuc mach'a hich ya yalbe te yermano: Na'beya sba te Cajwaltic, te ya yute, como spisilic ya me sna'bonic jba, muc' biq'uitetic.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

1 Timoteo 4:12

Ma me ayuc mach'a ma xyich'at ta cuenta yu'un te jcolel winicat, a'beya yilic bin lec ta pasel te mach'atic ya sch'uhunic, a'beya yilic ta scuenta ac'op, atalel, sc'uxul awo'tan, sch'uhunel awo'tan soc te ma x'ana' slehel mulil.

Colosenses 1:22

pero ta ora ini, la scha'lecubtesbeyex awo'tanic soc ta scuenta te sbaq'uetal Cristo te laje, scuenta yu'un ch'ultesbilex soc mayuc banti jihnem awu'unic soc mayuc bin quechel ta acuentahic a ya stehc'anex ta stojol.

Gálatas 5:24

Como te mach'atic yu'unic Cristo, yac'ojiquix ta lajel ta cruz te spoco'-talelic te ya smulan spasel te bintic ya sc'an te sbaq'uetalique.

Gálatas 1:4

te ha nix la yac' sba ta lajel yu'un te jmultic yu'un ya scoltayotic loq'uel ta yohlil te bin chopol ay ta pasel ta ora ini, hich te bin ut'il la sc'an yo'tan te Jtatic Dios,

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

Romanos 8:13

como teme ha yac awa'telinic spasel te bin ya smulan stuquel, ya me xlajex yu'un; yan teme ta scuenta te Espíritu yac awac' ta lajel te ya'tel te jmulawil baq'uet, ya me xcuxajex yu'un.

Hechos 24:25

Pero te c'alal halbot yu'un te Pablo bin ut'il ay te toj-o'tanil, te bin ut'il ya scom sba, soc bin ut'il ay sc'oblal te ich'el ta c'op te ya xtale, xiw yo'tan yu'un te Félix, hich la yalbe: Bahanix, c'alal ay tiempo cu'un ya jticonat xan ta iq'uel, xchi.

Hechos 24:16

Ha scuentahil te spisil ora ya jc'an te lec co'tan ya ca'iy ta stojol Dios soc ta stojol ants-winiquetic.

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

Efesios 1:4

Ha la stsahotic ta scuenta Cristo te c'alal ma to ayuc a te bahlumilal, scuenta yu'un ch'ultesbil ya xc'ohotic soc mayuc cabalquiltic ta stojol a.

San Juan 14:30

Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

San Juan 6:25

C'alal c'oht stahic ta jehch mar te Jesús, hich la yalbeyic: Rabí, ¿bin ora hulatix li'i? xchihic.

San Lucas 1:6

Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

Salmos 105:45

scuenta yu'un ya sch'uhumbeyic spasel te chapbil mandariletic yu'un soc ya sc'ohtesic ta pasel te leyetic yu'une. ¡Aleluya!

Judas 1:18

te hich la yalbeyex: Ta slajibal c'ahc'al ya me xtal jlabanwanejetic te ya spasic te bintic chopol ya smulanic spasel, xchihic.

2 Timoteo 4:10

como te Demas la sch'ayonix hilel ta yo'tan, te bin ut'il bic'tajem yo'tan yu'un te bin scuenta bahlumilal, bahtix ta Tesalónica. Te Crescente bahtix ta Galacia, te Tito bahtix ta Dalmacia.

San Mateo 12:32

Mach'ayuc a te ay bin ya yal ta scontrahinel te Nich'anil ay ta scuenta winic, ya xpasbot perdón yu'un; yan te mach'a ay bin ya yal ta scontrahinel te Ch'ul Espíritu, ma ba ya xpasbot perdón stuquel, ni ha'uc ta ora ini o ta patil.

1 Timoteo 6:9

Yan te mach'atic ya sc'an ya xc'uhlejubic ya xyahlic ta sujel soc ta yaquil, soc ta banti bayel bintic chopol te ya sc'an yo'tanic soc te ya xjinawan, te ya yac' ochuc ta jinel soc ta ch'ayel te winiquetique.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.