Tito 1:3 - Bible in Tzeltal Bachajón

³ soc ta mero yorahil yu'un la yac' chicnajuc te bin la yal, ha la spas ta scuenta yalel te sc'op Dios te a'boton ta scuenta smandar te Cajwaltic Dios.

Nuevo Testamento Tzeltal de Amatenango

³ Y te ora to, te la staix stiempoale, la yaꞌbotikix jnaꞌtik te skꞌoplal te tutꞌil ay ta alel, te jaꞌ la yaꞌbon kal ta skuenta smantal Dios te jkoltawanej kuꞌuntike.

Bible in Tzeltal de Oxchuc y Tenejapa

³ Ta ora to, te bit'il la staix yorail yu'une, jich la yaq'uix ta na'el te bila yaloj ta swenta te c'op ac'boton ta jwenta xcholele. Jich quich'oj mandal yu'un te Diose te Jcoltaywanej cu'untique.

Tito 1:3 Referans Kwoze

1 Timoteo 1:11

hich ya yal te t'ujbil lec yach'il c'op yu'un te Dios te bayel yutsil, te ha a'bilon ta jcuentahe.

1 Timoteo 1:1

Pablo, jpuc-c'op yu'un te Jesucristo ta scuenta smandar Dios te Jcoltaywanej cu'untic, soc te Cajwaltic Jesucristo te ha smuc'ul co'tantic,

Tito 2:10

Ma me xyelc'anic te yajwalic, ac'a me yaq'uic ta ilel te jun yo'tanic ta stojol, scuenta yu'un hich me lec ya xc'oht sc'oblal yu'unic a te bin ay ta nopbeyel sc'oblal Dios, te Jcoltaywanej cu'untique.

Tito 2:13

te c'alal yacotic ta smahliyel te bin smuc'ulinej co'tantic te bayel yutsil, ha te ya xchicnaj tal soc yutsilal te muc'ul Dios soc Jcoltaywanej cu'untic, ha te Jesucristo.

1 Timoteo 4:10

Ha scuentahil te ya x'a'tejotic soc ya ca'betic yipal, como ha smuc'ulinej co'tantic te cuxul Dios, te ha Jcoltaywanej yu'un spisil ants-winiquetic, pero ha mero Jcoltaywanej yu'un te mach'atic ya sch'uhunique.

1 Timoteo 2:3

Como ha lec ini soc ha lec yo'tan Dios yu'un, te Jcoltaywanej cu'untic,

1 Tesalonicenses 2:4

Hich ya xc'opojotcotic te bin ut'il mach'atic lec yo'tan Dios yu'un, te hich ac'ot ta jcuentacotic te lec yach'il c'ope. Ma ha'uc ya jc'ancotic te lec yo'tan cu'uncotic te ants-winiquetic, ha'uc me lec yo'tan cu'uncotic te Dios, te ya ya'iybotic co'tantic stuquel.

Colosenses 1:23

Pero ya sc'an te spisil ora ay yip te sch'uhunel awo'tanic, te ma ba ya xhil awu'unic te smuc'ul awo'tanic yu'un te lec yach'il c'op te awa'iyejic, te ha ya yich' halel ta stojol spisilic te ayic ta ye'tal ch'ulchan, te ho'on, Pablohon, quich'oj ca'tel ta yalel.

Colosenses 1:6

te c'ohtix ta atojolique. Ta swohlol bahlumilal yac ta yaq'uel sit te lec yach'il c'op soc yac ta puhquel bahel, hich te bin ut'il ta atojolic te c'alal la awa'iyic soc te la ana'beyic te yutsil yo'tan Dios ta mero melel.

Efesios 2:17

Te Cristo tal yalbeyex te lec yach'il c'op scuenta lamal q'uinal, ha'ex te namal ayex soc te mach'atic nopol ayic,

Gálatas 4:4

Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

1 Corintios 9:17

Teme soc sc'anojel co'tan ya jpas, ay bin ya x'a'boton yu'un; yan teme ma ha'uc soc sc'anojel co'tan ya jpas, ha nax yacon ta spasel te bin ticombilon ta spasele.

Isaías 45:21

C'opojanic, ac'a ta ilel pruebahetic, ac'a snopic ta comon. ¿Mach'a la yal ini c'alal ta shahchibal? ¿Mach'a la yalbe sc'oblal ta namey? ¿Ma bal ho'ucon, Jehovahon? Mayuc yan Dios ta jtojol, ha Dios te toj soc te ya xcoltaywan, mayuc yan ta jtojol.

Filipenses 1:13

Ha scuentahil te chicanix ta spisil te pretorio soc spisil yantic te chuculon ta scuenta Cristo.

Romanos 16:26

pero ta ora ini chicanix ta scuenta te bin ts'ihbabil hilel yu'un te jalwanejetic ta scuenta smandar Dios te sbahtel q'uinal ay, te a'bot sna'ic spisil nacionetic scuenta yu'un ya sch'uhunic;

Romanos 15:19

ta scuenta yip te señahiletic soc jchahp a'teliletic pasbil ta scuenta yu'el te Espíritu yu'un Dios. Hich c'alal Jerusalén soc ta sjoyobal ha to ta sq'uinal Ilírico, spisil la jnojes ta lec yach'il c'op yu'un Cristo.

Romanos 5:6

Te c'alal mayuc quiptic a la sta yorahil te cham Cristo yu'un te jmulawiletique.

Hechos 17:26

Ta jtuhl nax winic la schicnajtes spisil ta chahp nacionetic yu'un ya xnahinic ta swohlol bahlumilal; soc la schahpambe yorahilic soc te banti ya xnahinic,

Hechos 10:36

Dios la sticombe sc'op ta stojol te snich'nab Israel, la yalbe sc'oblal te lec yach'il c'op scuenta lamal q'uinal ta scuenta Jesucristo, ha te Ajwalil yu'un spisil.

San Lucas 1:47

soc te espíritu cu'un bayel yutsil ya ya'iy ta stojol Dios te Jcoltaywanej cu'une,

San Marcos 16:15

Hich la yalbe: Bahanic ta swohlol bahlumilal, halbeya ya'iyic spisil ants-winiquetic te lec yach'il c'ope.

San Marcos 13:10

Ya sc'an te nahil ya yich' halel te lec yach'il c'op ta spisil nacionetic.

Habacuc 2:3

Aunque ma to xc'oht ta pasel te nahalsitil, ya xc'oht ta pasel ta mero yorahil, ma ba ya spas lot. Aunque ya xhalaj, mahliya, yu'un ya me xc'oht ta pasel, ma ba ya xhalaj.

Daniel 11:27

Te cheb ajwaliletic ya snop ta yo'tanic spasel te bin chopol. Pajal ya shuhcan sbahic ta mesa, talel c'axel ya slo'tiy sbahic, pero mayuc bin ya xloc' a como ma to ba stahoj yorahil te ya xc'oht ta pasele.

Daniel 9:24

Chapal lajuneb schanwinic (70) semana ya xc'ax yu'un te alumal soc te ch'ul pueblo awu'un, yu'un ya xlaj te sc'axuntayel mandar, yu'un ya xlaj te mulil soc yu'un stojel mulil, yu'un ya yich' talel te bin stojil ta pasel te stalel ya xhil, yu'un ya yich' sello te nahalsitil soc te sc'op-jalwanej, soc yu'un ya yich' ch'ultesel te Mero Ch'ul Awilal.

Daniel 8:23

C'alal nopol ya sta yorahil te ya xlaj te cuentahinel yu'unic, c'alal tohyix a te jc'axun-mandaretic, ya xchicnaj jtuhl ajwalil te toyba te sit yelaw, soc mero ya sna' lo'loywanej.

Isaías 45:15

Melel ha'at Diosat te yac anac' aba, Diosat yu'un Israel, te ya xcoltaywanat.

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Apocalipsis 14:16

Ha yu'un te mach'a hucul ta sba tocal och ta sbojel ta bahlumilal soc te hoz yu'un, hich la yich' bojel te sit ay ta bahlumilal.

Efesios 1:10

te ha ta scuenta Cristo ya stsob spisil bintic ay ta ch'ulchan soc spisil bintic ay ta bahlumilal te c'alal ya sta yorahil te chapal yu'une.

San Marcos 1:15

Hich la yal: La stahix yorahil, nopol ya xhahchix te cuentahinel yu'un Dios. Suhtesa awo'tanic, ch'uhunahic te lec yach'il c'op, xchi.

Romanos 16:25

Te mach'a ya xhu' ya ya'beyex yip awo'tanic ta scuenta te lec yach'il c'op cu'un soc ta scuenta halbeyel sc'oblal te Jesucristo, ta scuenta te ac'bil ta na'el te bin muquen ay c'alal ta sbahtel q'uinal,

2 Timoteo 4:17

Pero ay ta jts'ehl te Cajwaltic soc la ya'bon quip, scuenta yu'un hich ts'acal la yich' halel te Sc'op Dios ta jcuenta, yu'un hich me ya ya'iyic spisil a te jyanlumetique. Hich colon ta ye jti'awal choj.