Proverbios 5:12 - Bible in Tzeltal Bachajón

¹² te hich yac awal: ¡Mero la jp'aj te tojobtesele! ¡Mayuc sc'oblal c'oht ta co'tan te tsitsele!

Bible in Tzeltal de Oxchuc y Tenejapa

¹² Soc jich me ya awal: “¿Bi yu'un te la jch'ay te tojtesele? ¿Bi yu'un te la jch'ay te tac'uyele?

Proverbios 5:12 Referans Kwoze

Proverbios 12:1

Te mach'a c'ux ta yo'tan te tojobtesel, c'ux ta yo'tan te p'ijil-o'tanil, yan te mach'a ya sp'aj te tsitsel ma sna' q'uinal.

Proverbios 15:5

Te mach'a ma sna' q'uinal ya sp'aj te tojobtesel yu'un te state; yan te mach'a ya sch'uhun tojobtesel ay sp'ijil yo'tan.

Proverbios 1:25

La ap'ajic spisil bintic ya ca'beyex ana'ic soc ma la ac'an te tojobtesel cu'une.

Proverbios 1:22

Ha'ex te ma xana'ic q'uinal, ¿bin to ora te yac amulanic te mayuc bin yac ana'ic? ¿Bin to ora ya smulanic labanwanej te jlabanwanejetic soc te mach'atic mayuc sp'ijil yo'tanic te ya sp'ajic bin ay ta na'el?

Proverbios 1:7

Te shahchibal te p'ijil-o'tanil ha te xi'el te Jehová; te mach'atic ma sna'ic q'uinal ya yihlayic te p'ijil-o'tanil soc te nohptesele.

Jeremías 44:4

Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Proverbios 13:18

Te mach'a ya sp'aj te tojobtesel, pobre ya xc'oht soc ya sta q'uexlal, yan te mach'a ya sch'uhun te tojobtesel, ya me x'ich'ot ta muc'.

Salmos 50:17

Yac ap'aj te tojobtesel cu'un soc yac awac' ta apat te jc'ope.

Salmos 73:22

Mayuc sp'ijil co'tan, ma ba la jna'be scuentahil; hichon ta atojol te bin ut'il chambahlam.

2 Crónicas 36:16

Pero la slabanic te jal-c'opetic yu'un Dios soc ma ba la yich'beyic ta cuenta te sc'ope, la stse'layic te jalwanejetic ha to c'alal tohy yilimba Jehová ta scontra te pueblo yu'une, ma ba weht bin ya yich' pasbeyel.

2 Crónicas 25:16

C'alal hich yac ta yalel a te jalwanej, la sjac' te ajwalil: ¿Yu'un bal awich'oj awa'tel ta j'ac'-o'tanil ta stojol te ajwalil? Coma aba. ¿Yu'un bal yac ac'an te ya jmilat? xchi. Scuenta slajibal hich la yal te jalwanej: Jna'oj te Dios snopoj ta yo'tan te ya slajinat yu'un te hich apasoj soc ma ba la ach'uhun te bin la jcalbat, xchi.

Génesis 19:9

La sjaq'uic: Loc'an teye, xchihic. Soc la yalic xan: Te jyanlum winic ini tal ta nahinel ta cohliltic, ¿yu'un bal ya sc'an ya x'ochix ta juez? C'ax hich bin chopol ya jpasbatcotic a te bin ut'il te yantique, xchihic. Tulan la stenic ta c'op te Lot, soc nohpojic bahel yu'un ya stop'ic te ti'nahil.

Proverbios 6:23

Como ha tsumbil c'ahc' te mandariletic, ha sacal q'uinal te jnohptesel, soc ha sbehlal cuxlejal te tojobteseletic,

Proverbios 5:11

Soc ta slajibal acuxlejal ya x'ahcanajat, te c'alal ya xlaj yip abaq'uetal,

Proverbios 8:36

Pero te mach'a ya sta smul ta jtojol, ya ya'be sba swocol, spisil te mach'atic ya sp'ajonic ha c'ux ta yo'tanic te lajele, xchi te P'ijil-o'tanile.

Proverbios 10:17

Te mach'a ya yich' ta cuenta te tojobtesel, ay ta sbehlal cuxlejal; yan te mach'a ya sp'aj te tojobtesel, ya xhowiy bahel.