Salmos 127:2 - Bible in Tzeltal Bachajón

² Tojol te sab ya xhahchex soc c'ubix ahc'abal a ya xwayex, te yac awe' pan atahoj scuenta sc'uxul awa'tel, como Dios ya ya'be swayel te mach'atic c'ux ta yo'tan.

Bible in Tzeltal de Oxchuc y Tenejapa

² Tojol ya awac' awocolic te spisil ora sjunal c'aal ya x'at'ejex, c'ux obol abaic ya ata awe'ic jpejch' waj, melel wayajtic a ya x'ac'botic yu'un Dios te mach'atic c'ux ta yo'tane.

Salmos 127:2 Referans Kwoze

Eclesiastés 5:12

Ha buhts'an swayel te mach'a ya x'a'tej, teme bayel ya xwe' o jteb nax; yan te jc'ulej ma x'ac'ot ta wayel yu'un te bintic bayel ay yu'une.

Salmos 4:8

Lamal q'uinal a ya jmehtsan jba soc ya xwayon, como ha'at atuquel, Jehová, yac awac' te jun co'tan ya x'ayinon.

Job 11:18

Jun me awo'tan, como ay smuc'ul awo'tan; yac awil ta ajoyobal, jun awo'tan ya xwayat.

Salmos 3:5

Ya jmehtsan jba, ya xwayon, ya xhahchon yan buelta, yu'un ya ya'bon quip te Jehová.

Jeremías 31:26

Hich ora wihc' jsit soc la jquil ta joyobal; buen lec te jwayiche.

Ezequiel 34:25

Ya jpas chapbil-c'op yu'un lamal q'uinal ta stojolic soc ya jloq'ues ta q'uinal te ti'awal chambahlametique; jun yo'tanic ya xnahinic ta jochol taquin q'uinal soc ya xwayic ta tohyem te'etic.

Eclesiastés 1:14

La jquil spisil te bintic ya yich' pasel ta ye'tal ch'ulchan; ilawil, tojol nax ay spisil, ha snutsel ic' c'ohem.

Eclesiastés 6:7

Spisil te ya'tel te ants-winic ha yu'un te bin ya x'och ta ye, pero ma xc'ax yo'tan yu'un.

Eclesiastés 4:8

Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

Salmos 60:5

Coltaya ta swa'el ac'ab soc a'iybon jc'op scuenta yu'un hich ya xcolic ta libre te mach'atic c'uxic ta awo'tane.

Proverbios 10:22

Te bendición yu'un Jehová ya yac' c'ulejalil, soc ma ba ya yac' mel-o'tan.