Rut 4:13 - Bible in Tzeltal Bachajón

¹³ Hich te Booz la yic' te Rut, ha yihnam c'oht; la sjoquin ta wayel. Te Jehová la yac' te ya xhahch yal, hich ayin tut querem yu'un.

Bible in Tzeltal de Oxchuc y Tenejapa

¹³ Jich nujbin Booz soc Rut, la yic' bael ta sna. Te Cajwaltic la yac'bey bendición te ya x'ayin ch'in alal yu'unic.

Rut 4:13 Referans Kwoze

Génesis 33:5

Te Esaú la shach sit, la yil te antsetic soc te alaletic, hich la sjoc'oy: ¿Mach'atic a ini? xchi. Ha te alaletic te Dios ya'beyej te a'bat awu'un, xchi te Jacob.

Génesis 29:31

Te Jehová la yil te mayuc stuc ta o'tanil te Lea, hich la yac' alajuc; yan te Raquel ma x'alaj stuquel.

Rut 3:11

Lec ay hiche, ma me xiwat, cantsil-nich'an; ya jpasbat te bin la awal, yu'un spisil jlumal ya sna'ic te lequil antsat.

Salmos 127:3

Te al-nich'anetic ha te bin ya x'a'botic quich'tic yu'un te Jehová, ha mahtanil te sit te yawil alal.

Salmos 113:9

Ya yac' te ya xnahin ta sna te jma'al, soc te tse'el yo'tan te ay yalatac. ¡Aleluya!

1 Samuel 2:5

Te mach'atic nojel sch'uhtic ya yac' sbahic ta jle-a'tel scuenta we'elil, yan te mach'atic ayic ta wi'nal, mayuquix swi'nalic. Te ants te ma x'alaj, ayinix huctuhl yal; yan te mach'a ay bayel yalatac, ay ta mel-o'tan.

1 Samuel 1:27

Ha te alal ini te la jc'opon Dios yu'une; te Jehová la ya'bon te bin la jc'ambe.

Rut 4:12

Ta scuenta te ats'umbal ya ya'bat Jehová ta scuenta te ants ini, hich ac'a c'ohtuc ana te bin ut'il te sna Fares te yal-snich'an Tamar soc Judá, xchihic.

Génesis 30:2

Te Jacob ilin ta stojol Raquel, hich la yalbe: ¿Ho'on bal Dioson te ma xcac' x'alajat? la yut.

Génesis 25:21

Te Isaac la sc'opombe te Jehová yu'un te yihnam te ma x'alaj. Tsacbot sc'op yu'un Jehová, hich hahch yal te Rebeca te yihnam.

Génesis 20:17

Ha yu'un te Abraham la sc'opombe Dios, hich lecubtesot yu'un Dios te Abimelec, te yihnam soc te scriadahetique; hich alajic,