Salmos 102:1 - Bible in Tzeltal Bachajón

¹ Jehová, a'iybon awa'iy te ya jc'oponat, ac'a c'ohtuc ta atojol te caw.

Bible in Tzeltal de Oxchuc y Tenejapa

¹ Cajwal, aiybon awaiy stojol te ya jc'oponate; ya me awac' te ya xc'ot ta atojol te cawe.

Salmos 102:1 Referans Kwoze

Salmos 18:6

Ayon ta wocol a te la jc'opon te Jehová, awon ta stojol te Dios cu'une. La ya'iybon jc'op c'alal ta Templo yu'un, c'oht ta schiquin te cawe.

Salmos 61:2

C'alal to ta sti'il bahlumilal ya jc'oponat te c'alal ya xpehc'aj te co'tane. Ic'awon bahel ta muc'ul ton te c'ax toyol xan a te bin ut'il te ho'one.

Salmos 39:12

A'iybon jc'op, Jehová, a'iybon awa'iy caw. Ma me xch'abat ta stojol te oq'uel cu'un, como hichon te bin ut'il jyanlum ta atojol, soc jbehyomon, hich te bin ut'il spisil te jme'jtate.

Éxodo 2:23

Bayel c'ahc'al ta patil cham te ajwalil yu'un Egipto. Te snich'nab Israel yaquic ta ahcan yu'un swocolic ta mosohil, tulan awonic yu'un; c'oht ta stojol Dios te yahcanic yu'un te swocolic ta mosohil.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

San Lucas 22:44

Te bin ut'il bayel yac ta wocol, la yac' xan fuersa ta sc'oponel Dios, sjel ta ch'ich' xt'uhlajan cohel schic' ta lum.

Lamentaciones 3:44

La apots aba ta tocal scuenta yu'un ma ba ya xc'oht ta atojol te ya jc'oponatcotic.

Lamentaciones 3:8

Aunque ya x'awonon ta sc'anel coltayel, ma ba ya ya'iybon te jc'ope.

Salmos 143:7

Jac'bon jc'op ta ora, Jehová, yaquix ta lajel quip. Ma me xanac' asit awelaw ta jtojol, manchuc hich ya xc'ohon te bin ut'il mach'atic cohic bahel ta muquenal.

Salmos 143:4

Ya xlaj quip ya ca'iy; ma ba ya snihquix sba ya ca'iy te co'tane.

Salmos 5:2

A'iybon awa'iy te caw, Ajwalilat soc Diosat cu'un, como ha'at ya jc'oponat.

2 Crónicas 30:27

Patil te sacerdotehetic soc te levitahetic la stehc'an sbahic, la ya'beyic bendición te pueblo; a'iybot sc'opic yu'un Dios, te bin la yalic ta sc'oponel Dios c'oht c'alal ta ch'ulchan, ta ch'ul awilal yu'un.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.

Jueces 10:16

Hich la sloq'uesic te yantic diosetic, la yac' sbahic ta a'batinel yu'un te Jehová. C'ux la ya'iy te Jehová te ay swocol te Israel.

Salmos 145:19

Ya ya'be te bintic ya sc'an yo'tanic te mach'atic ya yich'ic ta muc'; ya ya'iybe yawic soc ya scoltaylan.

Salmos 77:3

La jna' te Diose, oc'on yu'un; la jna'ulan ta co'tan, pehc'aj co'tan yu'un. Selah

Salmos 62:8

¡Ac'a smuc'ulin awo'tanic spisil ora, pueblohetic! ¡Halbeyahic bin ay ta awo'tanic! ¡Ha ahnibal cu'untic te Diose! Selah

Salmos 42:4

Ha ya jna'ticlan ini soc ya xtal mel-o'tan yu'un: ha te bin ut'il la joquin bahel tsobolic soc la jquic'ticlan bahel ta sna Dios, ta scuenta aw yu'un yutsil q'uinal ya ya'iyic soc halbeyel wocol Dios te pueblo te yac ta spasel q'uin.

Salmos 12:5

Ya yal te Jehová: Ta scaj te uts'inel yu'un te pobrehetic soc te ahcan yu'un te mach'atic mayuc bin ay yu'unic, ya xhahchonix, ya jcoltay te mach'atic sc'anojic coltayel, xchi.