Proverbios 4:23 - Bible in Tzeltal Bachajón

²³ Ta spisil, canantaya awo'tan, como tey ya xtal a te acuxlejale.

Bible in Tzeltal de Oxchuc y Tenejapa

²³ Ja'uc me tulan sc'oplal ta awo'tan te ya acanantay ta balumilal te ajol soc te awo'tane, melel tey me ya xtal a te acuxlejale.

Proverbios 4:23 Referans Kwoze

San Lucas 6:45

Te winic te lec yo'tan, ya sloq'ues tal te bin lec ay ta yo'tan. Yan te winic te ma lecuc yo'tan, ya sloq'ues tal te bin ma lecuc ay ta yo'tan, como ya xloc' tal ta ye te bin nojel ta yo'tane.

Proverbios 13:3

Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

San Mateo 15:19

Como ta o'tanil ya xloc' talel te bin chopol ta nopel, te milaw, antsiwej, chijil-o'tanil, elec', lehaw ta c'op soc te sbohlc'optayel Dios.

Proverbios 23:19

A'iya me awa'iy, jnich'an, p'ijan me, ac'a awo'tan ta st'unel te lequil be.

Proverbios 28:26

Ha sonso te mach'a ya smuc'ulin sba yo'tan, yan te mach'a ya xbehen ta sbehlal p'ijil-o'tanil libre ya xc'oht yu'un.

San Marcos 14:38

Cuxuluc awo'tanic soc c'oponahic Dios, scuenta yu'un hich ma ba yac atahic sujel ta mulil a. Ay yip stuquel te awo'tanic, pero mayuc yip te abaq'uetalique, xchi.

Deuteronomio 4:9

Ha yu'un canantaya me aba soc tsahtaya me aba ta lec, scuenta yu'un ma ba ya xch'ay ta awo'tan te bintic awiloj soc ma ba ya xch'ay ta ajolic te jayeb c'ahc'al cuxulex; a'beya sna' te awal-anich'anic soc te amamataque.

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

Proverbios 4:7

Ha nahil ay te p'ijil-o'tanil, ha yu'un ich'a sp'ijil awo'tan. Ich'a te bintic ay ta na'el, c'ax hich sc'oblal spisil a te bintic ay awu'un.

Proverbios 3:21

Jnich'an, ma me xawihquitay te bintic ay ini: canantaya te p'ijil-o'tanil soc te stsahtayel;

Proverbios 22:5

Ay ch'ixetic soc yaquiletic ta sbe te mach'a chopol; pero te mach'a ya scanantay sba soc scuxlejal q'uejel ya yac' sba ta stojolic.

Proverbios 11:16

Te ants te ay yutsil yo'tan ya sta ich'el ta muc', te winiquetic te ay yipic ya stahic c'ulejalil.

Eclesiastés 5:13

Quiloj ta bahlumilal te bin c'ax chopol: ha te ay c'ulejalil te q'uejbil yu'un te yajwal te ha nix ya xjihnot yu'une,

San Mateo 15:18

Yan te bin ya xloc' ta ehal ya xhahch tal ta o'tanil, ha me ya xjihnot yu'un te winique.

2 Reyes 10:31

Pero te Jehú ma ba ta spisil yo'tan la stsahtay sba ta spasel te smandar Jehová te Dios yu'un Israel, soc ma ba la yihquitay te muliletic la spas Jeroboam te la ya'be sta smul a te Israel.

Proverbios 16:17

Te be yu'un te mach'atic toj yo'tanic parte ay yu'un te bin chopol; te mach'a ya scanantay te be yu'un, ya scanantay scuxlejal.