Proverbios 27:12 - Bible in Tzeltal Bachajón

¹² Te mach'a p'ij yo'tan, c'alal ya yil te bin chopol, ya snac' sba ta stojol, pero te mach'a ma stsahtay sba ya sohl xan bahel, ya xc'ax swocol yu'un.

Bible in Tzeltal de Oxchuc y Tenejapa

¹² Te mach'a ay sp'ijile ya yil te bila chujc'ule, jich ma xyac' sba a; yan te mach'a ma stsajtay sbae, ya xc'ax bael ta ora, jich ya xc'ax swocol yu'un te bila ma lecuc ya stae.

Proverbios 27:12 Referans Kwoze

Proverbios 22:3

Te mach'a p'ij yo'tan ya yil te bin chopol, ya snac' sba ta stojol, yan te mach'a ma p'ijuc yo'tan ya xc'ax xan bahel, ya xc'ax swocol yu'un.

Proverbios 18:10

Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.

2 Pedro 3:7

Yan te ch'ulchan soc bahlumilal te ay ta ora ini, ha nix ta scuenta te sc'op Dios quechel te ya xlajic ta c'ahc', ha quechelic yu'un te yorahil ich'el ta c'op soc sjinel te chopol ants-winiquetique.

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

Hebreos 6:18

Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique.

Proverbios 27:11

Jnich'an, ayuc me sp'ijil awo'tan, hich me yac awac' tse'ejinuc co'tan; hich ya xhu' ya jsuhtesbe sc'op te mach'a ya sp'ajone.

Proverbios 27:13

Ich'beya sc'u' te mach'a ya stehc'an sba yu'un sbette mach'a ma sna'be sba; ich'beya bin ya yac' te mach'a ya stehc'an sba yu'un sbette ants te howiyem bahele.