Tito 1:1 - Bible in Tzeltal Bachajón

¹ Pablo, a'bat yu'un Dios soc jpuc-c'op yu'un te Jesucristo yu'un ya sta sch'uhunel yo'tanic a te mach'atic tsahbilic yu'un Dios soc yu'un ya sna'ic te smelelil c'op te hich toj ya sc'an ch'uhunel te Diose,

Nuevo Testamento Tzeltal de Amatenango

¹ Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

Bible in Tzeltal de Oxchuc y Tenejapa

¹ Jo'on Pabloon te abaton yu'un te Diose, soc jpuc-c'opon yu'un te Jesucristoe, ticunbilon yu'un jich me ya staic xch'uunjel yo'tanic te mach'atic tsabilic yu'un te Diose, soc te jich ya cac'bey snopic te bit'il ay te smelelil c'ope,

Tito 1:1 Referans Kwoze

Romanos 1:1

Pablo, a'bat yu'un Jesucristo, ic'bil ta jpuc-c'op soc tsahbil yu'un yalel te lec yach'il c'op yu'un Dios,

1 Timoteo 6:3

Teme ay mach'a yan bin ya yac' ta nopel, te ma pajaluc soc te lequil c'opetic yu'un te Cajwaltic Jesucristo soc te nohptesel bin ut'il toj ta ch'uhunel te Diose,

2 Timoteo 2:25

Soc yutsil yo'tan ya stojobtes mach'atic ya scontrahinic, yu'un ayuc bin ut'il ya sutesbot yo'tanic yu'un Dios yu'un hich ya xhu' ya sna'beyic scuentahil te smelelil c'op,

2 Timoteo 2:23

Ma me xawich' ta cuenta te tentamba c'op te mayuc scuentahil, como ana'oj te ha nax ya xhahch c'op yu'une,

2 Pedro 1:3

Ta scuenta yu'el te Dios la ya'botic spisil te bintic ya xtuhun cu'untic ta jcuxlejaltic soc ta sch'uhunel Dios, ta scuenta te ya jna'betic sba te Mach'a la yic'otic ta scuenta te yutsilal soc t'ujbil ya'tel.

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

2 Pedro 3:11

Te bin ut'il hich ya xjihn spisil, ¡ya sc'an te ch'ultesbiluc acuxlejalic soc junuc awo'tanic ta stojol Dios

1 Timoteo 2:4

te yo'tanuc ya xcol spisil ants-winiquetic soc te yacuc xc'oht ta yo'tanic te smelelil-c'ope;

Colosenses 2:2

Tulan ya x'a'tejon scuenta yu'un ya xmuc'ubtesbot q'uinal ya'iyic soc junax ayic ta scuenta sc'uxul yo'tanic, scuenta yu'un ya stahic spisil te sc'uhlejal bintic ay ta na'el, te hich ya xhu' ya sna'ic a te bin muquen ay yu'un Dios, te ha nix sc'oblal te Cristo,

Filipenses 1:1

Pablo soc Timoteo, a'batetic yu'un te Jesucristo, ta stojol spisil te mach'atic ch'uhltesbilic te ayic ta stsojol Cristo Jesús ta Filipos, soc te obispohetic soc te diáconohetique.

2 Corintios 1:1

Pablo, jpuc-c'op yu'un Jesucristo ta scuenta sc'anojel yo'tan Dios, soc te quermanotic Timoteo, ya jpatbecotic yo'tan te iglesia yu'un Dios te ay ta Corinto, soc spisil mach'atic ch'uhltesbilic te ayic ta spahmal sq'uinal Acaya:

Hechos 13:48

C'alal hich la ya'iyic te jyanlumetic, tse'el yo'tanic yu'un soc la yalbeyic yutsil sc'oblal te sc'op Cajwaltic; soc la sch'uhunic Dios spisil te mach'atic tsahbilic te ya yich' scuxlejalic sbahtel q'uinal.

1 Crónicas 6:49

Pero te Aarón soc te snich'nab ay ta scuentahic yaq'uel mahtaniletic ta scajtajib ta chiq'uel mahtanil, schiq'uel pom ta scajtajib, spasel spisil te a'tel ta Mero Ch'ul Awilal, soc la spasic te stojel mulil yu'un Israel, hich te bin ut'il yaloj ta mandar te Moisés te ya'bat te Diose.

Efesios 2:8

Como ta scuenta yutsil yo'tan te colemex ta scuenta sch'uhunel awo'tanic; ma yu'unuc ha'ex la awehtes acolelic, ha mahtanil yu'un Dios;

1 Juan 2:23

Spisil te mach'a ya smuc ta yo'tan te Nich'anil, ma ba ay ta yo'tan te Tatile. Te mach'a ya yal ta jamal te ha Nich'anil, ha nix ay ta yo'tan te Tatile.

San Lucas 18:7

¿Ha xan te Diose, ma bal yacuc schahpan ta stojil te mach'atic tsahticlambil yu'un, te c'ahc'al ahc'abal ya xhalbot wocol yu'une? ¿Ya bal xhalaj te ya spas te bin ya xc'ambot yu'unic?

2 Timoteo 2:10

Ha yu'un spisil ya xcuhch cu'un scuenta yutsil slequil te mach'atic tsahbilic, scuenta yu'un ha'ic nix ya xhu' ya stahic te colel te ay ta scuenta Cristo Jesús, soc te ya sta yutsilalic sbahtel q'uinal.

Santiago 1:1

Santiago, ya'bat te Dios soc te Cajwaltic Jesucristo, ya jpatbeyex awo'tanic te lajchaychahp sts'umbal Israel te puhquemex ta bayuc.

Apocalipsis 1:1

Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,