Sofonías 1:11 - Bible in Tzeltal Bachajón

¹¹ Ahcanajanic ha'ex te nahinemex ta Mactes, como lajic spisil te jchombajeletique; lajic spisil te mach'atic ya ya'iyic mambajel chombajel ta plata.

Bible in Tzeltal de Oxchuc y Tenejapa

¹¹ Ajc'anajanic me te ja'exe, yajwal Barrio yu'un Mortero, melel spisil te jchonbajeletic ya me xlajic; spisilic te mach'atic ya yaiyic manbajel ta taq'uin ya me yich'ic lajinel.

Sofonías 1:11 Referans Kwoze

Santiago 5:1

A'iya me awa'iyic, jc'uhlejetic, oc'anic soc awetanic yu'un te wocoletic te ya xtal ta atojolique.

Ezequiel 21:12

Snich'anat winic, awonan soc oc'an, como ha sc'oblal te pueblo cu'un, ha sc'oblal spisil te jcuentahinwanejetic yu'un Israel: pajal ya xyahlic ta espada soc te pueblo cu'une. ¡Majulana awa' yu'un!

Jeremías 25:34

¡Oc'anic, jcanan-tuminchijetic, awonanic! ¡Bahlana abahic ta sts'ubil lum, ha'ex jtsobawex yu'un te jtsohb tuminchijetic! yu'un c'ohtix yorahil te yac awich'ic milel soc puhquel bahel. Ya me xyahlex hich te bin ut'il t'ujbil vaso.

San Juan 2:16

La yalbe te jchon-stsuhmutetic: Loq'uesahic ini, ma me xac'atp'unic ta mercado te Sna te Jtate, la yut.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Joel 1:5

Cuxa awo'tanic, jyacubelex, oc'anic; ahcanajanic apisilic te yac awuch'ic vino, como pojbilix loq'uel ta awehic.

Oseas 9:6

Bahtic ta scaj te jinele; ha ya x'ic'otic yu'un Egipto, ya xmucotic yu'un Menfis. Ya x'u'untayotic yu'un ch'ix te bintic pasbilic ta plata yu'unic, soc ya xcol ch'ixetic ta snahic.

Jeremías 4:8

Ha yu'un lapahic paq'uetic yu'un mel-o'tan, oc'anic soc ahcanajanic, como te sc'ahc'al yilimba Jehová ma ba yihquitayejotic.

Job 27:16

Aunque ya sbusan plata hich te bin ut'il ts'u'lum soc ya stsob sc'u' spac' hich te bin ut'il ahch'al,

Job 27:17

ha tsobil yu'un, pero ha ya slap te mach'a toj yo'tan, soc te mach'a mayuc smul ya spucticlan te plata.

Sofonías 2:5

¡Obol sbahic te mach'atic nahinemic ta sti'il mar, te pueblo yu'un te cereteohetique! Hich yaloj te Jehová ta scontrahimbelex: ¡Canaán, sq'uinal filisteohetic, ya jlajinat, mayuquix mach'a ya xnahin hilel tey a!

Zacarías 14:21

Spisil te oxometic ta Jerusalén soc ta Judá ch'ultesbil ya xc'ohtic ta stojol Jehová te scuentahinej spisil; spisil te mach'atic ya yaq'uic milbil mahtanil, ha ya yich'ic yu'un ya spayic tey a. Ta hich ora mayuquix jmambajel jchombajel ta sna te Jehová te scuentahinej spisil.