Proverbios 3:7 - Bible in Tzeltal Bachajón

⁷ Ma me p'ijuc yac acuy aba; ich'a ta muc' te Jehová soc ihquitaya te bin chopole.

Bible in Tzeltal de Oxchuc y Tenejapa

⁷ Ma me jc'axeluc lom p'ij ya acuy aba; ich'a me ta muc' te Cajwaltique, ma me xawac' aba a te bila amene.

Proverbios 3:7 Referans Kwoze

Job 28:28

Hich la yalbe te ants-winiquetic: Ha p'ijil-o'tanil te yich'el ta muc' te Cajwaltique, soc ha lequil nohptesel te yihquitayel te bin chopole, xchi.

Romanos 12:16

Junuc me awo'tan abahic. Ma me xatoy abahic, joquinahic te mach'atic peq'uel ayique. Ma me p'ijuc xacuy abahic.

Proverbios 26:12

¿Ay bal awiloj te mach'a ya scuy sba ta p'ij? ¡Ay xan bin lec ay ta mahliyel yu'un te mach'a ma sna' q'uinal te bin ut'il te mach'a ya scuy sba ta p'ij!

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Proverbios 16:6

Ta scuenta sc'uxul-o'tanil soc smelelil ay ta pasel perdón yu'un mulil; soc ta scuenta xi'el te Jehová ya sq'uej sba te winic ta stojol te bin chopole.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Isaías 5:21

¡Ay me swocolic te mach'atic ya scuy sbahic ta p'ij, te ya scuy sbahic te ya sna'ic q'uinal!

Proverbios 14:27

Te xi'el te Jehová, ha sloq'uib-ha' yu'un cuxlejal te ya sloq'ues ta stojol te yaquil yu'un lajel.

Romanos 11:25

Quermanotac, ma jc'an te ma ba yac ana'ic bin ut'il ay ini te bin mayuc ta na'el ta namey, scuenta yu'un ma ba yac acuy abahic ta p'ij: Ta Israel ay banti tonob yo'tanic ha to c'alal ts'acay ochel te jyanlumetique.

Nehemías 5:15

Pero te yantic gobernadoretic te nahil ay cu'un la ya'beyic swocol te pueblo, la sc'ambeyic cha'winic (40) ta sehp plata yu'un pan soc vino, soc te a'batetic yu'unic la ya'beyic swocol te pueblo. Pero te ho'one, ma hichuc la jpas, ta scaj la jxi' te Diose.

Éxodo 20:20

Te Moisés hich la yalbe te pueblo: Ma xiwex. Ha tal ya'iybeyex awo'tanic te Diose, scuenta yu'un ma sch'ay te xiwel yu'un ta atojolic soc te ma ba yac ale amulic a, xchi.

2 Samuel 12:20

Hich te David hahch ta lum, atin, la ya'be sba perfume, la sjeltay sc'u' spac', och bahel ta sna te Jehová soc la sch'uhuntay. Patil baht ta sna, la sc'an swe'el, hich we'.

Proverbios 8:13

Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Proverbios 14:16

Te mach'a p'ij yo'tan ya xi' te bin chopol, ya sq'uej sba ta stojol, yan te mach'a ma sna' q'uinal ya stoy sba soc ma ba ya stsahtay sba.

Proverbios 23:4

Ma me xc'ax awocol ta slehel te ya xc'ulejubat: p'ijan me, coma aba.

Proverbios 26:5

Sutbeya sc'op te mach'a ma sna' q'uinal hich te bin ut'il ya sc'an te sonsohil, scuenta yu'un ma ba ya scuy sba ta p'ij.

Proverbios 28:11

Te mach'a jc'ulej ya scuy sba ta p'ij, pero te pobre te ya sna' q'uinal ya xhu' ya stsahtay.

Proverbios 28:26

Ha sonso te mach'a ya smuc'ulin sba yo'tan, yan te mach'a ya xbehen ta sbehlal p'ijil-o'tanil libre ya xc'oht yu'un.