Salmos 99:3 - Bible in Tzeltal Bachajón

³ ¡Ac'a yalbeyic yutsil sc'oblal abihil te ha muc' soc te ha ay ta xi'el! ¡Ha Ch'ul Dios stuquel!

Bible in Tzeltal de Oxchuc y Tenejapa

³ Ayuc me ta alel yutsil sc'oplal, te muc' stuquel soc te xiweltic nax sba. ¡Ja' Ch'ul Dios stuquel!

Salmos 99:3 Referans Kwoze

Isaías 6:3

Hich talel c'axel yacalic ta yalel: ¡Ch'ul Dios, Ch'ul Dios, Ch'ul Dios, Jehová te scuentahinej spisil; nojel ta swohlol bahlumilal te yutsilale! xchihic.

Deuteronomio 28:58

Teme ma ba yac apas spisil te c'opetic ya yal ta Ley te ts'ihbabil hilel ta hun ini, teme ma ba yac awich' ta muc' te bihilil te ay yutsilal soc te xiweltic sba yu'un te Jehová te Dios awu'une,

Salmos 111:9

Dios la yac' te ya xcol ta libre te pueblo yu'un; la yac' te sbahtel q'uinal ay te chapbil-c'op yu'une. ¡Ch'ultesbil soc xiweltic sba te sbihile!

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

San Juan 17:11

Ma ba ya x'ayinonix ta bahlumilal, yan stuquelic ya to x'ayinic ta bahlumilal, yan te ho'on ya xbohon tey ta banti ayat. Jch'ul Tat, canantaya ta scuenta abihil, scuenta yu'un junax ya xc'ohtic a, hich te bin ut'il jun ayotic te ho'otique.

Salmos 145:17

Te Jehová toj spisil bintic ya spas soc ya sc'uxultay spisil bintic spasoj.

Salmos 66:3

Halbeya te Diose: ¡Mero jchahp a te a'teliletic awu'un! Ta scuenta te smuc'ul awu'el ya me squejan sbahic ta atojol te acontrataque.

Nehemías 4:14

C'alal laj co'tan ta yilel, hahchon, soc la jcalbe te mach'atic ich'bilic ta muc', te mach'atic ay ya'telic soc spisil te pueblo: Ma xiwex ta stojolic; na'ahic me te Cajwaltic ha muc' soc ay ta xi'el, ac'ahic guerra ta scuenta awermanotac, te querem ach'ixetic awu'unic, te antsetic awu'unic soc te anahique, xchihon.

Nehemías 1:5

Hich la jcal: Jehová, Dios ta ch'ulchan, te ha muc' soc te ay ta xi'el, te ya sc'ohtes ta pasel te chapbil-c'op soc te ya sc'uxultay te mach'atic c'ux ya ya'iy ta yo'tanic soc te ya sch'uhunic te mandariletic yu'une,

Josué 24:19

Pero te Josué la yalbe te pueblo: Ma xhu' yac awac' abahic ta a'batinel yu'un te Jehová, como ha ch'ul Dios soc ha Dios te xut'et yo'tan, ma ba ya scuchbeyex atoybahilic soc amulic.

Deuteronomio 7:21

Ma me xlaj awip yu'un xiwel ta stojolic, como ay ta awohlil te Jehová te Dios awu'une; ha Dios te mero muc' soc te ay ta xi'el.

Salmos 76:1

Te Dios na'bil sba ta Judá; ha muc' sc'oblal te sbihil ta Israel.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.

Jeremías 20:11

Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Salmos 76:12

Ha ya slajimbe yip yo'tanic te yal-snich'nab ajwaliletic; ha xi'bil yu'un te ajwaliletic ta bahlumilal.

Nehemías 9:32

Ha yu'un yo'tic, Dios cu'untic, muc' Diosat te ay awu'el, te ayat ta xi'el, te yac acanantay te chapbil-c'op soc te sc'uxul awo'tan, manchuc te peq'uel sc'oblal ta atojol spisil te wocol te c'ohtix ta stojol te ajwaliletic cu'uncotic, te príncipaletic, sacerdotehetic, jalwanejetic, jme'jtatcotic soc spisil te pueblo awu'un, c'alal ta yorahil te ajwaliletic yu'un Asiria ha to c'alal ta ora ini.

Nehemías 9:5

Te levitahetic Jesúa, Cadmiel, Binuy, Hasabnías, Serebías, Hodías, Sebanías soc Petaías, hich la yalic: Hahchanic, halbeyahic yutsil sc'oblal te Jehová te Dios awu'unic: Sbahtel q'uinal ac'a yich' halbeyel yutsil sc'oblal te at'ujbil bihil, te ha toyol yu'un spisil bendición soc utsilal.

Salmos 100:4

Ochanic bahel ta ochibaletic yu'un soc halbeyahic wocol, ochanic ta amaq'uetic yu'un soc halbeyahic yutsil sc'oblal. ¡Halbeyahic wocol, halbeyahic yutsil sc'oblal te sbihile!

Salmos 103:1

Jch'uhlel, halbeya yutsil sc'oblal te Jehová; ta spisil co'tan halbeya yutsil sc'oblal te sch'ul bihil.