Proverbios 3:2 - Bible in Tzeltal Bachajón

² yu'un hich ya xnahtij aworahil te ya xcuxajat soc ya ya'bat bayel awutsil alequil.

Bible in Tzeltal de Oxchuc y Tenejapa

² jich me najt' aworail ya xcuxinat soc bin nax me awo'tan ya xc'axat ta q'uinal.

Proverbios 3:2 Referans Kwoze

Proverbios 4:10

A'iya awa'iy, jnich'an, ich'a ta cuenta bin ya cal, hich me bayel xan ha'bil ya xcuxajat a.

Proverbios 9:11

Como ho'on ta jcuenta te ya xnahtij aworahil, bayel xan ha'bil ya xcuxajat a.

Salmos 91:16

Ya ca'be smulan naht scuxlejal soc ya ca'be yil te colel cu'un, xchi te Jehová.

Romanos 15:13

Te Dios yu'un smuc'ul-o'tanil ac'a snojesbeyex awo'tanic ta tse'el-o'tanil soc lamal-o'tanil ta scuenta te bin ach'uhunejic, scuenta yu'un ay bayel smuc'ul awo'tanic ta scuenta yu'el te Ch'ul Espíritu.

Salmos 128:6

soc te yacuc awilbe te snich'nab te anich'nabe! ¡Ac'a lahmajuc q'uinal ta stojol Israel!

Salmos 119:165

Te mach'atic c'ux ta yo'tanic te ley awu'un, ay bayel lamal q'uinal yu'unic, mayuc bin ya sc'ohchinic.

Proverbios 10:27

Te xi'el te Jehová, ya xnahtij cuxlejalil yu'un, pero ya xpehc'ambot ya'bilalic te mach'atic chopol yo'tanic.

1 Timoteo 4:8

aunque ay stuc te slecubtesel baq'uet, ha bayel xan stuc te slecubtesel o'tanil, yu'un ay bin ya jtahtic yu'un ta cuxlejal ini soc ta patil te ya xtale.

Romanos 5:1

Ha yu'un te bin ut'il halbotic te toj ayotic ta scuenta sch'uhunel-o'tanil, hich lamal q'uinal ya ca'iytic ta stojol Dios ta scuenta te Cajwaltic Jesucristo,

Salmos 21:4

La sc'ambat scuxlejal, hich la awa'be, ha naht scuxlejal te sbahtel q'uinal ay.

Romanos 14:17

como te cuentahinel yu'un Dios ma ha'uc we'el uch'el, ha te bin toj ta pasel, lamal q'uinal soc tse'el-o'tanil ta scuenta te Ch'ul Espíritu,

Isaías 32:17

Te bin ya yac' te bin stojil ta pasele, ha te lamal q'uinal, soc te bin ya xloc' yu'un te ya'tel te bin stojil ta pasel, ha te c'ux-o'tanil soc te jun yo'tan spisil ora.

Job 5:26

Mamalatix soc ay awip a ya xbahat ta muquenal, hich te bin ut'il tombil trigo te ya xtsobot ta yorahil.

Deuteronomio 11:21

scuenta yu'un te jayeb c'ahc'al ay ta sba te bahlumilal te ch'ulchan, hich naht acuxlejalic soc scuxlejalic awal-anich'nab ta q'uinal te jc'axel la yalbe ta jamal Jehová te antiguo ame'atatic te ya ya'beyique.

1 Reyes 3:14

Teme ya xbehenat ta behetic cu'un, teme yac ach'uhun te mandariletic cu'un, hich te bin ut'il la spas te David te atate, ya ca'bat naht acuxlejal, xchi sc'oblal.

Proverbios 16:31

Te mach'a saquix sjol ha scorona te ich'el ta muc'; ay ta tahel ta scuenta spasel te bin toj.

Deuteronomio 5:32

Ila me awilic hiche te yac apasic hich te bin ut'il la spasex ta mandar te Jehová te Dios awu'unique, ma me xhowiyex ta wa'el o ta q'uexam.

Proverbios 4:4

te jtat la sp'ijubteson, hich la yalbon: Ac'a ta awo'tan te bintic ya calbat; ch'uhuna te mandariletic cu'un, hich me ya xcuxajat a.