Proverbios 4:15 - Bible in Tzeltal Bachajón

¹⁵ Ihquitaya, ma me xc'axat tey a; loc'an tal tey a, bahan.

Bible in Tzeltal de Oxchuc y Tenejapa

¹⁵ Ja' me lec te ma ba ya xc'axat ta sbeique, parte me xawac' aba, ma me xat'un; jich me xapas spisil ora.

Proverbios 4:15 Referans Kwoze

Efesios 5:11

Ma me xajoquinic ta spasel te a'teliletic yu'un te yihc'al q'uinal te mayuc stuc, ha lec xan te yac awaq'uic ta ilel te ay smulic,

1 Tesalonicenses 5:22

Coma abahic yu'un spisil bintic chopol.

Job 22:23

Teme yac apehc'an aba soc teme ya suhtat ta stojol te Mach'a spisil ya xhu' yu'un, soc yac aloq'ues ta anahilpac' te bin chopole,

Job 11:14

teme ay smul te ac'ab, soc teme yac ach'ay hilel, teme ma ba yac awac' ayinuc ta ana te bin ma stojiluc,

Éxodo 23:7

Namaluc me ya xhil awu'un te lotil c'op, soc ma me xawac' ta milel te mach'a mayuc smul soc te mach'a toj yo'tan, como ma ba ya cal te mayuc smul te mach'a chopole.

Isaías 33:15

Te mach'a toj ya xbehen soc te toj ya xc'opoj, te ya sp'aj te taq'uin yu'un uts'inwanej, te ma ba ya yich' taq'uin ta schonel sba, te ya smac schiquin yu'un ma ba ya ya'iy te ya xchapbot sc'oblal ta malel ch'ich', soc te ya smuts' sit scuenta yu'un ma ba ya yil te bin chopol,

Proverbios 6:5

ahnan loq'uel, hich te bin ut'il gacela-chij ta stojol jnutsojel, hich te bin ut'il mut ya xcol loq'uel ta sc'ab jyaquiwej.

Proverbios 5:8

Ihquitaya ta namal te be yu'un te antse, ma me xnohpojat bahel ta sti'il sna,

Proverbios 4:14

Ma me xat'un bahel te be yu'un mach'atic bohlic, ma me xbehenat ta be yu'un mach'atic chopolic.

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Proverbios 1:15

ma me xat'un bahel, jnich'an; ma me xbehenat ta behetic yu'unic;

Proverbios 24:1

Ma me xbic'taj awo'tan yu'un te mach'atic chopolic, soc ma me xamulan te yac ajoquine;