Salmos 102:12 - Bible in Tzeltal Bachajón

¹² Yan te ha'ate, Jehová, muc'ul ajwalilat sbahtel q'uinal; ayat ta na'el ta cajalcaj ts'umbalil.

Bible in Tzeltal de Oxchuc y Tenejapa

¹² Yan te ja'ate, Cajwal, muc' ajwalilat sbajt'el q'uinal; ma'yuc bi ora ya xlaj ac'oplal ta na'el atuquel.

Salmos 102:12 Referans Kwoze

Salmos 135:13

¡Jehová, sbahtel q'uinal ay te abihile; ta cajalcaj ts'umbalil ayat ta na'el!

Lamentaciones 5:19

Pero ha'at, Jehová, sbahtel q'uinal ajwalilat; stalel ay amuc'ul huctajib ta cajalcaj ts'umbalil.

Éxodo 3:15

Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal.

Hebreos 13:8

Te Jesucristo stalel ay wojey, yo'tic soc sbahtel q'uinal.

Salmos 9:7

Pero te Jehová stalel sbahtel q'uinal; chapalix smuc'ul-huctajib yu'un chahpanwanej.

Isaías 44:6

Hich ya yal te Jehová, te Ajwalil soc te J'ac'aw ta libre yu'un Israel, te Jehová te scuentahinej spisil: Ho'on ayon ta shahchibal soc ta slajibal; mayuc yan dios ta jtojol.

Isaías 60:15

Ta nahilal ch'aybilat hilel soc p'ajbilat, mayuc mach'a behenic c'axel ta atojol, pero ho'on ya cac' te ay awutsilal sbahtel q'uinal, te ha'at tse'el-o'tanilat yu'un cajalcaj ts'umbalil.

Deuteronomio 33:27

Ha ahnibal awu'un te Dios te sbahtel q'uinal ay, soc ta awe'tal ay te sc'ab te sbahtel q'uinal ay. Ha la sch'oj loq'uel ta atojol te contra, soc la yal: ¡Lajina! xchi.

Job 8:9

como te ho'otic wojey to nax chicnajotic ta q'uinal, mayuc bin jna'ojtic; te jcuxlejaltic li' ta q'uinal, hich nax ya xc'ax te bin ut'il axinal.

Job 14:2

Hich ya xloc' te bin ut'il nichim, pero ya sayub ta ora; ya x'ahn hich te bin ut'il axinal, ma xhalaj.

Salmos 90:6

ta sab ya xcol soc ya snichin, ta tibiltic ya yich' bojel soc ya xtaquij.

Salmos 109:23

Hich ya xch'ayon bahel te bin ut'il axinal c'alal ya xmahl c'ahc'al; ¡ya quich' yuq'uilanel hich te bin ut'il c'ulub!