Biblia Todo Logo
Bib sou entènèt

- Piblisite -




Sofonías 1:10 - Bible in Tzeltal Bachajón

10 Ta hich ora, xchi te Jehová, ya xchicnaj awetic c'alal ta ochibal yu'un Chay, ya xchicnaj ahcan c'alal ta Schebal Barrio soc tulan xnilet c'alal ta tsehletic.

Gade chapit la Kopi

Bible in Tzeltal de Oxchuc y Tenejapa

10 Tulan ya yal te Cajwaltique: —Te bi c'aalil ya cale ya me x'aiyot stojol awetic yu'un sc'anel coltayel c'alal ta Ti'nail yu'un Chayetic. Ya me x'awunic te yajwal Xchebal Barrio, soc ay me xpumlajan nax sc'op te ya xjem coel te ch'in witsetique.

Gade chapit la Kopi




Sofonías 1:10
18 Referans Kwoze  

Patil la spas ts'ahc ta fuera yu'un te Pueblo yu'un David, ta stojol smahlib c'ahc'al yu'un Gihón, ta spamlej, c'oht ta Spuertahul Chay soc la sjoytay te Ofel, buen toyol la spas te ts'ahc. Soc la yac'ticlambe capitanetic yu'un soldadohetic ta spisil te pueblohetic ta Judá te ay sts'ahcul.


Ta hich ora te c'ayojetic ta templo ya sutp'ijic ta ahcan, xchi te Jehová te Ajwalil. Bayel chamen baq'uet ya xc'oht, ya yich'ic ch'ojel loq'uel ta bayuc, mayuc mach'a ya xc'opoj.


Ha yu'un te sacerdote Hilcías, Ahicam, Acbor, Safán soc Asaías baht sc'oponic te jalwanej-ants Hulda te yihnam Salum, snich'an Ticva, smam Harhas, te jcanan-c'u'uletic, te nahinem ta Schebal Barrio ta Jerusalén.


Te sts'umbal Sanaa la scha'pasic te Ochibal yu'un Chay; la yac'ticlambeyic ste'el soc la yotsesbeyic puertahetic yu'un soc staq'uinal soc sc'atal-te'el.


Ha sc'ahc'alel ilimba, ha sc'ahc'alel mel-o'tan soc pich'il-o'tanil, ha sc'ahc'alel jinel soc lajinel, ha sc'ahc'alel yihc'al q'uinal soc ahc'abal, ha sc'ahc'alel macal ta tocal soc pimil ihc'al tocal,


Ch'aban ta stojol te Jehová, te Ajwalil, como nopolix te sc'ahc'alel yu'un Jehová; te Jehová schahpanej milbil mahtanil soc sch'ultesej te ic'abiletic yu'une.


Ta sbalunebal c'ahc'al ta schanebal u ta sbuluchebal (11) ha'bil yochel ta ajwalil a te Sedequías ay banti la yich' jamel te sts'ahcul te pueblo.


La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.


Jpisiltic ya x'oc'otic hich te bin ut'il osohetic, ay yo'bolil jbahtic ta ahcan hich te bin ut'il stsuhmutetic. La jmahliytic stojil chahpanel, pero mayuc; la jmahliytic aq'uel ta libre, pero namal ay.


Hich la yich'ic coltayel yu'un Jehová te Ezequías soc te mach'atic nahinemic ta Jerusalén ta sc'ab Senaquerib ajwalil yu'un Asiria, soc ta sc'ab spisil te scontrahic. La yac' lahmajuc q'uinal ta jujujehch.


Te Salomón hahch ta spasel te sna Jehová ta Jerusalén, ta wits Moriah, ta banti la yac' sba ta ilel Jehová ta stojol David te stat; tey ta lugar te schahpanejix te David ta swuyojibal trigo yu'un te Ornán te jebuseo-winique.


Te David nahin ta tulan ahnibal ts'ahc, ha Pueblo yu'un David sbihil c'oht yu'un. La spasbe sts'ahcul ta sjoyobal, c'alal Milo ha to c'alal ta yutil.


Pero te David la yu'untay te tulan ahnibal ts'ahc ta Sión, ha te Pueblo yu'un David.


Ha yu'un te Hilcías soc te mach'atic ticombilic bahel yu'un te ajwalil bahtic ta stojol te jalwanej-ants Hulda te yihnam Salum snich'an Ticva, snich'an Harhas, te jcanan-c'u'ul, te nahinem ta Schebal Barrio yu'un Jerusalén; la yalbeyic ya'iy te bin c'oht ta pasel.


c'axotic bahel ta Yochibal Efraín, ta Poco' Puerta, ta Ochibal yu'un Chay, ta ilo-q'uinal Hananeel soc te ilo-q'uinal yu'un Ho'winic, c'alal ta Ochibal yu'un Tuminchijetic; quehchajic ta Ochibal yu'un Jcananetic.


Ya me ana'ic te ho'on Jehovahon, c'alal limilic te schamen baq'uetalic ta yohlil te loc'ombahetic yu'unic, ta sjoyobal te scajtajib ta chiq'uel mahtanil yu'unic, ta spisil te toyol tsehletic, ta spisil te ba witsetic, ta ye'tal spisil te'etic te pimic ya'binal, soc ta ye'tal spisil jihte'etic te bayel sc'abc'ab, ha te banti la schic'beyic pom te loc'ombahetic yu'unique.


Swiv nou:

Piblisite


Piblisite