Sofonías 2:10 - Bible in Tzeltal Bachajón

¹⁰ Hich ya x'a'botic yu'un te stoybahilic, como la yixta'c'optayic te pueblo yu'un Jehová te scuentahinej spisil, soc muc' la yac' sbahic ta stojol.

Bible in Tzeltal de Oxchuc y Tenejapa

¹⁰ Jich me ya x'ac'bot stojic te Moab soc Amón te bit'il la yixtac'optayic te lum yu'un Cajwaltic, te bit'il muc' la yac' sbaic ta stojol te lum yu'un Cajwaltic te Spisil ya xju' yu'une.

Sofonías 2:10 Referans Kwoze

Isaías 16:6

La jca'iybetic sc'oblal te stoybahil te Moab, c'ax muc' te stoybahil, te yich'oj sba ta muc' soc te bayel stoyoj sbahe; pero mayuc scuentahil te bintic ya yal ta lot.

Jeremías 48:29

Ca'iybeyejtic sc'oblal te stoybahil Moab, te c'ax bayel ya stoy sba, ya scuy sba ta muc', te ay bayel toybahil ta yo'tan.

Sofonías 2:8

Ca'iybeyej te labanel yu'un Moab soc te stse'layel te amonetic te la spehc'ambeyic sc'oblal a te pueblo cu'un soc te muc' la yac' sbahic ta stojol te sq'uinalique.

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Abdías 1:3

Ha la slo'loyat te stoybahil awo'tan, ha'at te nahinemat ta jamajtic tontiquil, te nahinemat ta toyol, te hich yac awal ta awo'tan: ¿Mach'a ya sjinon cohel ta lum? xchihat.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Éxodo 9:17

Pero ya to atoy xan aba ta scontrahinel te pueblo cu'un te ma xawac' loq'uele.

Lamentaciones 1:9

Te sbohlil ay ta stsec; ma ba la snop bin ut'il ya xc'oht ta loq'uel. Wocol ta ch'uhunel bin ut'il yahl, mayuc mach'a ya smuc'ubtesbe q'uinal ya'iy yu'un. Ilawil, Jehová, te jwocole, como toyol yac'oj sba te jcontrahe, xchi.

Ezequiel 25:6

Como hich yaloj te Jehová, te Ajwalil: Te bin ut'il la apac' ac'ab soc la amaj ta awoc soc te tse'el awo'tan ta spisil te p'ajel awu'un ta stojol te sq'uinal Israel,

1 Crónicas 16:21

ma ba la yac' te ay mach'a ya x'uts'inotic yu'un; ta scuenta sc'uxulic ta o'tanil yu'un Dios la ya'be castigo te ajwaliletic.

Jeremías 12:14

Hich yaloj te Jehová: Te chopol jpat-xuhc te ya yich'beyic te q'uinal la jca'be te Israel te pueblo cu'une, ya jbulticlan loq'uel ta sq'uinalic, soc ya jbulticlan loq'uel ta yohlilic te sna Judá.

Jeremías 48:14

¿Bin ut'il te hich yac awalic: Tulan soldadohotic, ay quiptic yu'un guerra, te xchihexe?

Abdías 1:11

Te c'alal ich'otic bahel yu'un jyanlumetic te sc'ulejal, te c'alal ochic bahel ta ochibaletic yu'un, soc la spasic seña ta na'el ta stojol Jerusalén, tey ayat a, pajal la awac' aba soc.