Proverbios 4:26 - Bible in Tzeltal Bachajón

²⁶ Tsahtaya te be te banti yacat ta behel bahel, soc tojuc me spisil te behetic awu'une.

Bible in Tzeltal de Oxchuc y Tenejapa

²⁶ Ila me awil ta lec te banti ya awac' te awacane; spisil me ora ja' x'atec' te tulan lume.

Proverbios 4:26 Referans Kwoze

Hebreos 12:13

pasa toj behetic yu'un awoquic, scuenta yu'un ma ba ya xhowiy loq'uel ta be te coxo', yu'un yacuc xlecub.

Salmos 37:23

Te Jehová ya schahpambe jujujihm yoc te ants-winic, lec yo'tan yu'un te be yu'une;

Salmos 119:5

Co'tanuc te jun co'tan ya jch'uhun spasel te mandariletic awu'une.

2 Tesalonicenses 3:3

Pero stalel jun yo'tan ta jtojoltic te Cajwaltic, ya me ya'beyex yip awo'tanic soc ya me scanantayex yu'un te bin chopole.

Hageo 1:5

Hich yaloj te Jehová te scuentahinej spisil: Nopahic ta lec te behetic awu'unique.

Hageo 1:7

Hich yaloj te Jehová te scuentahinej spisil: Nopahic ta lec te behetic awu'unique.

1 Tesalonicenses 3:13

Te Cajwaltic ac'a ya'beyex yip awo'tanic scuenta yu'un hich mayuc amulic a soc ch'ultesbilex ya xc'ohex ta stojol te Jtatic Dios te c'alal ya xtal te Cajwaltic Jesucristo soc spisil te mach'atic yu'un te ch'ultesbilique.

Efesios 5:17

Ha yu'un ma me biluc nax xalomic ta pasel, na'ahic me te bin ya sc'an yo'tan te Cajwaltique.

Ezequiel 18:28

Como la yil soc la yihquitay hilel spisil te bintic la sc'axuntay, ya me xcuxaj, ma ba ya xlaj.

Salmos 119:59

La jnop ta co'tan bin yilel te behetic cu'un, hich suhton tal ta stojol te testigo-c'op awu'une.

Proverbios 5:21

Te behetic yu'un te ants-winic ay ta sit te Jehová, ha ya stsahtay yil spisil te behetic yu'un.

Efesios 5:15

Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

Proverbios 5:6

Ma xyich' ta cuenta te sbehlal cuxlejal; ma ba sna'oj te ma ba jun ay te be yu'une.

Salmos 40:2

La sloq'ueson ta pozo yu'un mel-o'tan, ta nicnic ahch'al; la yac' tehc'ajucon ta sba muc'ul ton; la yac' te tulan banti ya xbehenon.

1 Pedro 5:10

Pero te Dios te ay bayel yutsil yo'tan, te ha ta scuenta Jesucristo la yic'otic ta utsilal yu'un te sbahtel q'uinal ay, te c'alal c'axix awocolic cheb oxeb c'ahc'al, ha ni me ya slecubtesex, ya ya'beyex awipic, ya ya'beyex yip awo'tanic soc te jun awo'tanic.

Proverbios 4:25

Toj ac'a yil bahel te asite; t'ojana asit a te bin nahil ay ta atojol.

Proverbios 15:21

Te mach'a ma ba p'ij yo'tan, ay yutsil yo'tan yu'un te bintic mayuc sc'oblal; yan te mach'a p'ij yo'tan ya stsahtay te be yu'une.

Proverbios 21:29

Te mach'a chopol yo'tan tulan ya yac' sba, yan te mach'a toj yo'tan ya stsahtay te be yu'une.

Proverbios 23:19

A'iya me awa'iy, jnich'an, p'ijan me, ac'a awo'tan ta st'unel te lequil be.