Proverbios 30:5 - Bible in Tzeltal Bachajón

⁵ Ha melel spisil te sc'op te Diose; ha mahquilal yu'un te mach'atic ya snac' sbahic ta stojol.

Bible in Tzeltal de Oxchuc y Tenejapa

⁵ Te Cajwaltic ya scanantay te mach'atic ja' smuc'ulinej yo'tan; spisil te bitic yalojbotic, ya sc'an ya smuc'ulin co'tantic.

Proverbios 30:5 Referans Kwoze

Salmos 18:30

Te Diose c'ax lec te be yu'une, mayuc bin capal a te sc'op te Jehová; ha mahquilal yu'un spisil mach'atic ha smuc'ulinej yo'tanic.

Santiago 3:17

Yan te p'ijil-o'tanil te ya xtal ta toyol, mayuc bin capal tey a, lamal yo'tan, manso yo'tan, bayel ya sna' yo'bolil jbahtic soc lec te sit ya yac', ma tsahbiluc nax mach'a ay ta yo'tan, soc ma jchebal-o'tanuc.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Salmos 12:6

Te bintic yaloj ya spas te Jehová, mayuc bin capal tey a, hich ayic te bin ut'il plata te lecubtesbil ta horno pasbil ta lum, te huqueb buelta yich'oj lecubtesel.

Salmos 3:3

Pero ha'at, Jehová, jmahquilalat ta joyobal, ha cutsilalat soc ha'at yac ahachbon te jole.

Salmos 119:140

Mayuc ya'baquil te ac'op awaloj, ha c'ux ta yo'tan te a'bat awu'une.

Salmos 91:2

Hich me ya calbe te Jehová: Ha'at ahnibalat cu'un soc toyol ts'ahcat cu'un, Diosat cu'un te smuc'ulinejat co'tan, xchi me ta stojol.

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Romanos 7:12

Ha yu'un ch'ultesbil stuquel te Ley, soc te mandaril ha ch'ultesbil, toj soc lec.

Salmos 144:2

Ha jc'uxultaywanej soc toyol ts'ahc cu'un, ha ahnibal soc j'ac'aw ta libre cu'un, ha mahquilal cu'un te smuc'ulinej co'tan, ha te ya ya'bon ta ye'tal coc te pueblohetique.

Salmos 19:8

Te mandariletic yu'un Jehová toj ayic stuquel, ya yac' tse'ejinuc o'tanil. Te smandar Jehová mayuc bin capal soc: ya yac' sacubuc q'uinal ta sit.

2 Samuel 22:31

Te Dios, lec te be yu'une; ay yutsil te sc'op te Jehová. Ha smahquil ta stojol spisil mach'atic ya yac' sbahic ta scuenta.

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Proverbios 2:7

Ha ya sq'uejbe lequil p'ijil-o'tanil te mach'atic toj yo'tanic; ha smahquil te mach'atic toj ya xbehenic.

Salmos 18:31

¿Ay bal yan Dios a te bin ut'il te Jehová? ¿Ay bal yan muc'ul ton a te bin ut'il te Dios cu'untique?

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.