Proverbios 24:16 - Bible in Tzeltal Bachajón

¹⁶ como aunque ya xyahl huqueb buelta te mach'a toj yo'tan, ya xcha'hahch xan, yan te mach'a chopol ya xcoh bahel ta stojol bin chopol.

Bible in Tzeltal de Oxchuc y Tenejapa

¹⁶ Manchuc me ya xyal juqueb buelta, pero ya me xjajch' xan juqueb buelta. Yan stuquel te mach'atic amen yo'tanique, ya me xc'oic bael ta lajel stuquelic.

Proverbios 24:16 Referans Kwoze

Salmos 34:19

Ay bayel swocolic te mach'a toj yo'tan, pero te Jehová ya scoltay loq'uel ta spisil.

Salmos 37:24

te c'alal ya xyahl, ma ba tey ya xhil a, como ha tsacbil ta sc'ab yu'un te Jehová.

Job 5:19

Ya scoltayat loq'uel ta waqueb awocol, ta shuquebal ma ba ya stahat te bin chopole.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Proverbios 14:32

Te mach'a chopol yo'tan, ha nix ya xjihnot yu'un te schopolile, yan te mach'a toj yo'tan ha ahnibal yu'un te bin ut'il jun nax te yo'tane.

Proverbios 13:17

Te hal-c'op te chopol yo'tan, ya yac' wocol, yan te hal-c'op te jun yo'tan, ya yac' lecubuc te q'uinale.

Amós 5:2

Yahlix te ach'ix Israel, ma xhu' ya xhahchix; ihquitayot hilel ta sq'uinal, mayuc mach'a ya xhahchot yu'un.

Salmos 52:5

Dios me ya slajinat sbahtel q'uinal, ya stsacat soc ya sch'ojat loq'uel ta ana; ya sbulat loq'uel ta q'uinal yu'un mach'atic cuxulic. Selah

1 Samuel 26:10

Soc la yal xan te David: ¡Yiloj Jehová! ya me x'ehchentesot yu'un Jehová, (chican teme ya xc'oht yorahil te ya xcham, o teme ya xlaj ta guerra),

Salmos 7:16

¡Te bin chopol spasoj ya me suht tal ta stojol, te uts'inel yu'un ya suht tal ta sjol!

Ester 7:10

Hich la sjihpanic te Amán ta ts'apbil te' te ha nix la schahpan te ha yu'un sc'oblal te Mardoqueo. Hich lahmaj yilimba te ajwalil.

Hechos 12:23

Ora ehchentesot yu'un ch'ul a'bat yu'un Cajwaltic te Herodes ta scaj te ma ba la yalbe yutsilal te Diose; tohc schanul, cham yu'un.

Amós 8:14

Te mach'atic ay bin ya yalic ta jamal ta scuenta te mulil yu'un Samaria, te hich ya yalic: Ta scuenta te Dios awu'un, Dan, xchihic; soc: Ta scuenta te sbehlal Beerseba, te xchihique, ya me xyahlic, mayuquix bin ora ya xhahchiquix.

1 Samuel 31:4

Ha yu'un te Saúl la yalbe te jcuch-a'tejibal yu'un: Loq'uesa te espada awu'un, lowahon a scuenta yu'un ma ha'uc ya xtal slowon ta espada te mach'atic ma ba yich'ojic circuncisión, te hich ya slabanonic a, xchi. Pero te jcuch-a'tejibal yu'un ma ba la sc'an, yu'un bayel xiw. Ha yu'un te Saúl la stsac te espada yu'un, la syahltes sba ta sni'il.

Salmos 34:21

Te mach'atic chopolic ya xmilotic yu'un te bin chopole, te mach'atic ya yihlayic te mach'a toj yo'tan, ya xhalbotic te ay smulique.

Salmos 79:12

Soc sutbeya spacol huqueb buelta te jpat-xuhcotic yu'un te la spehc'ambat ac'oblal, Jehová.

Proverbios 6:15

Ha yu'un ay ora nax ya xtal swocol; ora nax ya yich' jinel, ma xhu' ta coltayel.

Proverbios 24:22

como biluc ora ya xtal sjinelic, soc ¿mach'a ya xhu' yu'un sna'el bin a te jinel te ya yaq'uique?

Jeremías 8:4

Hich me yac awalbe: Hich yaloj te Jehová: Te mach'a ya xyahl, ¿ma bal yacuc xhahch? te mach'a ya xhowiy bahel, ¿ma bal yacuc suht xan tal?

Jeremías 18:17

Hich te bin ut'il ic' ta banti ya xloc' tal c'ahc'al ya jpucticlan bahel ta stojol te scontratac. Ya ca'be yilic te jpat, ma ha'uc te jsit quelaw, ta sc'ahc'alel te lajinel yu'unique, xchi te Jehová.

Génesis 19:35

Hich la ya'beyic yuch' vino te static ta ahc'abal, te ihts'inal baht sjoquin ta wayel. Pero te static ma ba la sna' bin ora tal ta joquinel ta wayel o bin ora hahch bahel.

Números 32:23

Yan teme ma hichuc yac apasique, la ata amulic ta stojol Jehová. Na'a me te ya me stahex te amulique.

Proverbios 13:21

Te bin chopol ha ya snuts te jmulawiletique, yan te mach'atic toj yo'tanic ya x'a'botic smahtanin te bin leque.

Ezequiel 7:5

Hich yaloj te Jehová, te Ajwalil: ¡Ay me wocol, ilawil, ya me xtal wocol!