Proverbios 8:15 - Bible in Tzeltal Bachajón

¹⁵ Ho'on ta jcuenta te ya xcuentahinwan te ajwaliletic, soc te ya schahpanic stojil leyetic te príncipaletique.

Bible in Tzeltal de Oxchuc y Tenejapa

¹⁵ Jo'on ta jwenta te ya xju' yu'unic mandalteswanej a te muc' ajwaliletique, soc te ya xchajbanic te leyetic yu'unic te jmandalteswanejetique.

Proverbios 8:15 Referans Kwoze

Romanos 13:1

Spisilic ac'a yac' sbahic ta cuentahinel yu'un te mach'atic muc' ya'telic, como mayuc mach'atic yich'oj ya'telic te ma ha'uc a'bibilic yu'un Dios.

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Apocalipsis 19:11

La jquil jamal te ch'ulchan, soc ay saquil cawu. Te mach'a cajal tey a, ha Stalel Jun Yo'tan soc Smelelil, xchi te sbihile; stojil ya x'ich'awan ta c'op soc ya yac' guerra.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Jeremías 33:15

Ta hich sc'ahc'alel soc ta hich ora ya cac' puhlinuc ta stojol David te Spuhl te toj yo'tan, te stojil ya schahpanwan soc toj bin ya spas ta q'uinal.

Isaías 1:26

Ya cac' te hich ya xc'oht te juecetic awu'un te bin ut'il ta nahil to, soc te j'ac'-o'taniletic awu'unic hich te bin ut'il ta shahchibal; ta patil hich ya x'a'botat abihilin: Pueblo yu'un tojil-o'tanil, Pueblo te jun yo'tan ta jtojol.

Salmos 99:4

Ha'at ajwalilat te ay awu'el te c'ux ta awo'tan te bin toj ta pasel; ha'at la achahpan te pajal ay ta c'uxultayel spisilic; yac apas ta stojol Jacob te bin stojil soc te bin lec.

1 Crónicas 28:5

Ta yohlil spisil te jnich'nab (como ya'beyejon bayel jnich'nab te Jehová), ha la stsa te jnich'an Salomón yu'un ya xhuhcaj ta huctajibal te banti ya scuentahin Israel te Jehová.

1 Reyes 10:9

Bayel yutsilal te Jehová, te Dios awu'un, te lec yo'tan awu'un soc te la yac'at ta huctajibal yu'un Israel. Te Jehová, stalel c'ux ta yo'tan te Israel, soc la yotsesat ta ajwalil scuenta yu'un yac apas te bin stojil ta pasel soc ta chahpanwanej, xchi.

1 Reyes 5:7

Te Hiram, c'alal la ya'iy bin la yal te Salomón, buen tse'el yo'tan yu'un, hich la yal: Bayel yutsil yo'tic te Jehová, te la ya'be snich'an te David te ay sp'ijil yo'tan ta scuentahinel te muc'ul pueblo ini, xchi.

1 Reyes 3:28

Spisil Israel la ya'iy bin ut'il la schahpan te c'op te ajwalil. La yich'ic ta muc' te ajwalil como la yilic te ay sp'ijil Dios ta yo'tan ta chahpanwanej.

1 Reyes 3:9

A'beya sp'ijil yo'tan te a'bat awu'un scuenta schahpanel te pueblo awu'un soc ta stsahtayel te bin lec soc te bin ma lecuque. Como ¿mach'a ya xhu' yu'un scuentahimbel te muc'ul pueblo awu'un ini? xchi.

1 Samuel 16:1

Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

1 Samuel 9:17

Te Samuel, c'alal la yil te Saúl, hich halbot yu'un te Jehová: Ha me te winic ini te la jcalbate; ha te ya scuentahin te pueblo cu'une, xchi.

2 Crónicas 1:10

Ha yu'un a'bon sp'ijil co'tan soc bin ay ta na'el, scuenta yu'un ya xhu' ya jcuentahin ta lec te pueblo ini; como ¿mach'a ya xhu' yu'un ya scuentahin te pueblo awu'un te c'ax muc'? xchi.

Salmos 2:10

Ha yu'un, ajwalilex, p'ijanic me; ich'ahic ta cuenta te tsitsel, jcuentahinwanejex ta q'uinal.

Proverbios 8:16

Ho'on ta jcuenta te ya xcuentahinwanic príncipaletic, soc te ya ya'iyic chahpanwanej te gobernadoretique.

Proverbios 29:4

Te ajwalil te toj bin ya spas, ya ya'be yich' yip te slumale; yan te mach'a ya schon sba, ha ya sjin stuquel.

2 Crónicas 1:11

Te Dios hich la sjac'be te Salomón: Te bin ut'il hich la sc'an awo'tan, te ma ba la ac'an ac'ulejal, bayel biluquetic o awutsilal, o te yacuc xlajic te acontratac, o te nahtuc acuxlejal, pero la ac'an sp'ijil awo'tan soc bintic ay ta na'el scuenta yu'un yac acuentahin te pueblo cu'un te la jcac'at ta ajwalil yu'une,