Salmos 127:1 - Bible in Tzeltal Bachajón

¹ Teme ma ha'uc te Jehová ya spas te nahe, tojol ya x'a'tejic te mach'atic ya spasique. Teme ma ha'uc te Jehová ya scanantay te pueblohe, tojol ya xcanantayot yu'un te jcananetique.

Bible in Tzeltal de Oxchuc y Tenejapa

¹ Tojol me ya yac' swocolic te jpas-naetique, teme ma ja'uc Cajwaltic te jich ya sc'ane; tojol me ya yac' swocolic ta jcanan-lum te jcananetic, teme ma ja'uc Cajwaltic te ya scanantaye.

Salmos 127:1 Referans Kwoze

Proverbios 16:9

Te ants-winic ya snop ta yo'tan te bin ya spas, pero ya xtojobtesot yu'un Jehová banti ya xbehen.

1 Corintios 3:7

Ha yu'un ma ha'uc ay sc'oblal te mach'a ya ya'iy ts'umbajel o te mach'a ya ya'be ya'lel, ha ay sc'oblal te Dios te ya yac' ch'ihyuc.

Salmos 124:1

Te manchuc la yac' sba ta jts'ehltic te Jehová, hich ac'a yal te Israel,

Isaías 62:6

Ta ba ts'ahquetic awu'un, Jerusalén, cac'oj j'il-q'uinaletic, c'ahc'al ahc'abal ma ba ya xch'abic ta c'op. ¡Ha'ex te yac awa'be sna' te Jehová, ma me xacux awo'tanic,

1 Crónicas 28:10

Ilawil, stsahojat te Jehová yu'un yac apas Na scuenta ch'ul awilal yu'un. ¡Ayuc me yip awo'tan, pasa te a'tele! xchi.

Jeremías 51:12

¡Toya mohel bandera ta sba te ts'ahquetic yu'un Babilonia, a'beyahic yip te soldadohetic te ya xcanantaywanic, ac'ahic j'il-q'uinal soldadohetic, chahpanahic jnac'tambahinwanejetic! Como te Jehová snopojix soc ya sc'ohtes ta pasel te bin yaloj ta scontrahinel te mach'atic nahenimic ta Babilonia.

1 Crónicas 28:20

Te David la yalbe xan te Salomón te snich'ane: Ac'a fuersa soc ayuc me yip awo'tan, pasa te a'tele. Ma me xiwat, ma me xpehc'aj awo'tan, como te Jehová te Dios cu'un ya me sjoquinat. Ma ba ya yihquitayat soc ma ba ya spihtesat ha to c'alal ya xhu' ta pasel spisil te a'teletic te ya xtuhun ta sna Jehová.

1 Corintios 15:14

Soc teme ma ba cha'cuxaj tal te Cristo, tojol te sc'op Dios yacotcotic ta yalel soc tojol ach'uhunejic te hichuque.

Salmos 121:1

Ya quil bahel te witsiltic. ¿Banti ya xtal te coltayel cu'une?

Salmos 123:1

Ya quilat mohel, ha'at te nahinemat ta ch'ulchan.

Salmos 120:1

Te c'alal ayon ta wocol, ya cawtay te Jehová, ya sjac'bon jc'op.

Salmos 125:1

Te mach'atic smuc'ulinej yo'tanic te Jehová hich ayic te bin ut'il te wits Sión te ma ba ya syuc' sba, te stalel ay.

Salmos 78:69

La spas te ch'ul awilal yu'un hich te bin ut'il stoyolil ch'ulchan, hich te bin ut'il te lumq'uinal te la yac' te stalel ay.

Isaías 56:10

Ha ts'o'sitetic te j'il-q'uinaletic yu'unique, spisilic ma sna'ic q'uinal; spisilic uma' ts'i'etic, ma xhu' yu'unic wohwonel; metselic a ya ya'iyic wayich, ya smulanic te wayele.

Eclesiastés 9:11

Ay yan bin la jquil ta ye'tal ch'ulchan: Te tsalaw ma ha'uc yu'un te mach'a ya xhu' yu'un ahnimal, o te tsalaw te guerra ma ha'uc yu'un te mach'atic ay yipic, te we'elil ma ha'uc yu'un te mach'atic p'ij yo'tanic, o te c'ulejalil ma ha'uc yu'un te mach'atic ay snopojibal yu'unic, o te lec ta o'tanil te mach'atic p'ijubenic; como ya sta yorahil soc ay bintic ya xc'oht ta stojol spisilic.

Salmos 126:1

C'alal te Jehová la yac' suhtuc tal te jchuqueletic ta Sión, hichotic te bin ut'il mach'atic ya ya'iyic wayich.

Salmos 122:1

Tse'el co'tan yu'un te mach'atic hich la yalbonic: Conic ta sna te Jehová, te xchihique.

Isaías 27:3

Ho'on, Jehovahon, ya jcanantay; spisil ora ya ca'be ya'lel. C'ahc'al ahc'abal ya jcanantay scuenta yu'un mayuc mach'a ya yuts'in.

1 Crónicas 29:19

Soc ha nix hich te jnich'an Salomón a'beya stojil yo'tan scuenta yu'un ya sch'uhumbat te mandariletic, te testigo-c'op soc te jchahp mandariletic awu'un, te ya spas spisil soc te ya spasbat te Na te chahpambilix cu'un te bintic ya xtuhun yu'un, xchi.

Gálatas 4:11

Ya jxi' te tojol a'tejemon ta awohlilic.

Cantares 5:7

La stahonic te jcananetic c'alal yac sbehentaybelic te pueblo; la smajonic, la yehchentesonic; la sloq'uesbonic jnahtil-c'u' te jcanan-ts'ahquetique.

Cantares 3:3

La stahonic te jcananetic te yac sbehentaybelic ta sjoyobal te pueblo, hich la joc'obe: ¿Awilojic bal te mach'a c'ux ta co'tane? xchihon.

Jeremías 51:31

Te mach'a ya x'ahnimaj ora ya xbaht sta yan te ya x'ahnimaj, jtuhl jal c'op ya x'ahnimaj bahel ta stahel yan jal c'op, ta yalbeyel te ajwalil yu'un Babilonia te ochintaybilix ta jujujehch te muc'ul pueblo yu'une.

Salmos 72:1

Dios cu'un, a'beya te ajwalil te stojil chahpanel awu'un, a'beya te snich'an ajwalil te bin stojil ay ta pasel awu'une.

Deuteronomio 8:18

Pero ya me ana' te Jehová te Dios awu'un, como ha nax stuquel te ya ya'bat awip ta stahel te c'ulejaliletic, scuenta yu'un hich ya xc'oht ta pasel yu'un a te chapbil-c'op te jc'axel la yalbe ta jamal te ame'atatic, hich te bin ut'il ta ora ini.

Josué 2:2

Hich halbot ya'iy te ajwalil yu'un Jericó: Ay winiquetic yu'un te snich'nab Israel te talemic ha ahc'abal ini ta stsahtayel te q'uinale, xchi.

1 Reyes 5:12

Te Jehová la ya'be sp'ijil yo'tan te Salomón, hich te bin ut'il halbot yu'une. Lamal q'uinal te Hiram soc Salomón, la schap sc'opic ta schebalic.