Proverbios 3:6 - Bible in Tzeltal Bachajón

⁶ Ta spisil te bintic yac apas, na'a me te Jehová, ha ya stojobtesbat te behetic awu'un.

Bible in Tzeltal de Oxchuc y Tenejapa

⁶ Ta spisil te bitic ya apase, ja'uc me ay ta awo'tan te Cajwaltique, ja' me ya yic'at bael ta tojil be stuquel.

Proverbios 3:6 Referans Kwoze

Proverbios 16:3

A'beya ta sc'ab Jehová te bintic yac apas, hich me ya xc'oht ta pasel te bin chapal awu'une.

Salmos 32:8

Ya ca'bat ana' soc ya ca'bat awil te be te banti ya sc'an ya xbehenat; ya cac' jsit ta atojol.

Filipenses 4:6

Ma me ayuc bin ya sna'ulan awo'tanic yu'un, pero ta scuenta sc'oponel Dios soc yalel wocol, a'beya sna' Dios spisil te bintic yac ac'ambeyic, soc halbeyahic wocol Dios yu'un.

Proverbios 16:9

Te ants-winic ya snop ta yo'tan te bin ya spas, pero ya xtojobtesot yu'un Jehová banti ya xbehen.

Jeremías 10:23

Jna'oj, Jehová, te ants-winic ma ha'uc scuentahinej te be yu'une, ma ha'uc yu'un te ya yal banti ya xbehen.

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

Isaías 48:17

Hich yaloj te Jehová, te J'ac'aw ta libre awu'un, te Ch'ul Dios yu'un te Israel: Ho'on Jehovahon, te Dioson awu'un, te ya ca'bat anop te bin lec ya xc'ohat yu'un, te ya jtojobtesat ta be te banti ya sc'an yac at'un bahele.

Colosenses 3:23

Spisil te bintic yac apasic, spisiluc me awo'tan xapasic, hichuc te bin ut'il ta stojol te Cajwaltic, ma ha'uc ta stojol winiquetic,

Colosenses 3:17

Spisil te bintic yac apasic, teme ta ac'opic o te bin yac apasic, pasahic spisil ta scuenta sbihil te Cajwaltic Jesús, soc halbeyahic wocol te Jtatic Dios ta scuenta.

Proverbios 23:17

Ma me xati'ti'o'tantay te jmulawiletic, pero spisil ora xi'a me te Jehová.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

1 Samuel 30:8

Te David la sjoc'obe te Jehová: ¿Ya bal jnuts bahel te jpoj-biluquetique? ¿Ya bal xhu' ya jta? xchi. La sjac' te Jehová: Nutsa bahel, ya me ata, soc ya me acoltay tal te mach'atic bahemic ta chuquel, xchi.

Isaías 45:13

La jtij hahchel te Ciro ta scuenta bin stojil ta pasel, soc ya jtojobtesbe spisil te behetic yu'une. Ha ya scha'pasbon te pueblo cu'un soc ya yac' ta libre te mach'atic cu'un te bahemic ta chuquel, ma ha'uc ta scuenta stojol o ta scuenta mahtaniletic, xchi te Jehová te scuentahinej spisil.

Nehemías 1:11

Ya calbat wocol, Jehová, te yacuc awa'iybe sc'op te a'bat awu'un soc te sc'op te a'batetic awu'un, te mach'atic ya sc'an ya yich'ic ta muc' te abihile. Ac'a te lecuc ya xc'oht te a'bat awu'un, te lecuc ya xc'oht ta stojol te winic ini, xchihon. Ta hich ora ho'on jc'asesej-copahon yu'un te ajwalil.

Nehemías 2:4

¿Bin yac ac'an? xchi te ajwalil. La jc'opon te Dios ta ch'ulchan,

Esdras 7:27

Bayel yutsil Jehová te Dios yu'un te jme'jtatic te la ya'be ta yo'tan te ajwalil te ya yich' ta muc' te sna Jehová te ay ta Jerusalén,

2 Corintios 8:16

Wocol yal Dios te la yac' te hich nix ya sna'ex ta yo'tan te Tito te bin ut'il ya jna'ex ta co'tan te ho'one.

Números 9:20

Teme ma ba bayel c'ahc'al ay ta sba te Nahilpac' Templo, ta smandar Jehová ya x'ayinic ta scampamentohic, soc ta smandar Jehová ya xhahchic ta behel.

Nehemías 7:5

Dios la ya'bon ta co'tan te ya stsob sbahic te mach'atic ich'bilic ta muc', te mach'atic ay ya'telic, soc te pueblo, scuenta yu'un ya yich'ic ts'ihbayel sbihilic ta chahpalchahp sts'umbalic. La jta te libro te banti ts'ihbabil te chahpalchahp sts'umbalic te mach'atic nahil hulic tal, hich la jta te bin ts'ihbabil tey a:

Proverbios 11:5

Te bin stojil ya spas te mach'a toj yo'tan, ya xtojobtesot ta be yu'un, yan te mach'a chopol yo'tan, ha ya xyahltesot yu'un te bin chopol ya spase.

Jeremías 42:3

C'ambeya te Jehová te Dios awu'un te yacuc yac' jna'cotic banti ya sc'an ya xbohotcotic soc bin ya sc'an ya jpascotic, xchihic.

Isaías 26:7

Ha toj te be yu'un te mach'a toj yo'tan, ha'at te toj awo'tan, yac apamambe te sbe te mach'a toj yo'tan.