Tito 1:2 - Bible in Tzeltal Bachajón

² te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

Nuevo Testamento Tzeltal de Amatenango

² te jaꞌ ya jmalitik yuꞌun te kuxlejal sbajtel kꞌinale. Ma to xchiknaj a te balmilale, te Dios, te makꞌ xloꞌlawane, la yal tutꞌil ay te kuxlejal to.

Bible in Tzeltal de Oxchuc y Tenejapa

² yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Tito 1:2 Referans Kwoze

Números 23:19

Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

1 Juan 2:25

Yaloj Dios te ya ya'botic cuxlejal sbahtel q'uinal.

2 Timoteo 1:9

Dios la scoltayotic soc la yic'otic ta scuenta te ch'ul iq'uel yu'un, ma ha'uc ta scuenta ca'teltic, ha ta scuenta te hich snopoj soc ta scuenta te yutsil yo'tan te la ya'botic ta scuenta Cristo Jesús te c'alal ma to ayuc bin ay a,

Judas 1:21

junuc me awo'tanic x'ayinex ta stojol te sc'uxul yo'tan Dios te c'alal yaquex ta smahliyel te Cajwaltic Jesucristo te ha ta scuenta te sc'uxul yo'tan ya ya'beyex acuxlejalic sbahtel q'uinal.

2 Timoteo 1:1

Pablo, jpuc-c'op yu'un te Jesucristo ta scuenta sc'anojel yo'tan Dios, ta scuenta bin ut'il halbilix ta jamal te ay cuxlejal ta scuenta Cristo Jesús,

Tito 3:7

scuenta yu'un, te bin ut'il lec ilotiquix yu'un Dios ta scuenta yutsil yo'tan, ya xc'oht ta jcuentatic yich'el te cuxlejal scuenta sbahtel q'uinal te yacotic ta smahliyel.

Tito 2:13

te c'alal yacotic ta smahliyel te bin smuc'ulinej co'tantic te bayel yutsil, ha te ya xchicnaj tal soc yutsilal te muc'ul Dios soc Jcoltaywanej cu'untic, ha te Jesucristo.

2 Timoteo 2:15

Ayuc bin ut'il lec ac'oblal te c'alal yac atehc'an aba ta stojol Dios, hich te bin ut'il mach'a ya x'a'tej te mayuc bin ya xq'uexaw yu'un, te stojil ya sna' stuhunel te smelelil c'ope.

2 Timoteo 2:13

teme ma junuc co'tantic, stalel jun yo'tan stuquel, como ma xhu' ya smuc sba ta yo'tan stuquel.

1 Samuel 15:29

Te mach'a ha Yutsilal te Israel ma sna' lot soc ma patiluc ya sut sc'op, como ma winicuc te patil ya sut te sc'ope, xchi.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

Tito 2:7

Ta spisil ac'a ta ilel ta yohlilic te bin lec ta pasele. C'alal yac awa'iy p'ijubteswanej ac'a ta ilel te jun ay te awo'tan, te ay sc'oblal ta awo'tan,

1 Tesalonicenses 5:8

Yan te ho'otic te yu'unotic te c'ahc'alel, p'ijuc me x'ayinotic, ac'a jlaptic te smahquil jtahntic, ha te sch'uhunel co'tantic soc te sc'uxul co'tantic, soc ac'a jlaptic te smahquil joltic, ha te smuc'ul co'tantic yu'un te colele.

Romanos 6:23

Como te stojol te mulil, ha te lajele, yan te mahtanil yu'un Dios, ha te cuxlejal sbahtel q'uinal ta scuenta te Cajwaltic Cristo Jesús.

San Mateo 25:46

Ha'ic ya xbahtic ta castigo sbahtel q'uinal, yan te mach'a toj yo'tanic ya xbahtic ta cuxlejal sbahtel q'uinal, xchi te Jesús.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

Apocalipsis 17:8

Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

2 Timoteo 2:10

Ha yu'un spisil ya xcuhch cu'un scuenta yutsil slequil te mach'atic tsahbilic, scuenta yu'un ha'ic nix ya xhu' ya stahic te colel te ay ta scuenta Cristo Jesús, soc te ya sta yutsilalic sbahtel q'uinal.

1 Timoteo 6:19

Hich ya stsob sc'uhlejalic scuenta tulan yich'o-ip te ya xtuhun yu'unic ta patil, soc hich ya stahic te smelelil scuxlejalique.

Romanos 5:21

scuenta yu'un hich te bin ut'il cuentahinwan te mulil te hich la yac' lajel, ha nix hich te yutsil yo'tan Dios ya xcuentahinwan ta scuenta yaq'uel ta toj, te hich ya yac' cuxlejal scuenta sbahtel q'uinal ta scuenta te Cajwaltic Jesucristo.

Hechos 15:18

xchi te Cajwaltic te nameyix la yac' ta na'el ini, te xchihe.

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Juan 10:28

soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

San Juan 6:68

La sjac' te Simón Pedro: Cajwal, ¿mach'a yan ya jt'uncotic? Ha'at awich'oj te c'op scuenta cuxlejal sbahtel q'uinal.

San Juan 6:54

Te mach'a ya swe'bon te jbaq'uetal soc te ya yuch'bon te jch'ich'el, ay scuxlejal sbahtel q'uinal; soc ho'on ya jcha'cuxajtes ta slajibal c'ahc'al.

San Juan 5:39

Yac anopilanic ta lec te Shun Dios yu'un yac awalic te tey yac awich' acuxlejalic sbahtel q'uinal a; tey nix halbil jc'oblal a,

1 Timoteo 6:12

A'beya te lequil tsaltamba yu'un te sch'uhunel-o'tanil; u'untaya te cuxlejal scuenta sbahtel q'uinal, te ha nix ic'bilat yu'un soc te ha ta scuenta te la awal te lequil testigo-c'op ta stojol tsobol testigohetic.

1 Tesalonicenses 2:15

ha te mach'atic la smilic te Cajwaltic Jesús soc te jalwanejetic yu'unic, soc te la stenotcotic loq'uel te ho'otcotique. Ma ba lec yo'tan Dios yu'unic, soc ya scontrahinic spisil ants-winiquetic,

Romanos 16:25

Te mach'a ya xhu' ya ya'beyex yip awo'tanic ta scuenta te lec yach'il c'op cu'un soc ta scuenta halbeyel sc'oblal te Jesucristo, ta scuenta te ac'bil ta na'el te bin muquen ay c'alal ta sbahtel q'uinal,

Romanos 5:4

te bin ut'il spisil ya xcuhch cu'untic, ha ya yac' te ya xlecub jtaleltic; te bin ut'il ya xlecub te jtaleltic, ha ya yac' smuc'ul co'tantic;

Romanos 5:2

te ha ta scuenta sch'uhunel co'tantic ta stojol te ya xhu' ya x'ochotic ta stojol te yutsil yo'tan Dios, te banti ayotic ta ora ini, soc tse'el co'tantic ta smahliyel te yutsilal te Diose.

Romanos 2:7

ya x'a'bot scuxlejalic scuenta sbahtel q'uinal te mach'atic yo'tantayejic spasel bintic lec ta pasel yu'un yac slehbelic yutsilalic soc yich'elic ta muc' soc te ma xlajique;

Romanos 1:2

te ha yaloj ta nahil ta Sch'ul Hun ta scuenta te jalwanejetic yu'une:

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

Colosenses 1:27

Dios la sc'an ya ya'be sna'ic te yutsil sc'uhlejal te bin mayuc ta na'el ini te lec ta a'iyel ta yohlil te jyanlumetic, ha te ay ta awo'tanic te Cristo, te ha ta scuenta te ya me xchicnaj utsilal.

San Marcos 10:30

ho'winic (100) buelta sjelol ya yich' ta ora ini: teme sna, o sbanquiltac, swixitac, snan, yal-snich'nab o sq'uinal, soc nix uts'inel; ta patil ya me yich' scuxlejal sbahtel q'uinal.

San Marcos 10:17

C'alal hahch ta behel te Jesús, tal ta ahnimal jtuhl winic, c'oht squejan sba ta stojol soc hich la sjoc'obe: Maestro te lecat ta winiquil, ¿bin ya jpas scuenta yu'un ya quich' te cuxlejal scuenta sbahtel q'uinal? xchi.

Isaías 1:20

yan teme ma xac'anic soc teme yac atoy abahique, ya me xlajex ta espada, xchi. Hich yaloj te Jehová.