Proverbios 28:1 - Bible in Tzeltal Bachajón

¹ Te mach'a chopol yo'tan ya x'ahn bahel aunque mayuc mach'a ya xnutsot yu'un; yan te mach'a toj yo'tan, jun yo'tan ay hich te bin ut'il choj.

Bible in Tzeltal de Oxchuc y Tenejapa

¹ Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Proverbios 28:1 Referans Kwoze

Deuteronomio 28:7

Te Jehová ya me stsal te acontra te ya xhahch scontrahinat. Ta jch'ix nax be ya xloq'uic tal stahat, pero huc-ch'ix be ya xloq'uic bahel ta ahnel ta atojol.

Salmos 53:5

Tey tsacotic ta tulan xiwel ta banti mayuc xiwel, como Dios la spucbe sbaquel te mach'atic la scontrahinat. La awac' te ya xq'uexawic como ch'ayotic hilel yu'un te Diose.

Salmos 112:7

Ma ba ya xi' te bin ma lecuc ta a'iyel; jun yo'tan, ha smuc'ulinej yo'tan te Jehová.

1 Tesalonicenses 2:2

Ana'ojic te c'alal la jquich'cotic uts'inel soc q'uexlaltesel ta Filipos, te Dios cu'untic la ya'botcotic yip co'tancotic yu'un ya calbeyexcotic te lec yach'il c'op yu'un Dios, aunque ay bayel contrahinel.

Hechos 4:13

C'alal la yilic te ay bayel yip yo'tan te Pedro soc Juan, xcham yo'tanic yu'un, como sna'ojic te mayuc yich'ojic p'ijubtesel soc hich nax ayic; la sna'ic te la sjoquinic te Jesús.

Hechos 14:3

Pero bayel c'ahc'al halajic tey a te Pablo soc Bernabé, soc yip yo'tanic c'opojic ta scuenta te Cajwaltic, te ha la ya'be yip te bin ay ta halel sc'oblal te yutsil yo'tan, ta scuenta spasel jchahp a'teliletic soc señahiletic ta scuentahic.

Jeremías 20:4

Como hich yaloj te Jehová: Ilawil, ya cac' te ha'at nix tulan yac axiwtes aba soc spisil te mach'atic jun awo'tan soque. Ya me awil ta asit te ya xlajic ta espada yu'un te scontrataque. Ya cac' ta sc'ab te ajwalil yu'un Babilonia spisil Judá, ha ya yic'ticlan bahel ta chuquel ta Babilonia soc ya me smilticlan ta espada.

Levítico 26:36

Te mach'atic hilem awu'unic, ya cac' taluc xiwel ta yo'tanic tey ta sq'uinalic te scontrahique; nutsbil ya ya'iy yu'un teme ya ya'iybe sc'op ya'binal te' tembil ta ic', ya me xloq'uic ta ahnel hich te bin ut'il tembilic ta espada ya ya'iyic, soc ya xyahlic aunque mayuc mach'a nutsbilic yu'un.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

2 Reyes 7:15

Hich la st'unic bahel te siriahetic c'alal ta Jordán. La yilic te spisil te be nojel ta c'u'uletic soc yantic biluquetic te la sch'ojticlanic hilel yu'un ahnel. Patil suhtic talel te mach'atic ticombilic, la ya'beyic sna' te ajwalil.

Isaías 7:2

C'oht c'op ta stojol te sts'umbal David, hich halbot: Te Siria schapoj sc'op soc Efraín, xchi. Ha yu'un te ajwalil soc te pueblo yu'un hahchic ta nihquel hich te bin ut'il ya xyuc'ot ta ic' te te'etic ta ha'mal.

Éxodo 11:8

Spisil te a'batetic awu'un ya me xtal squejan sbahic ta jtojol, hich me ya yalbonic: Bahan me, ha'at soc spisil te pueblo te ay ta acuenta, ya me yutonic. Patil ya xloc'on bahel, xchi. Hich bayel ilinem a loc' bahel ta stojol faraón te Moisés.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Nehemías 6:11

Pero hich la jcalbe: Te jtuhl winic hich te bin ut'il ho'on ¿ya bal xloc' ta ahnel? Soc ¿mach'a a, te pajal soc ho'on, te ya x'och ta Templo ta scoltayel scuxlejal? Ma ba ya x'ochon, xchihon.

Proverbios 27:27

soc ay me bayel leche yu'un te sme' tentsunetic te yac amac'lin aba soc a te mach'atic ay awu'un soc te criadahetic awu'une.

Isaías 30:17

Jmil ta tuhl ya x'ahnex bahel ta scuenta jtuhl nax te ya xiwteswan; ya x'ahnex bahel apisilic ta scuenta ho'tuhl te ya xiwteswanic, ha to c'alal hich ya xhilex te bin ut'il uhnen te' ta ba wits, hich te bin ut'il bandera ta ba tsehl.

1 Reyes 1:49

Te jayeb yic'ab Adonías hahchic ta nihquel, ora hahchic spisilic, jujutuhl bahtic.

Job 15:21

Ay bin xnilet ya ya'iy ta schiquin te xiweltic sba; te c'alal lamal q'uinal ya ya'iy, ya xtal te jlajinwanej ta stojol.

Salmos 53:6

¡Ha'uc ya xloc' tal ta wits Sión te scolel te Israel! Te bin ora Dios ya suhtes tal ta chuquel te pueblo yu'une, stse'el me yo'tan Jacob soc bayel me yutsil yo'tan Israel yu'un.

Proverbios 10:9

Te mach'a toj ya xbehen, jun yo'tan ya xbehen, yan te mach'a st'unoj chopol be, ya me xpehc'anot.