Proverbios 6:12 - Bible in Tzeltal Bachajón

¹² Te mach'a chopol yo'tan, te j'ixta'-o'tan, bayuc nax ya xbehen ta yalel bohlc'op;

Bible in Tzeltal de Oxchuc y Tenejapa

¹² Te mach'a amen yo'tan te j'ixta-o'tane, yat'elinej yalel puro lot.

Proverbios 6:12 Referans Kwoze

San Mateo 12:34

¡Sts'umbalex jti'awal chanetic! ¿Bin ut'il c'an lecuc ac'opic te chopolexe? Como ya xloc' ta ehal te bintic nojel ta o'tanil.

Proverbios 16:27

Te mach'a chopol yo'tan ya snop schahpanel te bin chopole, te c'opetic yu'un hich c'ohem te bin ut'il c'ahc'.

Proverbios 4:24

Coma awe ta yalel te bin chopol; namal hiluc ta awe te chopol c'op.

1 Timoteo 5:13

Soc ya snopic ch'ajilal, ya xpaxiajic ta nahnatic; soc ma ha'uc nax te ch'ajic, ya snopic le-c'op soc biluc nax ya sch'ic sbahic a, ya yalic te bin ma scuentahuc yalel.

Hechos 20:30

Soc ya me xchicnaj ta awohlilic winiquetic te ya yaq'uic ta nopel lotil c'opetic yu'un ya xt'unotic yu'un te jnopojeletique.

Proverbios 17:4

Te mach'a chopol, ya ya'iybe sc'op te mach'a chopol bin ya yal; te mach'a jlot, ya ya'iybe sc'op te mach'a chopol te sc'ope.

Proverbios 8:13

Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Salmos 59:7

Yac ta loq'uel sbuhl yehic, ay espada ta sti'il yehic, hich ya yalic: ¿Mach'a ya ya'iy? xchihic.

Santiago 3:6

Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

Proverbios 11:6

Te bin stojil ya spas te mach'atic toj yo'tanic, ya x'ac'otic ta libre yu'un, pero te bic'tal-o'tanil ya schuc te mach'atic ma junuc yo'tanic.

Proverbios 6:14

chopol bintic ay ta yo'tan, ya snopilan bin chopol, ya shach c'op.

Proverbios 2:12

yu'un ya yac'at ta libre yu'un te chopol be, ta stojol winiquetic te chopol sc'opic,

Salmos 36:3

Te c'opetic ya xloc' ta ye ha chopol c'op soc lo'loywanej; hilix yu'un te sp'ijil soc spasel te bin leque.

Salmos 10:7

Nojel ta ye bohlc'opetic, lotetic soc lo'loywanej; ta ye'tal yac' ay uts'inwanej soc bintic chopol.

Salmos 10:3

Te mach'a chopol yo'tan ya stoy sba yu'un te bin ya sc'an te yo'tane, ya yalbe lec sc'oblal te mach'a jbic'tal-o'tan, soc ya yihlay te Jehová.

Santiago 1:21

Ha yu'un ihquitayahic spisil bin bohloben soc te bayel bin chopol ta pasele; peq'ueluc me awo'tanic xawich'ic te c'op ts'umbil ta awo'tanic, te ha ya xhu' ya xcol ach'uhlelic yu'un.

Jeremías 24:2

Ta jun moch ay lequil higohetic, hich te bin ut'il te nahil ya xc'anube. Ta yan moch ay higohetic te ma lecuc, ma xhu' ta lo'el.

1 Samuel 17:28

Te Eliab te sbanquil David, c'alal la ya'iy te hich yac yalbebel te winiquetic, ilin yu'un ta stojol David, hich la yal: ¿Bin tal apas? ¿Mach'a la awihquitaybe hilel te cha'oxcoht tuminchijetic ta jochol taquin q'uinal? Quilbeyejat atalel te muc' yac acuy aba soc te ma lecuc awo'tan, ha nax talemat ta yilel te guerra, xchi.

Proverbios 10:32

Te ye te mach'a toj yo'tan, ya sna' te bin lec ta halele, yan te ye te mach'atic chopol yo'tanic, ya yal bohl c'opetic.

Salmos 101:3

Ma ba ya cac' ta stojol jsit te bin chopol. Ya quihlaybe ya'tel te mach'atic ya xhowiyic bahel; ma xcac' ya xnohpojic ta jtojol.

Proverbios 3:32

Como Jehová ya yihlay te mach'a chopol yo'tan, pero jun yo'tan sba soc te mach'atic toj yo'tan.

Proverbios 16:30

Te mach'a ya smuts' sit yac ta snopel te bin ma lecuc; te mach'a ya smac ye, spasojix a te bin chopole.