Salmos 139:1 - Bible in Tzeltal Bachajón

¹ Jehová, awilbeyejon co'tan soc ana'beyejon jba.

Bible in Tzeltal de Oxchuc y Tenejapa

¹ Cajwal, awilojbon co'tan ta lec, soc ana'ojbon jba;

Salmos 139:1 Referans Kwoze

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Jeremías 12:3

Pero ha'at, Jehová, yac ana'bon jba; yac awilon soc yac atsahtaybon co'tan ta sna'el te bin ut'il ayon ta atojol. ¡Tasticlana bahel hich te bin ut'il tuminchijetic te ya xbahtic ta smilojibal! parte xawac' yu'un te bin c'ahc'alil ya xlaje.

Salmos 44:21

¿ma bal lajuc sna' te Diose? como ha sna'oj spisil te bin muquen ay ta o'tanil.

Salmos 139:23

Na'bon co'tan, tsahtayawon, Dios cu'un; tsajawon soc na'bon bintic jnopoj ta co'tan.

Salmos 17:3

Ha'at la atsahtaybon co'tan, tal awilon ta ahc'abal; la atsajon, mayuc bin chopol la atahbon. La jnop ta co'tan te ma ba ya sta smul te que.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

1 Reyes 8:39

a'iybeya sc'opic c'alal ta ch'ulchan, te banti nahinemat, pasbeya perdón, pasa te bin ya sc'an pasel. A'beya ta tuhlultuhl ha chican bin yilel te bin spasojic, como ha'at ana'beyej yo'tan (como ha'at nax atuquel ana'beyej yo'tan spisil ants-winiquetic),

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

Apocalipsis 2:18

Ts'ihbabeya te ch'ul a'bat yu'un te iglesia ta Tiatira: Hich ya yal te Snich'an Dios, te sjel ta yat c'ahc' te sit soc hich yilel yoc te bin ut'il xlipet huxbil bronce:

2 Samuel 7:20

¿Bin xan c'an yalbat David ta atojol? Ha'at ana'beyej sba te a'bat awu'un, Cajwal Jehová.

2 Reyes 19:27

Jna'oj banti huculat, spisil banti ya xbahat, soc te sc'ahc'al awo'tan ta jtojol.

1 Crónicas 17:18

¿Bin xan yan ya xhu' ya yal David yu'un te ich'el ta muc' la awa'be te a'bat awu'une? Ha'at yac ana'be sba te a'bat awu'une.