Sofonías 1:16 - Bible in Tzeltal Bachajón

¹⁶ ha sc'ahc'alel yoq'uesinel corneta soc aw ta scontrahinel te pueblohetic te joybilic ta ts'ahc soc ta scontrahinel te toyol bahlal ts'ahquetique.

Bible in Tzeltal de Oxchuc y Tenejapa

¹⁶ Ja' me sc'aalelal ta oq'uesinel oq'ues soc aw ta scontroinel te lumetic te tulanic sts'ajc'ul soc te ay toyol balal ts'ajq'uetic yu'unique.

Sofonías 1:16 Referans Kwoze

Amós 3:6

¿Ya bal yich' oq'uesinel corneta ta pueblo te ma ba ya xnihquic ants-winiquetic yu'un? ¿Ay bal wocol ya xc'oht ta pueblo te ma ba ticombil yu'un Jehová?

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Isaías 32:14

Como ya x'ihquitayot te sna ajwalil, jochol ya xhil te pueblo te bayel yajwal, te toyol ilo-q'uinaletic soc te joyob ts'ahquetic ya sutp'ijic ta ch'entiquil ta spisil ora, te banti jun yo'tan ya xnahinic te ha'mal burrohetic soc te ya sta swe'elic te chambahlametic,

Habacuc 3:6

Ya stehc'an sba, ya yac' nihcuc te q'uinale; ya yil, nihc te nacionetic yu'un. Te namey witsiltic ya xhemts'uj cohel, te namey tsehletic ya xch'ayic cohel; pero stalel ay te behetic yu'une.

Oseas 5:8

¡Oq'uesinahic te xulubil ta Gabaa, te corneta ta Ramá! ¡Ac'ahic ta a'iyel aw ta Bet-avén! ¡Wic'a asit, Benjamín!

Jeremías 8:16

C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Jeremías 6:1

¡Ahnanic bahel, sts'umbalex Benjamín, ahnanic loq'uel ta Jerusalén! ¡Oq'uesinahic corneta ta Tecoa, toyahic mohel señahil ta Bet-haquerem! como ay bin chopol ya xtal ta stojol norte, ya xtal muc'ul jinel.

Isaías 59:10

Xpicponotic ta pahc' hich te bin ut'il ts'o'sitetic, yacotic na'etel bahel hich te bin ut'il te mach'atic mayuc sitic. Ya jc'ohchin coctic ta ohlil c'ahc'al hich te bin ut'il ta ahc'abal; ayotic ta yihc'al q'uinal hich te bin ut'il mach'atic chamenic.

Deuteronomio 28:52

Ya me sjoytaylan ta ya'beyel guerra spisil te pueblohetic awu'un ha to c'alal ya xhemts'uj cohel ta spisil aq'uinal te ts'ahquetic te ha toyol soc te ay yipic, te ha smuc'ulinej awo'tan. Ya sjoytaylan ta ya'beyel guerra spisil te pueblohetic ayic ta aq'uinal te la ya'bat Jehová te Dios awu'une.

Isaías 27:13

Soc ta hich ora ya me yich' oq'uesinel muc'ul corneta, te mach'atic ch'ayemic ta sq'uinal Asiria, soc te mach'atic la yich'ic loq'uesel bahel ta Egipto, ya xtal sch'uhuntayic te Jehová ta ch'ul wits ta Jerusalén.

Joel 2:1

Oq'uesinahic corneta ta Sión, ac'a ta na'el ta ch'ul wits cu'un. Ac'a nihcuc spisil te mach'atic nahinemic ta q'uinal, yu'un ya xtal te sc'ahc'alel yu'un Jehová, yu'un nopolix.

Josué 6:20

Ha yu'un awonic te pueblo, soc te sacerdotehetic la yoq'uesinic te xulubiletique. C'alal la ya'iybeyic yoq'uel xulubil te pueblo, buen tulan awonic, hich hemts'uj cohel te ts'ahque. Jujutuhl toj ochic bahel ta Jericó, hich la stsalic.

Ezequiel 7:7

¡C'ohtix aworahil, ha'at te nahinemat ta q'uinal! ¡C'ohtix yorahil, nopolix te sc'ahc'alel: ha sc'ahc'alel xiwel, ma ha'uc yu'un yutsil q'uinal ta witsiltic!