Proverbios 24:13 - Bible in Tzeltal Bachajón

¹³ Jnich'an, lo'an te chab como lec; te schabul te chab buhts'an yac awa'iy.

Bible in Tzeltal de Oxchuc y Tenejapa

¹³ Jnich'an, lo'a me te chabe; lo'a, ya me awaiy te mero bujts'an stuquele.

Proverbios 24:13 Referans Kwoze

Isaías 7:15

Ya me slo' tatuben leche soc chab te c'alal ya sna' stsahtayel te bin ma lecuc soc te bin leque.

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Proverbios 25:16

Teme la ata chab, p'isbil nax yac alo', teme bayel yac alo' ya ya'bat xe.

Cantares 4:11

Jlecolat, ya x'oquin chab ta sti'il awe hich te bin ut'il schabec'al chab; chab soc leche ay ta ye'tal awac'. Te sumet yic' te ac'u' apac' pajal soc yic' te Líbano.

Salmos 119:103

¡C'ax chi' ya ca'iy te ac'ope, c'ax hich schi'il ta que a te bin ut'il chab!

Salmos 19:10

C'ax hich mulambil a te bin ut'il oro, c'ax hich a te bin ut'il bayel lequil oro; c'ax hich schi'il a te bin ut'il chab, ha te chab te ya x'oquin loq'uel ta schabec'al.

San Mateo 3:4

Te Juan sc'u'inej stsotsel camello, soc nuhcul schucoj sch'uht a; ha swe'el te c'ulub soc chab.

Proverbios 25:27

Ma lecuc ta lo'el bayel chab, ha nix hich ma lecuc te ha nix ya sle yutsil sc'oblal.

Proverbios 16:24

Te c'opetic te t'ujbil ta a'iyel hich c'ohemic te bin ut'il chab ta schabec'al, ya xchi'ub ch'uhlelal yu'un soc ha pox yu'un te baquetique.

Proverbios 27:7

Te mach'a nojel sch'uht, ya sp'aj te chabe, yan te mach'a ay swi'nal, chi' ya ya'iy te bin ch'a.

Jueces 14:9

La sjots' loq'uel ta sc'ab te chab, yac ta slo'el bahel ta be. C'alal la sta te sme'stat, ha nix la ya'be slo'ic te chab; pero ma ba la yalbe te loq'uem tal ta schamen baq'uetal te choje.

1 Samuel 14:27

Pero te Jonatán ma ba la ya'iy te bin ut'il te stat la ya'be yalic ta jamal te winiquetique; ha yu'un la shach te snahbate' yich'oj ta sc'ab, la yotses ta chab, patil la yotses ta ye; lecub sit yu'un.