Salmos 127:3 - Bible in Tzeltal Bachajón

³ Te al-nich'anetic ha te bin ya x'a'botic quich'tic yu'un te Jehová, ha mahtanil te sit te yawil alal.

Bible in Tzeltal de Oxchuc y Tenejapa

³ Te cal-jnich'antic ya x'ayinic, ja' jc'ulejaltic te ya yac'botic te Cajwaltique.

Salmos 127:3 Referans Kwoze

Deuteronomio 28:4

Bayel me yutsil sc'oblal awal-anich'nab, te sit ats'unub-awawal, te yalatac chambahlametic awu'un, te yalatac awacax, tuminchijetic soc tentsunetic awu'un.

1 Samuel 1:27

Ha te alal ini te la jc'opon Dios yu'une; te Jehová la ya'bon te bin la jc'ambe.

Isaías 8:18

Ho'on soc te jnich'nab te la ya'bon te Jehová ha señahotic soc jchahp a'telilotic ta stojol Israel te la yac' te Jehová te scuentahinej spisil, te nahinem ta wits Sión.

Génesis 48:4

soc hich la yalbon: Ya cac' xmuc'ubat soc ya cac' xp'ohlat, ya cac' te bayel ta chahp nación ya xc'ohat, soc ya ca'be te patil ats'umbal te q'uinal ini, ha yu'unic ya xc'oht spisil ora, xchi.

Génesis 33:5

Te Esaú la shach sit, la yil te antsetic soc te alaletic, hich la sjoc'oy: ¿Mach'atic a ini? xchi. Ha te alaletic te Dios ya'beyej te a'bat awu'un, xchi te Jacob.

Génesis 1:28

Dios la yac'ticlambe bendición, hich la yalbe: Sitinan soc p'ohla abahic, nojesahic ta swohlol te bahlumilal, soc tuhunahic te q'uinale. Ajwalilat ya xc'ohat yu'un te schayul ha'etic, te mutetic te ya xwihlic ta toyol soc spisil te chambahlametic te ya xbehenic ta lumq'uinal, xchi.

Génesis 24:60

La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

1 Crónicas 28:5

Ta yohlil spisil te jnich'nab (como ya'beyejon bayel jnich'nab te Jehová), ha la stsa te jnich'an Salomón yu'un ya xhuhcaj ta huctajibal te banti ya scuentahin Israel te Jehová.

Isaías 13:18

Ta ya'tejibalul st'ihmalte'ic ya slajinic te queremetic; ma ba ya sna'beyic yo'bolil sbahic te mach'atic ayinelic to, soc ma ba ya sc'uxultay te alaletique.

Génesis 4:1

Te Adán la sjoquin ta wayel te Eva te yihnam, hahch yal, hich ayin te Caín, soc hich la yal te Eva: Ta scuenta Jehová ayix jtuhl jquerem, xchi.

Deuteronomio 28:11

Te Jehová ya me yac' te c'ax bayel bin ay awu'un, ha te awal-anich'nab, te yalatac chamblahlametic awu'un, soc te sit ats'unub-awawal tey ta q'uinal te jc'axel la yal ta jamal te Jehová ta stojol ame'atat te ya ya'bate.

Jueces 12:9

Ay lajuneb scha'winic (30) ta tuhl squerem-nich'nab soc lajuneb scha'winic (30) ta tuhl yantsil-nich'nab. Te yantsil-nich'nab la yac' nuhpunuc soc winiquetic te q'uejel talemic; te squerem-nich'nab la yac'ticlambe yic' lajuneb scha'winic (30) ach'ixetic te q'uejel talemique. Huqueb ha'bil ay ta juez yu'un Israel.

2 Samuel 3:5

te swaquebal, Itream, ha yal Egla te yan yihnam David. Ha'ic te ayinic c'alal ay ta Hebrón a te David.

1 Crónicas 8:40

Te snich'nab Ulam ha winiquetic te ma xiwic ta guerra, te mero ya sna'ic yaq'uel t'ihmalte'. Ay bayel snich'nabic soc smamatac, lajuneb swaxacwinic (150) ta tuhl. Spisilic ini ha sts'umbal Benjamín.

Job 1:2

Ayin huqueb squerem-nich'nab soc oxeb yantsil-nich'nab.