Tito 1:9 - Bible in Tzeltal Bachajón

⁹ Ya sc'an te jc'axel yac'oj ta yo'tan te lequil c'op te a'bot snop, scuenta yu'un hich ya xhu' yu'un stsitsel ta scuenta lequil nohptesel soc ya xhu' yu'un sutbeyel sc'op te mach'atic ya xcontrac'optayot yu'une.

Nuevo Testamento Tzeltal de Amatenango

⁹ Ya skꞌan te yakꞌoj ta yoꞌtan te skꞌoplal te batsꞌi jich a aꞌbot snope, yuꞌun jich me ya xjuꞌ ya yaꞌbe spuersa yoꞌtan ekꞌa te yanetik sok te lekil nojpesele, y jich me ya xjuꞌ yuꞌun skomel te machꞌatik ya xkontrainwan ta kꞌope.

Bible in Tzeltal de Oxchuc y Tenejapa

⁹ Soc ya sc'an te ma xyac' ch'ayuc ta yo'tan te lequil c'op te ac'bot snope, swenta yu'un jich me ya xju' yu'un stac'uyel a te yantic ta swenta te lequil p'ijubtesele. Soc jich me ya xju' yu'un scomel ta c'op te mach'atic ya scontroinic te lequil p'ijubtesele.

Tito 1:9 Referans Kwoze

2 Tesalonicenses 2:15

Ha yu'un, quermanotac, junuc me awo'tanic soc canantayahic te nohptesel te a'botex anopic, teme ta c'op o ta carta cu'uncotique.

2 Timoteo 1:13

Canantaya te lequil c'op awa'iyej ta jtojol, soc ayuc me sch'uhunel awo'tan soc sc'uxul awo'tan ta scuenta te Cristo Jesús.

1 Timoteo 6:3

Teme ay mach'a yan bin ya yac' ta nopel, te ma pajaluc soc te lequil c'opetic yu'un te Cajwaltic Jesucristo soc te nohptesel bin ut'il toj ta ch'uhunel te Diose,

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

Apocalipsis 3:3

Na'a me hiche te bin awich'oj soc awa'iyej; pasa soc suhtesa awo'tan. Teme ma ba yac acux awo'tan, ya xtalon ta atojol hich te bin ut'il j'elec', ma na'biluc awu'un bin ora ya xtalon.

1 Timoteo 1:15

Ha stojil c'op ini te ya sc'an ch'uhunel yu'un spisilic: ha te xtaluquix ta bahlumilal te Cristo Jesús ta swehtesbeyel scolel jmulawiletic, te c'ax hich jmulawilon a te bin ut'il spisil te yantique.

Tito 2:1

Te ha'ate, ac'a ta nopel te bin lec ta nopel.

Tito 1:11

Ya sc'an ya yich' macbeyel yehic, como yac sjimbel nahetic, yu'un ta scaj sbic'sitayel taq'uin ya yaq'uic ta nopel te bin ma xtuhune.

2 Timoteo 4:3

como ya sta yorahil te ma ba ya sc'an ya ya'iyiquix te lequil nohptesel, ya sac'ub schiquinic, hich ya stsob bayel maestrohetic yu'unic te ya xnoptesotic yu'un te bin ya smulanic,

1 Tesalonicenses 5:21

Tsahtayahic spisil, ich'ahic te bin leque.

Proverbios 23:23

Mana te bin smelelil, ma me xachon; mana p'ijil-o'tanil, nohptesel soc sna'beyel scuentahil.

Job 2:3

¿La bal awil te ca'bat Job te mayuc mach'a yan hich pajal soc ta bahlumilal, te lec soc toj ta winiquil, yich'oj ta muc' te Dios soc mayuc bin chopol ya spas? Soc stalel jun yo'tan, aunque ha'at la awa'bon jlajimbe te bintic ay yu'un ta tojol nax, xchi te Jehová.

Apocalipsis 3:11

Nopol ya xtalon. Ma me xch'ay awu'un te bin ay awu'un, scuenta yu'un mayuc yan mach'a ya yich'bat te acorona.

Apocalipsis 2:25

pero te bin ay awu'unic ich'ahic ha to c'alal ya xtalon.

Judas 1:3

Ha'ex te c'uxex ta co'tan, aunque tulan sc'oblal ta co'tan te ya jts'ihbabeyex sc'oblal te jcoleltique, hich la jc'an te ya jts'ihbabeyex yu'un ya ca'beyex yip awo'tanic yu'un yacuc xc'opojex yu'un te bintic jch'uhunejtic, te jc'axel a'bibil te mach'atic ch'ultesbilique.

2 Timoteo 2:25

Soc yutsil yo'tan ya stojobtes mach'atic ya scontrahinic, yu'un ayuc bin ut'il ya sutesbot yo'tanic yu'un Dios yu'un hich ya xhu' ya sna'beyic scuentahil te smelelil c'op,

2 Timoteo 2:2

Te bintic awa'iyej cu'un ta stojol tsobol testigohetic ha me xawa'be snop winiquetic te jun yo'tanic, te ya xhu' ya ya'beyic snop yantic.

1 Timoteo 4:9

Ha smelelil c'op ini soc ya sc'an ch'uhunel yu'un spisilic.

1 Timoteo 1:19

te ma xch'ay te sch'uhunel awo'tan soc mayuc bin ya xhalbotat ta awo'tan a. Ay mach'atic la yihquitayic ini, hich jihn te sch'uhunel yo'tanic.

Hechos 18:28

como bayel yip la stsal ta c'op ta comonsitil te judíohetic, la yac' ta na'el ta scuenta te Shun Dios te ha nix Cristo te Jesús.

Job 27:6

Ya calulan te toj ayon, ma ba ya jquehchan; ta spisil jcuxlejal ma ba ya yal co'tan te ay jmul.

1 Corintios 14:24

Yan teme apisilic yac awalbelic sc'op-jalwanej a te ya x'och tal mach'a ma ba sch'uhunej Dios o mach'a ma ba ya sna'be scuentahil, ya me xc'oht ta yo'tan soc ya me sna' te ay smul ta scuenta te bin yac awalique;

2 Timoteo 3:14

Yan te ha'ate teyuc ay awo'tan spisil ora a te bin anopoj soc te bin c'ohem ta awo'tan, como ana'oj mach'a ya'beyejat anop,