Proverbios 4:17 - Bible in Tzeltal Bachajón

¹⁷ Como ha swe'elic te bin chopol, te bin ya yuch'ic ha te uts'inwanej.

Bible in Tzeltal de Oxchuc y Tenejapa

¹⁷ Te bila swe'el yuch'el ya yaiye ja' te bila amen ta pasel soc te uts'inwaneje.

Proverbios 4:17 Referans Kwoze

Miqueas 6:12

Te jc'ulejetic bayel ya x'uts'inwanic, te mach'atic nahinemic tey a ya xc'opojic ta lot, ya xlo'loywan te yehique.

Salmos 14:4

¿Ma bal yacuc sna'ic stsahtayel spisil te mach'atic chopol bin ya spasic, te hich ya slajimbonic te pueblo cu'un te bin ut'il ya swe'ic pan, soc te ma ba ya sc'oponic te Jehová?

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Sofonías 3:3

Te príncipaletic te ayic ta yohlil ha xhihet chojetic; te jchahpanwanejetic yu'unic ha ha'mal ts'i'etic te ya xbehenic ta ahc'abal te ma ba ya yihquitayic hilel jch'ixuc bac yu'un sacubel q'uinal.

Miqueas 3:5

Hich yaloj te Jehová sc'oblal te jalwanejetic te ya yac' howijuc bahel te pueblo cu'un, te hich ya yalic ta aw: Lamal q'uinal, xchihic te c'alal ay swe'elic, yan te mach'atic ma ba ya x'a'bot swe'elic yu'un ya yalbeyic sc'oblal guerra.

Proverbios 20:17

Buhts'an te we'elil tahbil ta scuenta lot, pero ta patil ya xnoj ye ta hi'.

Proverbios 9:17

Mero chi' te elc'ambil ha': mero buhts'an te bin ya yich' we'el ta muquen, xchi.

Proverbios 13:2

Ta scuenta bin ya yal, hich ya swe' te bin lec te winique, pero te mach'a j'uts'inwanej ya me sta te bin chopole.

Miqueas 7:3

Scuenta ts'acal ya spas te bin chopol, te príncipal ay bin ya xc'ambot yu'un, te juez ya sc'an smahtan ta chahpanwanej; te mach'a muc' sc'oblal ya yal chican bin ya sc'an yo'tan, pajal ya yaq'uic c'ohtuc ta pasel.

Isaías 5:18

¡Ay me swocolic te mach'atic ya snitic tal ta scuenta lot te bin chopol, soc te ya snitic tal mulil hich te bin ut'il mach'a ya stas carreta!

Isaías 5:20

¡Ay me swocolic te mach'atic ya yalic te lec te bin ma lecuc soc te ma lecuc te bin leque; te ya sc'atp'unic ta yihc'al q'uinal te sacal q'uinal, soc ta sacal q'uinal te yihc'al q'uinale; te ya sc'atp'unic ta ch'a te bin chi', soc ta chi' te bin ch'a!

Jeremías 9:4

Tuhlutuhl ac'a stsahtay sba ta stojol te mach'a sjoquinej sba soc, ma me ha'uc ya smuc'ulin yo'tan te yermano, como spisil yermano ya xlo'loywan, soc spisil mach'a sjoquinej sba soc ya xlehawan ta c'op.