Rut 2:6 - Bible in Tzeltal Bachajón

⁶ Hich la sjac' te ya'bat: Ha moab-ach'ix te suht loq'uel tal soc Noemí ta sq'uinal Moab.

Bible in Tzeltal de Oxchuc y Tenejapa

⁶ La sjac' te mayordomo: —Moab-ants te loc' tel ta Moab soc te Noemí.

Rut 2:6 Referans Kwoze

Rut 1:22

Hich suht tal te Noemí, joquinot tal yu'un Rut te yalib, te moab-ants; loq'uic tal ta sq'uinal Moab, hulic ta Belén ta yorahil shahchel ta bojel te cebada.

San Mateo 24:45

¿Mach'a yac awa'iy a te a'bat te jun yo'tan soc p'ij, te a'bot scuentahimbe sna te yajwal yu'un ya ya'iy mac'linwanej ta yorahil?

Rut 1:19

Hich hahchic ta behel schebalic ha to c'alal c'ohtic ta Belén. C'alal ochic bahel ta Belén, bayel c'opoj yo'tanic yu'un spisil te pueblo, hich la yalic te antsetic: ¿Ma bal ha'uc te Noemí ini? xchihic yu'un.

Rut 1:16

Pero la sjac' te Rut: Ma xawalbon te ya quihquitayat soc te ya jpihtesat; yu'un bayuc ya xbahat, tey ya xbohon a; soc bayuc ya xnahinat, tey ya xnahinon a. Ha jlumal ya xc'oht te alumale, soc ha Dios cu'un ya xc'oht te Dios awu'une.

Génesis 39:4

Te José lec ilot yu'un te yajwal, ha mayordomo c'oht yu'un te sna, la ya'be ta sc'ab spisil bintic ay yu'un.

Génesis 24:2

Te Abraham hich la yalbe te jtuhl ya'bat, te mach'a mamalix ta stojol spisil yantic ay ta sna, te scuentahinej spisil te biluquetic yu'un: Ac'a tal ac'ab ta ye'tal ca',

Génesis 15:2

La sjac' te Abram: Cajwal Jehová, ¿bin yac awa'bon te bin ut'il mayuc jnich'an? Te mach'a ya yich'bon te bintic ay cu'un, ha te Eliezer te talem ta Damasco, xchi.

San Mateo 20:8

C'alal mahlix c'ahc'al a, te yajwal te ts'usubil la yalbe te mayordomo yu'un: Ic'ticlana tal te j'a'teletic, tojbeya te ya'telic, ha nahil yac atoj te mach'atic patilix hahchic ta a'tel, ha patil te mach'atic nahil hahchic ta a'tel, xchi.

Rut 2:5

Te Booz la sjoc'obe te a'bat yu'un te scuentahinej te jboj-cebadahetic: ¿Ban talem te ach'ixe? xchi.

Rut 2:7

Hich la yalbon: Awocoluc, a'bon jtam bahel ta spat te jboj-cebadahetic ta yohlil te jtohmotohm, xchi. Hich och ta stamel yalel ta sab c'alal ta ora ini, ma ba scuxoj yo'tan ts'ihnuc, xchi.