Proverbios 26:12 - Bible in Tzeltal Bachajón

¹² ¿Ay bal awiloj te mach'a ya scuy sba ta p'ij? ¡Ay xan bin lec ay ta mahliyel yu'un te mach'a ma sna' q'uinal te bin ut'il te mach'a ya scuy sba ta p'ij!

Bible in Tzeltal de Oxchuc y Tenejapa

¹² Ya xju' te ay bila lec ya xc'ot ta stojol te mach'a ma sna' q'uinale, pero jc'axel ma'yuc lec bi ya sta te mach'a ya scuy sba ta p'ije.

Proverbios 26:12 Referans Kwoze

Proverbios 29:20

¿Ay bal awiloj te mach'a ora nax ya xc'opoje? Ha ay xan bin ay ta mahliyel yu'un te mach'a ma sna' q'uinal te bin ut'il ini.

Romanos 12:16

Junuc me awo'tan abahic. Ma me xatoy abahic, joquinahic te mach'atic peq'uel ayique. Ma me p'ijuc xacuy abahic.

Proverbios 28:11

Te mach'a jc'ulej ya scuy sba ta p'ij, pero te pobre te ya sna' q'uinal ya xhu' ya stsahtay.

Apocalipsis 3:17

Hich yac awal: Jc'uhlejon, la jtahix jc'uhlejal, mayuc bin ya spason falta, xchihat. Pero ma xana' te mayuc bin ay awu'un, c'ux obol aba, pobrehat, ts'o'sitat soc watalat.

San Mateo 21:31

Ta schebalic, ¿mach'a la spas te bin la sc'an yo'tan te state? xchi. La yalic: Ha te mach'a nahil la yalbe, xchihic. Halbotic yu'un te Jesús: Jamal ya calbeyex, te jc'an-patanetic soc te j'antsineletic ha nahil yacalic ta ochel awu'unic ta banti ay te cuentahinel yu'un te Diose;

Proverbios 26:5

Sutbeya sc'op te mach'a ma sna' q'uinal hich te bin ut'il ya sc'an te sonsohil, scuenta yu'un ma ba ya scuy sba ta p'ij.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

San Lucas 7:44

Hich la sut sit ta stojol te antse, la yalbe te Simón: ¿La bal awilix te ants ini? C'alal ochon ta ana, ma ba la awa'bon ha' jpoc coc a. Yan te ants ini la spocbon coc ta ya'lel sit soc la scusbon ta stsotsel sjol.

Proverbios 26:16

Te mach'a ch'aj ya scuy sba te c'ax hich ay sp'ijil yo'tan a te bin ut'il huctuhl te ya sna'ic suhtesel ta lec te c'ope.

Proverbios 22:29

¿Ay bal awiloj te mach'a lec te ya'tele? Ya me xc'oht ta stojol ajwaliletic, ma ha'uc ya x'a'tej ta stojol te mach'atic peq'uelique.

Proverbios 3:7

Ma me p'ijuc yac acuy aba; ich'a ta muc' te Jehová soc ihquitaya te bin chopole.

San Juan 9:41

La sjac' te Jesús: Te ts'o'situquex, mayuc amulic te hichuque, pero yo'tic, te bin ut'il yac awalic: Ya quilcotic q'uinal, te xchihex, ay amulic ya xhil.

Proverbios 12:15

Te mach'a ma sna' q'uinal, ya scuy ta toj te be yu'une, yan te mach'a p'ij yo'tan, ya sch'uhun te tojobtesele.

Proverbios 28:26

Ha sonso te mach'a ya smuc'ulin sba yo'tan, yan te mach'a ya xbehen ta sbehlal p'ijil-o'tanil libre ya xc'oht yu'un.

Isaías 5:21

¡Ay me swocolic te mach'atic ya scuy sbahic ta p'ij, te ya scuy sbahic te ya sna'ic q'uinal!