Proverbios 7:13 - Bible in Tzeltal Bachajón

¹³ Te ants la smech' soc la yuhts'uy te quereme, soc mayuc sq'uexlal a hich la yalbe:

Bible in Tzeltal de Oxchuc y Tenejapa

¹³ Te antse la smey soc la sbujts'iy te quereme, soc ma'yuc xq'uexlal c'opoj, jich la yalbey:

Proverbios 7:13 Referans Kwoze

Génesis 39:12

Ha yu'un te ants la stsacbe sc'u' te José, hich la yalbe: Joquinawon ta wayel, xchi. Pero hil te sc'u' ta sc'ab te antse, loc' ta ahnel.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Ezequiel 16:33

Spisil te j'antsinel-antsetic ya x'a'botic stojolic, pero te ha'ate, la awa'be smahtan ta spisil te mach'atic la smulanat. La awa'be mahtaniletic scuenta yu'un hich ya xtalic ta bayuc ta atojol yu'un ya yantsinat.

Ezequiel 2:6

Pero ha'at snich'anat winic, ma xaxi' soc ma xaxi'be te sc'opique. Aunque ayat ta yohlil ch'ixiletic soc ch'ix, soc aunque nahinemat ta yohlil tsequetic, ma xaxi' te bin ya yalbat soc ma xiwat ta stojolic, como ha toyba pueblo.

Ezequiel 2:4

Ya jticonat bahel ta stojol te mach'atic tulan sit yelawic soc tulan yo'tanic, hich me xawalbe ta tulan: Hich yaloj te Cajwaltic Jehová, xchihat.

Isaías 50:7

Te bin ut'il te Cajwaltic Jehová ya scoltayon, hich ma ba q'uexawon; ha yu'un hich la jcac' jsit quelaw te bin ut'il ton, soc ya jna' te ma ba ya xhilon ta q'uexlal.

Proverbios 21:29

Te mach'a chopol yo'tan tulan ya yac' sba, yan te mach'a toj yo'tan ya stsahtay te be yu'une.

Números 31:16

Ta scuenta sc'op Balaam la ya'beyic sc'axuntaybe sc'op Jehová te snich'nab Israel te c'oht ta pasel ta Baal-peor, te ha scuentahil tal te jmilawal-chamel ta stojol te pueblo yu'un Jehová.

Números 25:1

Te Israel c'alal ayic ta Sitim a hahch yic' yantsimbeyic te yantsil-nich'nab moabetic,

Génesis 39:7

Ta patil, te yihnam yajwal la smulan te José, hich la yalbe: Joquinawon ta wayel, xchi.

Salmos 59:3

Como snac'oj sbahic yu'un ya smilonic; stsoboj sbahic ta jcontra winiquetic te ay yipic, ma ha'uc ta scuenta te bin jpasoj o ta scuenta jmul, Jehová.

Proverbios 9:15

yu'un ya yawtay te mach'atic yacalic ta c'axel bahel, te mach'atic toj ya xbehenic bahel: