Sofonías 1:5 - Bible in Tzeltal Bachajón

⁵ Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Bible in Tzeltal de Oxchuc y Tenejapa

⁵ Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

Sofonías 1:5 Referans Kwoze

Jeremías 19:13

Te nahetic ta Jerusalén soc te nahetic yu'un te ajwaliletic ta Judá hich ya xbohlob sc'oblalic te bin ut'il Tofet, spisil te nahetic banti la schiq'uic pom ta ba na ta stojol te c'ahc'al, u soc te eq'uetic ta ch'ulchan soc te la smalbeyic malbil mahtanil te yantic diosetique, xchi te Jehová.

2 Reyes 17:33

Aunque la yich'ic ta muc' te Jehová, la yich'ic ta muc' te diosetic yu'unic, hich te bin ut'il scostumbrehic te nacionetic te banti ic'bilic talel.

1 Reyes 11:33

como la yihquitayonic soc la sch'uhuntayic Astoret te antsil-dios yu'un te sidonetic, te Quemos te dios yu'un Moab, soc Moloc te dios yu'un te snich'nab Amón. Ma ba behenic ta be cu'un ta spasel te bin lec ta jtojol, ma ba la sch'uhunic spasel te chahpambil mandariletic cu'un o te bin caloj ta mandar, ma hichuc te bin ut'il la spas te David te state.

Amós 5:26

La acuchic bahel te nahilpac' templo yu'un Moloc soc te Quiún te loc'ombahetic awu'unic, te ec' yu'un te diosetic awu'unic te la apasique.

2 Reyes 23:12

Soc te ajwalil la sjin te scajtajib ta chiq'uel mahtaniletic te la spasic te ajwaliletic yu'un Judá ta stoyolil stsalul na yu'un Acaz; soc te scajtajib ta chiq'uel mahtaniletic te la spas Manasés ta schebal te amaq'uiletic ta sna Jehová, la swuyticlan soc la sch'oj ochel ta sjuclej Cedrón te sts'ubile.

2 Reyes 17:41

Hich la yich'ic ta muc' te Jehová soc la yac' sbahic ta a'batinel ta stojol te loc'ombahetic yu'unique. Ha nix hich te snich'nab soc smamic, te bin la spasic te sme'static, hich yac spasbelic c'alal ora.

1 Reyes 18:21

Te Elías nohpoj tal ta stojol te pueblo, hich la yal: ¿Jayeb xan ora te xyahl xmo awo'tanic te cheb bin anopojic? Teme ha Dios te Jehová, t'unahic; teme ha te Baal, t'unahic bahel hiche, xchi. Ma ba la sjaq'uic te pueblo.

Romanos 14:11

Yu'un hich ts'ihbabil: Ho'on cuxulon, xchi te Cajwaltic, spisilic me ya squejan sbahic ta jtojol; soc spisil ehal ya me yalic ta jamal te ho'on Dioson, xchi.

San Mateo 6:24

Mayuc mach'a ya xhu' ya yac' sba ta a'batinel yu'un cheb ajwaliletic; como ya me yihlay te jtuhle soc c'ux ta yo'tan te yane, o jun yo'tan ta stojol te jtuhle, soc ya sp'aj te yane. Ha nix hich, ma xhu' yac awac' abahic ta a'batinel yu'un Dios soc yu'un te c'uhlejalile.

Oseas 4:15

Teme yac awa'iy antsiwej, ha'at Israel, manchuc me ya sle smul te Judá. ¡Ma me xbahex ta Gilgal, ma me xmohex bahel ta Bet-avén, ma me hichuc xawalic ta jamal: Yiloj Jehová, ma xchihuquex!

Jeremías 32:29

Te caldeohetic te yacalic ta ya'beyel guerra te pueblo ini ya me x'ochic talel, ya me schiq'uic ta c'ahc' te pueblo soc te nahetic te banti la schic'beyic pom te Baal ta sba nahetic soc banti la ya'beyic malbil mahtaniletic te yantic diosetic, yu'un ya shachbonic quilimba.

Jeremías 5:7

Hich ya yal te Jehová: ¿Bin ut'il ya jpasbat perdón yu'un spisil ini? Te anich'nabic la yihquitayonic, soc la yalic ta jamal ta scuenta te bin ma diosuc. La jcac'ticlambe spisil te bintic tuhun yu'unic, pero la ya'iyic antsiwej soc la stsob sbahic ta sna j'antsinel antsetic.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Isaías 48:1

A'iya awa'iyic ini, ha'ex yu'unex Jacob, te abihilinej Israel, te ha sts'umbalex Judá, te ay bintic yac awalic ta jamal ta scuenta sbihil Jehová, soc te yac ac'oponic te Dios yu'un Israel, pero ma ba smelelil soc ma stojiluc.

Isaías 45:23

Ho'onix hich la jcal ta jamal, loc' tojil-c'op ta que te ma xlajimbot sc'oblal: Ya me squejan sbahic ta jtojol spisilic, spisilic ya me yalic ta jamal ta jcuenta, xchihon.

Isaías 44:5

Ay mach'a hich ya yal: Ho'on yu'unon Jehová, xchi, yan ya sbihilimbe sbihil te Jacob, yan hich ya sts'ihbay ta sc'ab: Yu'unon Jehová, xchi, soc ya sbihilimbe sbihil Israel, xchi.

1 Reyes 11:5

Te Salomón la st'un te Astoret te antsil-dios yu'un te sidonetic, soc te Milcom te ihlaybil loc'omba yu'un te amonetique.

Josué 23:7

scuenta yu'un ma ba yac acap abahic soc te nacionetic te hilemic ta awohlilique. Soc ma me xawalbeyic sbihil soc ma me ayuc bin jc'axel yac awalic ta jamal ta scuenta sbihil te diosetic yu'unic, ni ma me xawac' abahic ta a'batinel yu'unic, ni ma me xaquejan abahic ta stojolic.

Deuteronomio 10:20

Ich'a ta muc' te Jehová te Dios awu'un, ha nax me xawac' aba ta a'batinel yu'un. Ha me xat'un bahel stuquel, soc ha ta scuenta sbihil te ay bin jc'axel yac awal ta jamal.

Hechos 10:9

Ta schebal c'ahc'al, te c'alal yacalic ta behel soc nopol ya xc'ohtiquix ta pueblo a, te Pedro mo bahel ta yamaq'uil scha'cajal na ta sc'oponel Dios, nopol sta ohlil c'ahc'al a.

2 Reyes 17:32

Soc la yich'ic ta muc' te Jehová, pero la slehic sacerdotehetic yu'unic ta yohlilic nix te la yaq'uic milbil mahtaniletic yu'unic ta templohetic ta toyol awilaletic.

Jeremías 5:2

Aunque ya yalic: Yiloj Jehová, te xchihique, ma meleluc ya yalic ta jamal, xchi te Jehová.

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Jeremías 7:10

¿yu'un bal ya xtal atehc'an abahiquix ta jtojol li' ta jna ini te yich'beyejon te jbihile, te hich yac awalic: Libre ayotic, xchihex, yu'un yac apasulanic xan bahel spisil te bintic ilobtic sbahe?

Jeremías 8:2

Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.

Jeremías 49:1

Hich ay sc'oblal te amonetique. Hich yaloj te Jehová: ¿Ma bal ayuc snich'nab te Israel? ¿Ma bal ayuc mach'atic ya x'ich'bot hilel yu'un te bintic ay yu'une? ¿Bin yu'un te Milcom la yich' hilel te Gad, soc te nahinemic ta pueblohetic yu'un te ants-winiquetic yu'une?

Oseas 10:2

Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.

Deuteronomio 4:19

Soc ma me xatoy mohel asit ta ch'ulchan, te c'alal yac awil te c'ahc'al, u, eq'uetic, spisil te bintic ayic ta ch'ulchan, te ya yu'untaybat awo'tan, te yac aquejan aba ta stojolic soc te yac ach'uhuntay, como ta spisil ini te Jehová te Dios awu'un la yac'ticlambe spisil te nacionetic ta ye'tal te ch'ulchane.

Isaías 22:1

Ha te sc'op jalwanej ta stojol te spamlej yu'un nahalsitil: ¿Bin ut'il ay a te apisilic mohemex ta ba nahetic?