Sofonías 1:7 - Bible in Tzeltal Bachajón

⁷ Ch'aban ta stojol te Jehová, te Ajwalil, como nopolix te sc'ahc'alel yu'un Jehová; te Jehová schahpanej milbil mahtanil soc sch'ultesej te ic'abiletic yu'une.

Bible in Tzeltal de Oxchuc y Tenejapa

⁷ Ch'abanic ta stojol te Cajwaltique; melel te sc'aalelal Cajwaltic nopol ayix tel. Te Cajwaltic xchajbanej milbil majt'anil soc xchajbanejbey te mach'atic yic'oje. Jich ya yal te Cajwaltique:

Sofonías 1:7 Referans Kwoze

Habacuc 2:20

Pero te Jehová ay ta ch'ul Templo yu'un; ¡ch'aban me ta stojol spisil te q'uinale!

Zacarías 2:13

¡Ac'a ch'abuc ta stojol Jehová spisil mach'atic ayic ta bahlumilal, como hahchemix ta ch'ul awilal banti nahinem!

Sofonías 1:14

¡Nopolix te smuc'ul c'ahc'alel yu'un Jehová! ¡Nopolix yorahil! Ch'a ya xc'oht te aw ta sc'ahc'alel te Jehová, asta ya x'awon tey a te mach'a ay yip.

Jeremías 46:10

Pero ha sc'ahc'alel yu'un Jehová, te Dios te scuentahinej spisil, ha sc'ahc'alel yu'un castigo, yu'un ya'beyel spacol te scontratac. Ya x'ehchenteswan te espada ha to c'alal ya xc'ax yo'tan, ha to c'alal ya xch'ay staquinti'il yu'un te ch'ich'e. Como ha milbil mahtanil ya xc'oht yu'un Jehová, te Dios te scuentahinej spisil, ta q'uinal ta norte, ta sti'il te muc'ul-ha' Éufrates.

Isaías 34:6

Te espada yu'un Jehová ya'tinej ch'ich' soc potsbil te sjuhp'el, ha te sch'ich'el tuminchijetic soc tentsunetic, te sjuhp'el sriñon te tat tentsunetique, como te Jehová ay milbil mahtanil yu'un ta Bosra, soc bayel miltamba ta sq'uinal Edom.

Isaías 13:6

¡Ahcanajanic, yu'un nopol ya xc'ohtix te sc'ahc'alel yu'un Jehová! ¡Ya xtal hich te bin ut'il te lajinel ya xtal ta stojol te Mach'a spisil ya xhu' yu'un!

San Mateo 22:4

La scha'ticon xan yan a'batetic yu'un, hich la yalbe bahel: Halbeya te mach'atic ic'bilic cu'un te chapalix te we'elile. La yich'ix milel te torohetic soc te juhp'en wacaxetic, spisil chapalix cu'un; la'ic ta yilel te nuhpunel, xchi.

Joel 2:31

Ya x'ihc'ub te c'ahc'al, soc ya xc'atp'uj ta ch'ich' te u, te c'alal ma to xc'oht a te sc'ahc'alel Jehová te muc' soc te xiweltic sbahe.

Isaías 2:12

Como te Jehová te scuentahinej spisil ay sc'ahc'alel te ya xtal scontrahin spisil jtoybahetic soc te muc' yac'oj sbahic, spisil mach'atic stoyoj sc'oblalic, ya me yich'ic pehc'anel;

1 Samuel 16:5

Ha, talon ta ya'beyel milbil smahtan te Jehová. Ch'ultesa abahic, la', joquinawonic ta yaq'uel te milbil mahtanil, xchi te Samuel. Patil te Samuel la sch'ultes te Isaí soc te snich'nab, la yic' ta yaq'uel te milbil mahtanil.

Malaquías 4:1

Ya me xtal te sc'ahc'alel, yac ta tihlel hich te bin ut'il horno, spisil te jtoybahetic soc te mach'atic chopol bin ya spasic, ha ac ya xc'ohtic. Te c'ahc'alil te ya xtal ya me schic'ticlan, xchi te Jehová te scuentahinej spisil, ma ba ya xhil yu'un te slohp' o te sc'abe.

Amós 6:10

Te smohlol-ts'ahquil ya yich'be loq'uel ta na te sbaq'uetalic yu'un ya schic'ticlan, soc hich ya sjoc'obe te mach'a ay ta yutil te na: ¿Ay to bal mach'a sjoquinejat? xchi. Mayuc, xchi te yane. Soc hich me ya yal xan: Ch'aban, ma xhu' ya jtahtic ta halel te sbihil Jehová, xchi.

Joel 2:11

Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Ezequiel 7:10

¡Ya xtal sc'ahc'alel! ¡Ya me xtal! C'ohtix yorahil; nichinix te nahbate'el, yaxubenix te toybahile.

Ezequiel 7:7

¡C'ohtix aworahil, ha'at te nahinemat ta q'uinal! ¡C'ohtix yorahil, nopolix te sc'ahc'alel: ha sc'ahc'alel xiwel, ma ha'uc yu'un yutsil q'uinal ta witsiltic!

Isaías 6:5

Ha yu'un hich la jcal: ¡Ay jwocol, ya xchamon! como ho'on winicon te bohloben sc'oblal que soc nahinemon ta yohlil te pueblo te bohloben sc'oblal yehic, la jquil ta jsit te Ajwalil, te Jehová te scuentahinej spisil, xchihon.

Colosenses 1:12

soc tse'el awo'tanic yac awalbeyic wocol te Tatil, te la yac' te pajal ya xhu' yac awich'ic hilel te bin ay yu'un Dios soc te mach'atic ch'uhltesbilic te ayic ta sacal q'uinale.

Filipenses 4:5

Ac'a chicnajuc ta comonsitil te slequil awo'tanique. Nopol ya xtal te Cajwaltique.

Romanos 9:20

Pero, ¿mach'ayat a te yac asut ta c'op te Diose? Te vaso pasbil ta ahch'al ¿ya bal yalbe te jpaswanej yu'un: ¿Bin yu'un te hich la apason? xchi bal?

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

Salmos 46:10

Lahmana me abahic, na'ahic me te ho'on Dioson; ya me xtohy jc'oblal ta yohlil te nacionetic, ya me xtohy jc'oblal ta bahlumilal, xchi te Diose.

1 Samuel 20:26

Pero mayuc bin la yal te Saúl ta yorahil, como la yal ta yo'tan: Ay wan bin la spas te ma ba lec sc'oblal yu'un; ma to ba slecubtesej sba, xchi.

Job 24:1

¿Bin yu'un ma ba ya slehbe yorahil chahpanel te Mach'a spisil ya xhu' yu'un, soc bin yu'un ma ba ya yilic te yorahil chahpanel te mach'atic ya sna'beyic sba?

Isaías 13:3

La jpas ta mandar te mach'atic cu'un te ch'uhltesbilic, la jquiq'uix te mach'atic ay yipic yu'un ya sc'ohtes ta pasel te bin ya sc'an te quilimba, ha te mach'atic tse'el yo'tanic yu'un te cutsilal.

Isaías 29:2

Ya ca'be swocol te Ariel, ya me smel yo'tan soc ya me x'ahcanaj; hich ya xc'oht cu'un te bin ut'il ariel.

Isaías 34:5

Como ya xyacub te espada cu'un ta ch'ulchan; ya xco tal ta yaq'uel castigo te Edom, te pueblo te jc'axel ac'bil ta lajel cu'un.

Joel 1:15

¡Ay me wocol ta hich ora! como nopolix te sc'ahc'alel yu'un Jehová; hich ya xtal te bin ut'il te jinel yu'un te Mach'a spisil ya xhu' yu'un.

Amós 8:3

Ta hich ora te c'ayojetic ta templo ya sutp'ijic ta ahcan, xchi te Jehová te Ajwalil. Bayel chamen baq'uet ya xc'oht, ya yich'ic ch'ojel loq'uel ta bayuc, mayuc mach'a ya xc'opoj.

Zacarías 14:1

Ya xtal sc'ahc'alel yu'un Jehová te ya yich' puhquel ta awohlil te bintic pojticlambil awu'une.