Proverbios 4:14 - Bible in Tzeltal Bachajón

¹⁴ Ma me xat'un bahel te be yu'un mach'atic bohlic, ma me xbehenat ta be yu'un mach'atic chopolic.

Bible in Tzeltal de Oxchuc y Tenejapa

¹⁴ Ma me xat'un bael te mach'atic amen yo'tanique, ma me xat'unbey te bila amen ya spasique.

Proverbios 4:14 Referans Kwoze

Salmos 1:1

Bayel me yutsil te mach'a ma ba ya st'un te bin ya yal te mach'atic chopol yo'tanic, o ma ba ya stehc'an sba ta be yu'un jmulawiletic, o ma ba xhuhcaj ta shuctajib te jlabanwanejetique;

1 Corintios 15:33

Ma me xhowiyex; yu'un ay hich ya yich' halel: Te mach'atic chopolic te ya sjoquinotic, ha ya sjimbotic te lequil costumbrehetic cu'untic, xchi.

Proverbios 1:15

ma me xat'un bahel, jnich'an; ma me xbehenat ta behetic yu'unic;

Proverbios 1:10

Jnich'an, teme ya sc'an ya slo'loyat te jmulawiletic, ma me xawac' awo'tan a.

Proverbios 13:20

Te mach'a ya sjoquin te mach'atic p'ij yo'tanic, ha nix hich p'ij ya xc'oht, yan te mach'a ya sjoquin te mach'atic ma sna'ic q'uinal, ya me sta swocol.

Proverbios 9:6

Ihquitaya asonsohilic, hich me ya xcuxajex a; behenanic ta sbehlal te bintic ay ta na'el, xchi.

Proverbios 4:15

Ihquitaya, ma me xc'axat tey a; loc'an tal tey a, bahan.

Proverbios 5:8

Ihquitaya ta namal te be yu'un te antse, ma me xnohpojat bahel ta sti'il sna,

Proverbios 7:8

Yac ta c'axel bahel ta calle, ta banti te xuhc, yac ta behel bahel ta sna te antse

Proverbios 22:25

teme repente yac anopbe stalel, hich yac achuc aba a.

Proverbios 24:1

Ma me xbic'taj awo'tan yu'un te mach'atic chopolic, soc ma me xamulan te yac ajoquine;