Proverbios 7:23 - Bible in Tzeltal Bachajón

²³ ha to c'alal ya xlowbot sch'uht ta ya'tejibal t'ihmalte'; hich te bin ut'il ha'mal mut ya xwihl bahel ta yaquil, ma ba ya sna' ya xlajimbot scuxlejal yu'un.

Bible in Tzeltal de Oxchuc y Tenejapa

²³ te ora nax ya xjatbot yo'tan yu'un yat'ejibal t'imalte', soc jich te bit'il ja'mal mut ya xwil ochel ta yutil te yaquile, ma ba ya sna' teme ja' slajib ya xc'ote.

Proverbios 7:23 Referans Kwoze

Eclesiastés 9:12

Soc mayuc mach'a sna'oj te yorahil: Hich te bin ut'il chayetic te tsacbilic ta chopol tsacojibal, o hich te bin ut'il ha'mal-mut te ya yich' chuquel ta yaquil, hich te ants-winiquetic ya yich'ic chuquel ta yorahil wocol te repente nax ya xc'oht ta stojolic.

Proverbios 9:18

Pero ma ba ya sna'ic te tey ayic a te mach'atic chamenic, te mach'atic sjoquinejic, ayic ta sc'ubulil yawil te mach'atic chamenique.

Proverbios 1:17

Tojol ya yich' pasel yaquil teme yac yilbel spisil te ha'mal mutetique.

Proverbios 6:26

como te j'antsinel-ants ya sc'ambe jxeht' pan te winique, yan te nuhpunem ants te ya sc'an yajmul, ya snutsbe scuxlejal te winique.

Proverbios 6:32

Soc te mach'a ya ya'iy antsiwej, mayuc snopojibal yu'un; te mach'a hich ya spas ha nix ya sjin sba.

Proverbios 7:22

Ora la st'un bahel hich te bin ut'il wacax te ya xbaht ta banti ya yich' milel, hich te bin ut'il chij te ya x'och ta yaquil,

Eclesiastés 7:26

La jta te bin c'ax hich sch'ahal a te bin ut'il te lajele: ha te ants te ha yaquil soc ya xchucawan te yo'tan, soc te ha cadenahetic te sc'abe. Te mach'a tse'el yo'tan Dios yu'un, ma ba ya x'och ta sc'ab stuquel, yan te jmulawil ya me xchucot yu'un.