Rut 1:20 - Bible in Tzeltal Bachajón

²⁰ La sjac' te Noemí: ¡Ma xawalboniquix Noemí, a'boniquix jbihilin Mara, yu'un bayel la ya'bon jwocol te Mach'a spisil ya xhu' yu'un!

Bible in Tzeltal de Oxchuc y Tenejapa

²⁰ Te Noemí la sjac': —Ma xawalboniquix Noemí, yu'un ma t'ujbiluquix q'uinal ya caiy. Ja' lec ac'boniquix jbiilin Mara, melel te Dios te Spisil ya xju' yu'une, la yac'bon ch'aubuc co'tan sujt'el tel yu'un mel-o'tan.

Rut 1:20 Referans Kwoze

Job 6:4

como ay ta jbaq'uetal te ya'tejibalul st'ihmalte' te Mach'a spisil ya xhu' yu'un, te jch'uhlel ya yuch'be te svenenohil, soc ya scontrahinon te bintic xiweltic sba yu'un Dios.

Hebreos 12:11

Melel mayuc tojobtesel te tse'el co'tantic yu'un, c'ux ya ca'iytic; pero ta patil ya yac' sit, ha te toj-o'tanil soc lamal-o'tanil yu'un te mach'atic la yich'ic tojobtesel yu'une.

Isaías 38:13

Ya x'awonon c'alal ta sacubel q'uinal ta sc'anel coltayel, pero ha ya swuybon spisil te jbaquel hich te bin ut'il choj; ta junax ahc'abal yac ajinon.

Salmos 88:15

C'alal ta jqueremil to ayon ta wocol soc ayon ta sti'il te lajele; c'axem ta jtojol bintic xiweltic sba awu'un, ma xcuhchix cu'un ya ca'iy.

Salmos 73:14

Como spisil ora ya quich' majel, ya quich' castigo ta jujun sahb.

Job 19:6

na'ahic te ha Dios te la yuts'inon soc te la spotson ta chojac' yaquil.

Job 5:17

Bayel me yutsil te mach'a ya xtojobtesot yu'un Dios; ha yu'un ma me xap'aj te tojobtesel yu'un te Mach'a spisil ya xhu' yu'un.

Job 11:7

¿Ya bal xhu' yac ana'be scuentahil te bintic muquen ayic yu'un te Diose? ¿Ya bal xhu' awu'un stahel te c'ax lec stalel te Mach'a spisil ya xhu' yu'une?

Éxodo 6:3

Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.

Génesis 43:14

Te Dios te spisil ya xhu' yu'un ac'a sc'uxultayex te winic soc te yacuc scoltaybotic tal te yan awermanohic soc te Benjamín. Teme ya xpojboton te jnich'nab, hichuc abi, xchi.

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Apocalipsis 21:22

Mayuc templo la jquil tey a, como ha templo yu'un te Cajwaltic Dios te spisil ya xhu' yu'un, soc te Jcolel Tuminchij.

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

Éxodo 15:23

C'ohtic ta Mara, pero ma ba hu' la yuch'ic te ha' tey a, yu'un ch'a. Ha scuentahil te Mara c'oht sbihil yu'unique.

Job 9:18

ma ba ya ya'bon quich' ic', ha ya ya'bon xut'ul q'uinal ya ca'iy.