Proverbios 8:13 - Bible in Tzeltal Bachajón

¹³ Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Bible in Tzeltal de Oxchuc y Tenejapa

¹³ Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Proverbios 8:13 Referans Kwoze

Proverbios 16:6

Ta scuenta sc'uxul-o'tanil soc smelelil ay ta pasel perdón yu'un mulil; soc ta scuenta xi'el te Jehová ya sq'uej sba te winic ta stojol te bin chopole.

Salmos 97:10

Ha'ex te c'ux ta awo'tanic te Jehová, ihlayahic te bin chopol; ha ya scanantaybe scuxlejalic te mach'atic yu'un te ch'uhltesbilic; ha ya yac' ta libre ta sc'ab te mach'atic chopolique.

1 Samuel 2:3

Ma me xc'opojex soc atoybahilic, ma me xloc' toyba-c'op ta awe'ic, como te Jehová ha te Dios te ya sna' spisil, soc ay ta scuenta stsahtayel te bintic ya yich' pasele.

Proverbios 4:24

Coma awe ta yalel te bin chopol; namal hiluc ta awe te chopol c'op.

1 Tesalonicenses 5:22

Coma abahic yu'un spisil bintic chopol.

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.

Salmos 119:128

Ha yu'un ya ca'iy te c'ax hich toj ay a spisil te mandariletic awu'un te bin ut'il spisil bintic ay, soc ya quihlay spisil te sbehlal lot.

Proverbios 16:18

Ha nahil te toybahil, patil te jinele, ha nahil te toybahil, patil te yahlele.

Proverbios 6:12

Te mach'a chopol yo'tan, te j'ixta'-o'tan, bayuc nax ya xbehen ta yalel bohlc'op;

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

Romanos 12:9

Ma me babac'opuc te sc'uxul awo'tanic. Ihlayahic te bin chopol, t'una me te bin leque.

Zacarías 8:17

Ma me ayuc mach'a ya snop ta yo'tan te bin chopol ta scontrahinel te spat-xuhc, ma me xamulanic yalel ta jamal lot, como ya jp'aj spisil ini, xchi te Jehová.

Salmos 138:6

como toyol ay te Jehová, ya yil te mach'a peq'uel ay, yan te mach'a stoyoj sba, namal ya yil stuquel.

Salmos 101:3

Ma ba ya cac' ta stojol jsit te bin chopol. Ya quihlaybe ya'tel te mach'atic ya xhowiyic bahel; ma xcac' ya xnohpojic ta jtojol.

Proverbios 10:31

Ya xloc' p'ijil c'op ta ye te mach'a toj yo'tan, yan te yac' te mach'a chopol ya yich' set'el loq'uel.

Salmos 119:104

Ta scuenta te mandariletic awu'un la jta sp'ijil co'tan; ha yu'un te ya quihlay spisil te sbehlal lot.

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Proverbios 3:7

Ma me p'ijuc yac acuy aba; ich'a ta muc' te Jehová soc ihquitaya te bin chopole.

Proverbios 15:9

Te Jehová ya yihlaybe te be yu'un te mach'atic chopol yo'tanic, pero c'ux ya ya'iy ta yo'tan te mach'a st'unoj te bin toj ta pasele.

Isaías 13:11

Ya ca'be castigo te bahlumilal yu'un te schopolil, te mach'atic chopolic ta scaj smulic. Ya jlajimbe sc'oblal te stoybahil te jtoybahetic soc ya jpehc'ambe stoybahil te j'uts'inwanejetic.

Éxodo 1:17

Pero te jtam-alaletic la xi'ic te Diose, ma ba la spasic te bin pasotic ta mandar yu'un te ajwalil yu'un Egipto, la yac' cuxajuc te tut queremetique.

Job 28:28

Hich la yalbe te ants-winiquetic: Ha p'ijil-o'tanil te yich'el ta muc' te Cajwaltique, soc ha lequil nohptesel te yihquitayel te bin chopole, xchi.

Proverbios 16:5

Te Jehová ya yihlay spisil mach'atic ya stoy sbahic; fuersa me ya yich' castigo.

Amós 6:8

Te Jehová yaloj ta jamal ta scuenta stuquel, te Jehová, te Dios te scuentahinej spisil, hich yaloj: Ya quihlay te ya scuy sba ta muc' te Jacob, ya jp'aj te t'ujbil muc'ul nahetic yu'une; ya cac' ta c'abal te muc'ul pueblo soc spisil te bintic ay tey a, xchi.