Rut 2:2 - Bible in Tzeltal Bachajón

² Te Rut te moab-ants la yalbe te Noemí: Awocoluc, ac'awon bahel yu'un ya jtam cebada te hilem yu'un mach'ayuc a te lecon ta sit, xchi. Bahan hiche, cantsil-al, xchi te Noemí.

Bible in Tzeltal de Oxchuc y Tenejapa

² Te Rut la yalbey te Noemí: —Ac'awon bael te banti yacalic ta set'el cebada. Ya xba quil teme ay mach'a ya xc'uxtayone, teme ya yac'bon jtam ta bay yacal ta jilel yu'un te mach'atic ya set'ic loq'uel te cebadae —xi'. —Baan jiche —xi' te yalib-me'ele.

Rut 2:2 Referans Kwoze

Levítico 23:22

Te c'alal yac awa'iyic c'ajoj ta aq'uinalic, ma xac'aj c'alal ta mero sti'il, soc ma xatamic te banti hileme; ihquitaya hilel yu'un te pobre soc te jyanlum. Ho'on, Jehovahon, te Dioson awu'unique, xchi.

Levítico 19:9

Te c'alal yac awa'iy c'ajoj ma me xac'aj c'alal ta mero sti'il, soc ma xale xan te banti c'axematix ta sc'ajele.

Rut 2:7

Hich la yalbon: Awocoluc, a'bon jtam bahel ta spat te jboj-cebadahetic ta yohlil te jtohmotohm, xchi. Hich och ta stamel yalel ta sab c'alal ta ora ini, ma ba scuxoj yo'tan ts'ihnuc, xchi.

Levítico 19:16

Ma me xbehenat ta yohlil alumal ta le-c'op. Ma me ayuc bin yac apas te ya xlaj scuxlejal apat-axuhc a. Ho'on, Jehovahon.

Levítico 19:10

Ma xale xan te sit ats'usub soc ma xatam te sit ats'usub te luhbajem; ihquitaya hilel yu'un te pobre soc te jyanlum. Ho'on, Jehovahon, te Dioson awu'unique.

Rut 2:3

Hich baht te Rut, hahch ta stamel bahel ta spat te jboj-cebadahetique. Tey c'oht a ta sq'uinal Booz, te jun sbihil soc Elimelec.

Génesis 32:6

Te jal c'opetic suhtic tal ta stojol Jacob, hich hul yalbeyic: Suhtotcotiquix tal ta stojol te abanquil Esaú, ha nix ya xtal stahat ta be, soc joquimbil yu'un jbahc' (400) ta tuhl winiquetic, xchihic hulel.

1 Samuel 1:18

Lecuc me ya xc'oht ta asit te a'bat awu'un, xchi te Ana. Hich suht bahel, we', soc tey mayuquix bin ora la smel yo'tan a.