Sofonías 1:12 - Bible in Tzeltal Bachajón

¹² Ta hich ora ya jtsahtay quil ta tsumbil c'ahc' te Jerusalén, soc ya ca'be castigo te mach'atic slahmanej sbahic hich te bin ut'il vino te slahmoj sba, te hich ya yal ta yo'tanic: Te Jehová ma ba ya spas te bin lec o te bin ma lecuc, te xchihique.

Bible in Tzeltal de Oxchuc y Tenejapa

¹² “Ja' me yorail te ya jtsac yawil c'ajc', yu'un ya quil spamal a te Jerusalén. Jich me ya cac'bey castigo te ants-winiquetic te lamal q'uinal ya yaiyic ta sc'opique, jich bit'il vino te slamoj sbae, te ya yal ta yo'tanic: “Te Cajwaltic ma'yuc bila ya spas, ni lec ni amen”, te xiique.

Sofonías 1:12 Referans Kwoze

Amós 6:1

¡Obol sbahic te mach'atic mayuc swocolic ta Sión soc te mach'atic jun yo'tan nahinemic ta wits Samaria, te mach'atic ich'bilic ta cuenta soc te príncipaletic ta nacionetic, ha te mach'atic ta sna Israel te ya xbahtic ta stojolic!

Jeremías 48:11

Te Moab lamal q'uinal la ya'iy c'alal ta squeremil, hich te bin ut'il vino te ya sts'aban sba ta yawil, ma ba yich'oj aq'uel ta yan yawil, mayuc bin ora te bahem ta chuquel. Ha yu'un stalel ay yutsil a, ma ba yanijem te sumet yiq'ue.

Ezequiel 8:12

Hich la yalbon: Snich'anat winic, ¿awiloj bal te bin muquen yac spasbelic te mamaletic ta sna Israel, ta tuhlultuhl bombil ta lop'tayel sloc'ombahic ta stsalul snahic? Yu'un hich ya yalic: Ma ba ya yilotic te Jehová, la yihquitayix te q'uinale, xchi.

Ezequiel 9:9

Hich la yalbon: C'ax muc' te schopolil te sna Israel soc Judá; te q'uinal nojel ta smalel ch'ich' soc te pueblo nojel ta bin chopol; como hich yalojic: Te Jehová la yihquitayix hilel te q'uinal, ma ba ya yil, xchihic.

Salmos 94:7

Hich ya yalic: Ma xyil te Jehová, ma sna' te Dios yu'un Jacob, xchihic.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

2 Pedro 3:4

soc hich me ya yalic: ¿Banti ay te yalojix te ya xtale? C'alal way sbaq'uetalic te antiguo me'iltatiletic stalel ay spisil, hich te bin ut'il c'alal shahchibal te bin pasbile, xchihic.

Abdías 1:6

¡Jc'axel pojbil te bintic ay yu'un Esaú! La yich' lehbeyel te sc'ulejal te nac'bile.

Jeremías 10:5

Te loc'ombahetic yu'unic ma xc'opojic hich te bin ut'il xutax ta banti ts'umbil melón; ya x'ich'otic bahel yu'un ma xhu' ya xbehenic. Ma me xaxi'ic, mayuc bin chopol soc mayuc bin lec ya xhu' ya spasic, xchi te Jehová.

Isaías 5:19

te hich ya yalic: ¡Ac'a suj sba te Diose, ac'a spas ta ora te ya'tel yu'un ya quilcotic! ¡Ac'a nohpojuc tal bin schapoj te Ch'ul Dios yu'un Israel scuenta yu'un ya jna'cotic a! te xchihique.

Salmos 14:1

Ya yal ta yo'tan te sonso: Mayuc Dios, xchi. Bohlobenic, ilobtic sba te ya'telic, mayuc mach'a ya spas te bin leque.

Job 21:15

¿Mach'a a te Spisil ya xhu' yu'un te ya cac' jbahtic ta a'batinel yu'une? ¿Bin ya jtahtic a te ya jc'opontique? xchihic.

Ezequiel 9:4

hich la yalbe: C'axan ta yohlil te pueblo, ha te Jerusalén, a'beya seña ta sti'ba te mach'atic ya x'ahcanajic soc ya x'awonic ta scaj spisil te bintic ilobtic sba te ya yich' pasel tey a, xchi.

Malaquías 2:17

La awaq'uic luhbuc te Jehová ta scaj te c'opetic awu'unique. Hich yac ajoc'oyic: ¿Bin la jluhbtesatcotic a? xchihex. Yu'un hich yac awalic: Mach'ayuc a te ya spas bin chopol, lec ta stojol Jehová, lec yo'tan ta stojol, xchihex, o te hich yac awalic: ¿Banti ay te Dios te toj ya xchahpanwan? xchihex.

Salmos 10:4

Te mach'a chopol yo'tan, ta scaj stoybahil ma ba ya sle te Diose; mayuc Dios ta spisil spensar.