Salmos 81:3 - Bible in Tzeltal Bachajón

³ Oq'uesinahic te corneta ta yach'il u, te c'alal ya sta yorahil ya sehp sba, ta sc'ahc'alel te muc'ul q'uin cu'untique;

Bible in Tzeltal de Oxchuc y Tenejapa

³ Oq'uesinaic oq'ues te c'alal ya sta yorail te yach'il u, soc nix te c'alal ya sta yorail ya sep sba, te ja' sc'aalelal te mero muc'ul q'uin cu'untique.

Salmos 81:3 Referans Kwoze

2 Crónicas 2:4

Ilawil, ya jpas Na yu'un te sbihil te Jehová te Dios cu'un, jc'axel ya cac' ta stojol, scuenta yu'un ya yich' chiq'uel bin sumet yic' ta stojol, soc te spisil ora ya yich' aq'uel ta mesa te panetic ac'bil ta stojol, soc te ya yich' chiq'uel scohtol chic'bil mahtaniletic ta sab soc ta tibiltic, ta sc'ahc'alel cux-o'tanil, yach'il u, soc ta yantic q'uinetic yu'un Jehová te Dios cu'uncotic; ha te spisil ora ya sc'an ya yich' pasel ta Israel.

Números 15:3

soc c'alal yac awa'beyic chic'bil smahtan te Jehová, teme scohtol chic'bil mahtanil, milbil mahtanil yu'un toro, tuminchij o tentsun, mahtanil yu'un bin la yich' chapel, mahtanil scuenta sc'anojel awo'tan, o teme yac awac' bin sumet yic' ta stojol Jehová ta yorahil q'uinetic awu'unic,

2 Crónicas 13:14

Te mach'atic yu'un Judá, c'alal la yilic te hahchix guerra ta stojol sitic soc ta spatic, la yawtayic te Jehová, soc te sacerdotehetic la yoq'uesinic te xulubiletic.

2 Crónicas 13:12

Ilawil, ha jolal cu'uncotic te Diose, soc te sacerdotehetic yu'un ya yoq'uesinic te xulubiletic ta acontrahic. Snich'nabex Israel, ma me xawa'be guerra te Jehová te Dios yu'un te jme'jtatic, como ma ba ya xhu' awu'unic stsalel, xchi.

2 Crónicas 5:12

spisil te levitahetic te ya xc'ayojinic, ha te Asaf, Hemán, Jedutún, soc te snich'nabic soc te yermanotac, tec'ajtic spisilic ta stojol banti ya xloc' tal c'ahc'al yu'un te scajtajib ta chiq'uel mahtanil, slapojic lino-pac' soc yich'ojic te platillo, salterio soc arpahetic, soc sjoquinejic wacwinic (120) ta tuhl sacerdotehetic te la yoq'uesinic cornetahetic.

1 Crónicas 16:42

Soc ha nix te Hemán soc Jedutún ay ta scuentahic yoq'uesinel cornetahetic soc stijel platillohetic soc te yantic a'tejibaletic yu'un música yu'un Dios. Soc te snich'nab Jedutún ay ta scuentahic scanantayel ti'nahiletic.

1 Crónicas 16:6

Te sacerdotehetic Benaía soc Jahaziel la yoq'uesinic spisil ora te cornetahetic ta stojol te scaxahul te chapbil-c'op yu'un Dios.

1 Crónicas 15:24

Te sacerdotehetic Sebanías, Josafat, Natanael, Amasai, Zacarías, Benaías soc Eliezer, ha'ic ya yoq'uesinic te cornetahetic ta stojol te scaxahul te chapbil-c'op yu'un Dios. Te Obed-edom soc Jehías, ha'ic nix jcanan-ti'nahiletic yu'un te scaxahul te chapbil-c'op.

2 Reyes 4:23

La yal te smamalal: ¿Bin yu'un ya xbaht awil yo'tic? Ma yorahiluc yach'il u o sc'ahc'alel cux-o'tanil, xchi. Ma xamel awo'tan, xchi te antse.

Deuteronomio 16:15

Huqueb c'ahc'al yac apasbe sq'uin te Jehová te Dios awu'un tey ta lugar tsahbil yu'un, como te Jehová te Dios awu'un ya ya'bat bendición ta spisil sit ats'unub awawal soc ta spisil awa'tel, buen tse'el me awo'tan yu'un.

Números 28:11

Ta shahchibal te jujun u ya me awa'beyic scuenta scohtol chic'bil mahtanil te Jehová cha'coht jcolel toro, jcoht tat tuminchij, soc huqueb tuminchijetic te jujun ya'bilal te mayuc bin jihnem yu'unic;

Colosenses 2:16

Ha yu'un ma me ayuc mach'a ya yich'oc'optayex yu'un te bin yac awe'ic soc yac awuch'ic, o scanantayel sc'ahc'alel q'uin, yach'il u, o sc'ahc'alel cux-o'tan.

Nahúm 1:15

¡Ilawil, tey ta sba witsiltic ay te yoc te mach'a ya yich' tal te lec yach'il c'op, te ya yalbe sc'oblal te lamal q'uinale! Pasa te q'uinetic awu'un, Judá, c'ohtesa ta pasel te bintic awaloj ta jamal, como mayuquix bin ora ya yochintayat te mach'a chopol yo'tan; jc'axel la yich'ix lajinel.

Lamentaciones 2:6

La sjin te snahilpac' hich te bin ut'il yaxna ta ts'umbil nichimetic, la sjin te yawil banti ya stsob sbahique. Te Jehová la yac' ch'ayuc ta o'tanil ta Sión te q'uinetic soc te sc'ahc'alel cux-o'tan; soc ta scuenta sc'ahc'al yilimba la sp'aj te ajwalil soc te sacerdote.

Salmos 98:6

Soc cornetahetic soc xulubiletic c'ayojinanic ta stojol te Muc'ul Ajwalil Jehová.

2 Crónicas 8:13

la yac'ticlan hich te bin ut'il ya sc'an ya yich' aq'uel jujun c'ahc'al, hich te bin ut'il ya yal te mandariletic yu'un Moisés, ha ta sc'ahc'alel cux-o'tan, ta yach'il u soc ta ch'ul q'uinetic te ya yich'ic pasel oxeb buelta ta jujun ha'bil: ha te Q'uin yu'un Pan ma ba yich'oj levadura, te Q'uin yu'un Semanahetic soc te Q'uin yu'un Yaxnahetic.

1 Crónicas 15:16

Te David la yalbe te príncipaletic yu'un te levitahetic te ac'a slehic ta yohlil te yermanotac te mach'atic ya xc'ayojinic soc sjahts' sc'op te a'tejibal yu'un música, ta salterio, arpa soc platillo, yu'un ya xc'ayojinic soc yutsil yo'tanic.

1 Crónicas 15:19

Hich te Hemán, Asaf soc Etán, te jc'ayojetic, la stijic te platillohetic pasbilic ta bronce.

1 Crónicas 25:1

Ha nix hich te David soc te jtsobawetic yu'un te soldadohetic la ya'beyic ya'telic te snich'nab Asaf, Hemán soc Jedutún te ya yalic sc'op-jalwanej ta scuenta stijel arpa, salterio soc platillo. Hich ay sbihilic te mach'atic ay ta scuentahic spasel te a'tele:

Salmos 33:2

Halbeyahic yutsil Jehová ta arpa, c'ayojtaybeyahic c'ayojetic soc lira te ay lajuneb sc'ab.

Salmos 149:3

Halbeyahic yutsil sc'oblal ta scuenta ahc'ot, c'ayojtayahic soc pandero soc arpa,