Proverbios 9:6 - Bible in Tzeltal Bachajón

⁶ Ihquitaya asonsohilic, hich me ya xcuxajex a; behenanic ta sbehlal te bintic ay ta na'el, xchi.

Bible in Tzeltal de Oxchuc y Tenejapa

⁶ Ijq'uitayaic te ma x'ana'ic stsajtayel abaique, jich me ya xcuxinex; jich me xbeenex te bit'il mach'atic ay sp'ijil sjole”, la yut.

Proverbios 9:6 Referans Kwoze

Proverbios 13:20

Te mach'a ya sjoquin te mach'atic p'ij yo'tanic, ha nix hich p'ij ya xc'oht, yan te mach'a ya sjoquin te mach'atic ma sna'ic q'uinal, ya me sta swocol.

Proverbios 4:11

La jtojobtesat ta sbehlal p'ijil-o'tanil, la jcac'at ta behel ta toj behetic.

San Lucas 13:24

Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

Apocalipsis 18:4

La jca'iy yan mach'a c'opoj tal ta ch'ulchan, hich la yal: Loc'anic tal ta stojol, pueblo cu'un, scuenta yu'un ma pajaluc yac ata amulic soc, scuenta yu'un ma pajaluc yac awich'ic castigo soc a.

Hechos 2:40

Bayel to xan bintic halbotic yu'un soc tsitsotic yu'un, hich la yal: Coltaya loq'uel abahic ta yohlil te chopol jcaj ts'umbalil ini, xchi.

Proverbios 9:11

Como ho'on ta jcuenta te ya xnahtij aworahil, bayel xan ha'bil ya xcuxajat a.

Proverbios 8:35

Como te mach'a ya stahon, ya sta scuxlejal, soc lec ta o'tanil yu'un te Jehová.

Salmos 119:115

¡Q'ueja abahic ta jtojol, ha'ex te chopolex, yu'un ya jch'uhun spasel te mandariletic yu'un te Dios cu'une!

Salmos 45:10

A'iya awa'iy, cantsil-nich'an, ilawil, ts'ehana achiquin; ch'aya me ta awo'tan te pueblo awu'un soc te sna ame'atat.

Proverbios 10:17

Te mach'a ya yich' ta cuenta te tojobtesel, ay ta sbehlal cuxlejal; yan te mach'a ya sp'aj te tojobtesel, ya xhowiy bahel.

Proverbios 23:19

A'iya me awa'iy, jnich'an, p'ijan me, ac'a awo'tan ta st'unel te lequil be.

Ezequiel 11:20

scuenta yu'un ya st'unic te mandariletic cu'un soc ya sch'uhunic spasel te chapbil mandariletique. Ha pueblo cu'un ya xc'ohtic, soc ho'on Dioson yu'unic ya xc'ohon.

Ezequiel 37:24

Ha ajwalil yu'unic ya xc'oht te ca'bat David, jtuhl nax jcanan ay yu'unic spisilic. Ya st'unic te mandariletic cu'un soc ya sch'uhunic spasel te chapbil mandariletic cu'une.