Sofonías 3:1 - Bible in Tzeltal Bachajón

¹ ¡Obol sba te toyba pueblo, te bohloben sc'oblal soc te ha j'uts'inwanej!

Bible in Tzeltal de Oxchuc y Tenejapa

¹ ¡Ya me awil awocol, lum Jerusalén, te toybaate, bolobenat soc j'uts'inwanejat!

Sofonías 3:1 Referans Kwoze

Jeremías 6:6

Hich la yal te Jehová te scuentahinej spisil: Ts'etahic te'etic, busanahic mohel lum ta spat ts'ahc ta scontrahinel te Jerusalén. Te muc'ul pueblo ini ya sc'an ya x'a'bot castigo, como nojel ta uts'inel.

Isaías 59:13

ha te toybahil soc te la jmuc ta co'tantic te Jehová, la jsut jpatic ta stojol te Dios cu'untic; ha te yalel uts'inel soc toybahil, soc yalel lot te chicnaj ta co'tantic.

Isaías 30:12

Ha yu'un hich ya yal te Ch'ul Dios yu'un Israel: Te bin ut'il la ap'ajic te c'op ini, te la awac' smuc'ulin awo'tanic te uts'inel soc te lo'loyel, soc tey la atahic coltayel yu'un a,

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Zacarías 7:10

ma me xawa'be swocol ta uts'inel te me'ba' ants, te me'ba' alal, te jyanlum o te pobre, soc ma me ayuc mach'a chopol bin ya snop ta yo'tan ta stojol te yermanohe, xchi.

Ezequiel 22:7

P'ajbilic te me'iltatiletic ta awohlil; ya yuts'inic te jyanlumetic ta awohlil, soc ma ba toj bin ya spasbeyic te me'ba' alaletic soc me'ba' antsetique.

Miqueas 2:2

Ya xbic'taj yo'tanic yu'un q'uinaletic, hich ya spojic; ya xbic'taj yo'tanic yu'un nahetic, hich ya yich'ic; ya stenic ta uts'inel te winic soc te mach'atic ay yu'un, ya stenic ta uts'inel te winic soc te bintic ay yu'une.

Jeremías 22:17

Pero te asit soc te awo'tan ha nax ay sc'oblalic yu'un yac ale te bin ya sc'an awo'tan, yu'un yac amalbe sch'ich'el te mach'a mayuc smul, soc yu'un yac awa'iy uts'inwanej soc yac awac' c'axuc wocol.

Isaías 5:7

Te ts'usubil yu'un te Jehová te scuentahinej spisil, ha te sna Israel, soc te winiquetic yu'un Judá ha te ts'umbil q'uinal te mulambil yu'une. Ha la smahliy bin toj ta pasel, pero ay ta malel ch'ich'; la smahliy stojil chahpanel, pero la ya'iy aw yu'un wocol.

Levítico 1:16

Ya stutun soc ya sloq'uesbe schuyha', ya sch'oj bahel ta stojol sloq'uib c'ahc'al yu'un te scajtajib ta chiq'uel mahtanil ta lugar te banti ya yich' aq'uel stanul te c'ahq'ue.

Amós 4:1

A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.

Amós 3:9

Pucahic ta halel ta tulan ts'ahquetic yu'un Asdod soc ta tulan ts'ahquetic yu'un te sq'uinal Egipto, hich me xawalbeyic: Tsoba abahic ta witsiltic yu'un Samaria, ilawilic te bayel c'op ta yohlil soc te uts'inel tey a.

Ezequiel 23:30

Hich ya xc'oht ta pasel ta atojol yu'un la awac' aba ta antsinel ta stojol te nacionetic soc la abohlobtes aba ta scuenta te loc'ombahetic yu'unique.

Ezequiel 22:29

Te swinquilel te q'uinal ya x'uts'inwanic soc ya x'elc'ajic; ya yuts'inic te mach'atic ay swocolic soc te mach'atic mayuc bin ay yu'unic, soc ya yuts'inic te jyanlumetic, ma stojiluc ya schahpanic.

Jeremías 5:23

Pero te pueblo ini tulan yo'tan soc toyba-o'tan; la yihquitayonic, loq'uic bahel.

Isaías 59:6

Te sna ametic yu'unic ma xhu' ta c'u'inel; ma xhu' ya smuc sbahic a te bin ya sjalique. Te ya'telic ha ya'telic te bin chopol, soc ay uts'inel ta sc'abic.

Jeremías 6:7

Hich te bin ut'il spisil ora ya xloc' ya'lel te sloq'uib-ha', hich spisil ora ya xloc' schopolil; ya x'a'iybot sc'oblal uts'inel soc jinel tey a, spisil ora ay ta jtojol chamel soc ehchen.