Proverbios 4:1 - Bible in Tzeltal Bachajón

¹ Jnich'nab, a'iya me awa'iy te nohptesel yu'un jtuhl tatil; a'iya me awa'iyic ta lec scuenta yu'un yac atahic bin ay ta na'el.

Bible in Tzeltal de Oxchuc y Tenejapa

¹ Ja'ex te jnich'anexe, ich'aic me ta muc' te tac'uyel cu'un te atatonique. Aiya me awaiyic ta lec, jich me ya ana'ic spasel a te bila toj ta pasele.

Proverbios 4:1 Referans Kwoze

Hebreos 2:1

Ha yu'un ya me sc'an te spisil co'tantic ya quich'tic ta cuenta te bintic ca'iyejtic, te manchuc ya xhowiyotic bahel.

Salmos 34:11

La'ic, cal-jnich'nab, a'iybon awa'iyic jc'op; ya ca'beyex anopic yich'el ta muc' te Jehová.

Proverbios 1:8

Jnich'an, a'iybon awa'iy te nohptesel yu'un te atate, soc ma me xap'ajbe te tojobtesel yu'un te anane;

Proverbios 22:17

Ts'ehana achiquin, a'iybeya awa'iy sc'opic te mach'atic ay sp'ijilic; ac'a ta awo'tan te bin ya ca'bat anop,

Proverbios 5:1

Jnich'an, a'iya me awa'iy te sp'ijil co'tan, a'iybon awa'iy te bin jnopoj,

Proverbios 19:20

A'iya awa'iy te bin ya x'a'botat ana' soc ich'a te tojobtesel, hich me p'ij ya xc'ohat te jayeb xan c'ahc'al cuxulat.

Proverbios 7:4

Halbeya te p'ijil-o'tanil: Ha'at jwixat, soc hich xawalbe te bin ay ta na'el: Ha'at jmohlol-ts'ahquilat, xchihat me.

Proverbios 1:2

scuenta snopel p'ijil-o'tanil soc tojobtesel; scuenta stsahtayel te bintic ay ta halel;

Jeremías 35:8

Te ho'otcotic jch'uhunejcotic spasel spisil te bintic la yalbotcotic ta mandar te Jonadab snich'an Recad, ha te ma ba ya cuch'cotic vino te jayeb c'ahc'al cuxulotcotic, ho'otcotic soc te antsetic cu'uncotic soc te jnich'nabcotic ach'ix queremetic;

Génesis 49:2

Tsoba abahic, a'iya awa'iyic snich'nabex Jacob, a'iya awa'iyic sc'op te atatic Israel.

Proverbios 13:1

Te querem te p'ij yo'tan ya sch'uhun te tojobtesel yu'un te state, yan te mach'a jlabanwanej ma xyich' ta cuenta te tsitsele.