Proverbios 5:6 - Bible in Tzeltal Bachajón

⁶ Ma xyich' ta cuenta te sbehlal cuxlejal; ma ba sna'oj te ma ba jun ay te be yu'une.

Bible in Tzeltal de Oxchuc y Tenejapa

⁶ Te ants jich yat'ele, ma'yuc sc'oplal ta yo'tan te sbelal cuxlejale; ni ja'uc ya xbajt' ta yo'tan yilel teme ma lequil beuc te banti yac ta baele.

Proverbios 5:6 Referans Kwoze

Proverbios 4:26

Tsahtaya te be te banti yacat ta behel bahel, soc tojuc me spisil te behetic awu'une.

Salmos 16:11

Yac awa'bon quil te sbehlal cuxlejal; ay bayel tse'el-o'tanil ta atojol, ta awa'el ay bintic mulantic sba sbahtel q'uinal. Te bin la yal David ta sc'oponel Dios.

Proverbios 30:20

Hich ay te bin ya spas te j'antsinel-ants: ya xwe' soc ya scus ye, soc ya yal: Mayuc bin chopol jpasoj, xchi.

Proverbios 5:21

Te behetic yu'un te ants-winic ay ta sit te Jehová, ha ya stsahtay yil spisil te behetic yu'un.

Salmos 119:59

La jnop ta co'tan bin yilel te behetic cu'un, hich suhton tal ta stojol te testigo-c'op awu'une.

Proverbios 11:19

Te mach'a ya st'un te bin toj ta pasel, ya me sta scuxlejal, yan te mach'a ya st'un te bin chopol, ya sta lajel yu'un.

2 Pedro 2:14

Te sitic nojel ta antsiwej, ma xquehchajic ta slehel smulic; ya smonic te mach'atic mayuc yip yo'tanic; c'ahyemic a te spisil bin ya xbic'taj yo'tanic yu'un, ha yal-snich'nab chopol c'oblalil.

Proverbios 2:19

Te mach'atic ya xbahtic banti ay, ma ba ya suhtiquix tal, ma ba ya st'uniquix te behetic yu'un cuxlejal.

Proverbios 9:13

Te sonso ants ya shach c'op; mayuc bin ya sna' soc ma xq'uexaw.