Salmos 101:3 - Bible in Tzeltal Bachajón

³ Ma ba ya cac' ta stojol jsit te bin chopol. Ya quihlaybe ya'tel te mach'atic ya xhowiyic bahel; ma xcac' ya xnohpojic ta jtojol.

Bible in Tzeltal de Oxchuc y Tenejapa

³ ma me xju' ya cac' jsit ta stojol te bila amene. Ya quilaybey yat'el te mach'atic ma junuc yo'tan ta stojol Dios; ma me xcac' xtal ta jtojol.

Salmos 101:3 Referans Kwoze

Salmos 119:37

Ma me xawac' te ya quil te bintic tojol nax ay; a'bon jcuxlejal yu'un st'unel te be awu'une.

Job 31:1

La jchap jc'op soc te jsit, ¿bin ut'il c'an cac' jsit ta stojol jtuhl ach'ix?

Proverbios 6:25

Ma me xbic'taj awo'tan yu'un te st'ujbilal, ma me xawac' yu'untayat te site,

San Mateo 5:28

Pero ho'on ya calbeyex, mach'ayuc a te ya yil ants te ya xbic'taj yo'tan yu'un, la yantsinix ta yo'tan abi.

Salmos 40:4

Bayel me yutsil te mach'a ha smuc'ulinej yo'tan te Jehová, te ma ha'uc ya sle te mach'atic jtoybahetic soc te mach'atic ya xhowiyic bahel ta stojol te lotil diosetique.

Éxodo 20:17

Ma me xbic'taj awo'tan yu'un te sna apat-axuhc: ma me xbic'taj awo'tan yu'un yihnam, ya'bat, scriada, j'a'tel-wacax, burro, o biluc ay yu'un te apat-axuhc, xchi.

Deuteronomio 15:9

Tsahtaya aba te ma ba ya xtal ta awo'tan te bin chopol, te hich yac awal: Nopolix te shuquebal ha'bil, ha te ya yich' ch'ayel betiletic, teme xchihat, te yan yilel asit ta stojol awermano te pobre ay, te hich mayuc bin yac awa'be. Ya xhu' ya x'awon ta stojol Jehová ta acontra, hich yac ata amul a.

2 Pedro 2:21

Ha lec te manchuc la sna'beyic sba te be yu'un te bin stojil ta pasel, ha wocol te la sna'beyiquix sba a te la swalac'patiy te ch'ul mandaril te a'botique.

Gálatas 4:9

Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

Romanos 12:9

Ma me babac'opuc te sc'uxul awo'tanic. Ihlayahic te bin chopol, t'una me te bin leque.

Jeremías 22:17

Pero te asit soc te awo'tan ha nax ay sc'oblalic yu'un yac ale te bin ya sc'an awo'tan, yu'un yac amalbe sch'ich'el te mach'a mayuc smul, soc yu'un yac awa'iy uts'inwanej soc yac awac' c'axuc wocol.

Eclesiastés 6:9

Ha lec xan te bin ya yil te sit te bin ut'il te ya xc'ax bahel te bin ya sc'an yo'tan. Ha nix hich tojol nax soc ha snutsel te iq'ue.

Josué 23:6

Ayuc me yip awo'tanic ta scanantayel soc spasel spisil bin ts'ihbabil ta hun yu'un te mandariletic yu'un Moisés, ma me xhowiyex bahel ta stojolic ta q'uexam o ta wa'el,

Hebreos 10:39

Pero te ho'otique, ma ho'ucotic te ya suhtotic ta jpatic yu'un ya xch'ayotic, ho'otic ay sch'uhunel co'tantic yu'un hich ya xcol jch'uhleltic.

Salmos 119:113

Ya quihlay te mach'atic jchebal-o'tanetic, pero ha c'ux ta co'tan te ley awu'une.

Salmos 78:41

Bayel buelta la stsajic te Diose, la shachbeyic yo'tan te Ch'ul Dios yu'un Israel.

Salmos 14:3

Spisil howijemic, pajal bohlobenic; mayuc mach'a ya spas te bin lec, mayuc ni jtuhluc.

Éxodo 32:8

Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Miqueas 2:2

Ya xbic'taj yo'tanic yu'un q'uinaletic, hich ya spojic; ya xbic'taj yo'tanic yu'un nahetic, hich ya yich'ic; ya stenic ta uts'inel te winic soc te mach'atic ay yu'un, ya stenic ta uts'inel te winic soc te bintic ay yu'une.

Isaías 33:15

Te mach'a toj ya xbehen soc te toj ya xc'opoj, te ya sp'aj te taq'uin yu'un uts'inwanej, te ma ba ya yich' taq'uin ta schonel sba, te ya smac schiquin yu'un ma ba ya ya'iy te ya xchapbot sc'oblal ta malel ch'ich', soc te ya smuts' sit scuenta yu'un ma ba ya yil te bin chopol,

Isaías 30:11

ihquitaya te be, loc'anic ta sbehlal, ma me xawalbotic xan sc'oblal te Ch'ul Dios yu'un Israel, xchihic.

Salmos 39:1

Hich la jcal: Ya jtsahtay jba scuenta yu'un ma ba ya jta jmul soc te cac'; ya cotses freno ta que te c'alal ay ta jtojol te jchopol-o'tanetic, xchihon.

Salmos 125:5

Yan te mach'atic ya st'unic bahel te chopol be, te Jehová pajal me ya sloq'ues soc te mach'atic chopol ya'telique. ¡Ac'a lahmajuc q'uinal ta stojol Israel! C'ayoj yu'un mohel bahel ta Jerusalén.

Salmos 97:10

Ha'ex te c'ux ta awo'tanic te Jehová, ihlayahic te bin chopol; ha ya scanantaybe scuxlejalic te mach'atic yu'un te ch'uhltesbilic; ha ya yac' ta libre ta sc'ab te mach'atic chopolique.

Salmos 78:57

Suht ta spatic, ma junuc yo'tanic ta stojol hich te bin ut'il sme'static, hich howiyic te bin ut'il coxol t'ihmalte'.

Salmos 36:3

Te c'opetic ya xloc' ta ye ha chopol c'op soc lo'loywanej; hilix yu'un te sp'ijil soc spasel te bin leque.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

Deuteronomio 13:17

Ma me xatsac te bin ac'bil ta scuenta lajel, scuenta yu'un te Jehová ya sloq'ues ta atojol te sc'ahc'al yilimba, ya sc'uxultayat soc ya sna'bat yo'bolil aba, ya yac' p'ohlucat, hich te bin ut'il jc'axel yalbeyej ta jamal te ame'atatic,

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

Salmos 41:9

Ha nix hich te mach'a c'ux ya ca'iy jba soc, te ha smuc'ul co'tan sc'oblal, te mach'a jun ya xwe'on soc, hahch scontrahinonix.

Salmos 139:22

Jc'axel ya jp'aj; ha jcontratac ya ca'iy.

Proverbios 6:12

Te mach'a chopol yo'tan, te j'ixta'-o'tan, bayuc nax ya xbehen ta yalel bohlc'op;

Proverbios 6:13

ya xmuts'sitaywan, ya spas seña ta yoc, ya spasbe seña ta yalatac sc'ab;

Proverbios 8:13

Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Zacarías 8:17

Ma me ayuc mach'a ya snop ta yo'tan te bin chopol ta scontrahinel te spat-xuhc, ma me xamulanic yalel ta jamal lot, como ya jp'aj spisil ini, xchi te Jehová.