Tito 1:15 - Bible in Tzeltal Bachajón

¹⁵ Spisil mach'atic lec yo'tanic, lec sc'oblal yu'unic spisil bintic ay, yan te mach'atic bohloben yo'tanic soc te ma sch'uhunic Dios, mayuc bin lec sc'oblal yu'unic, como bohloben sjolic soc yo'tanic.

Nuevo Testamento Tzeltal de Amatenango

¹⁵ Yuꞌun te machꞌatik lek ay spensarike, lek skꞌoplal yuꞌunik spisil tutik ay. Pero te machꞌatik ma xchꞌuunike, ni ma lekuk te spensarike, sok maꞌyuk tutꞌil lek skꞌoplalik yuꞌunik. Yuꞌun lom ijkꞌubenik te spensarike y te tut ya snaꞌike.

Bible in Tzeltal de Oxchuc y Tenejapa

¹⁵ Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

Tito 1:15 Referans Kwoze

Romanos 14:14

Jna'oj soc hich ay ta co'tan ta scuenta te Cajwaltic Jesús, te mayuc bin bohloben sc'oblal; pero te mach'a ya scuy te bohloben sc'oblale, yu'un nix bohloben sc'oblal ta stojol abi.

Romanos 14:20

Ma me xajimbe te ya'tel Dios ta scaj we'elil. Spisil bintic ay, lec sc'oblal, pero ma lecuc teme ay mach'a ya ya'be sc'ohchin sba yantic ta scuenta te bin ya swe'e.

1 Corintios 10:23

Libre ayon ta spasel spisil, pero ma spisiluc lec. Libre ayon ta spasel spisil, pero ma spisiluc ya xlecubteswan.

San Mateo 15:18

Yan te bin ya xloc' ta ehal ya xhahch tal ta o'tanil, ha me ya xjihnot yu'un te winique.

Romanos 14:23

Yan te mach'a ya swe' aunque ya sna' te ma lecuc te hich ya spas, tey ya sta smul a, como ma ba ya spas soc sch'uhunel yo'tan; soc spisil te bintic ma ba talem ta scuenta sch'uhunel-o'tanil, ha mulil abi.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

Hechos 10:15

Cha'c'oponot yu'un: Te bintic lecuben sc'oblal yu'un Dios, ma xawal te ma lecuc, xchi sc'oblal.

1 Corintios 8:7

Pero ma spisiluc hich sna'ojic, ay mach'atic c'ahyemic soc te loc'ombahetic, ha yu'un te bin ya swe'ic ay ta yo'tanic te ha a'bibil ta stojol loc'ombahetic, hich ya xbohlob yo'tanic, yu'un mayuc yip yo'tanic.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

1 Corintios 10:25

Te bintic ya xchonot ta banti ya yich' chonel ti'bal, we'an me, ma xajoc'oy, scuenta yu'un ma x'ochat na'etel yu'un,

1 Timoteo 6:5

soc te tulan ya stsac sbahic ta c'op te mach'atic chopol spensaric, te ma sna'ic bin ut'il ay te smelelil c'op, te ha ya spasic ganar a te bin stojil ay ta ch'uhunel te Diose.

Proverbios 21:4

Te toyba sitil soc te toyba-o'tanil, te snopojibal yu'un te mach'atic chopolic, ha mulil.

Hageo 2:13

Hich la yal te Hageo: Teme ay mach'a bohloben sc'oblal ta scaj spiquel chamen baq'uet, teme ay ya spic biluc we'elil ini, ¿ya bal xbohlob sc'oblal yu'un? xchi. Ya xbohlob sc'oblal, xchihic te sacerdotehetique.

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

Proverbios 30:12

Ay mach'atic ya scuy sbahic te mayuc smulic, pero ma ba lecubtesbil yu'un te bin bohlobenic yu'une.

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.